1 Rapajko 22:23 - সান্তালী বাইবেল

²³ Onate Probhu Isor do ńitokʼ amren noko nạbikoakʼ mocare eṛe katha roṛren jiue emakatʼkoa. Amakʼ ḍahao maraokʼ lạgitʼ Probhu Isor do am lạgitʼ bạṛicʼakʼgeye men akada.”

1 Rapajko 22:23 Referans Kwoze

Jeheskel 14:9

“ ‘Ar uni nạbi jãhãnakʼe roṛ ruạṛae enḍekhan baḍaeme, iń Probhu Isorge roṛ ruạṛ emokʼ lạgitʼ uniń bulạu akadea. Ona tayom uni nạbi upạrte tiyiń tultińạ ar ińren hoṛ Israelko tala khoniń marao giḍikaea.

Jesaea 44:20

Uni do torocʼ jom lekae kạmiya ar uniyakʼ bạulạha akan mon do bạṛicʼ horteye idiyea. Apnarte uni do bae rukhiyạ daṛeakʼa se bae mena, “Ińakʼ jojomti reakʼ niạ jinis do cetʼ eṛeakʼ baṅkana?”

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

1 Rapajko 20:42

Uni nạbi do raje metadea, “Probhu Isor do niạ kathae meneda, ‘okoe do ḍahaokʼ maraokʼ reakʼ sarapiń emade tahẽkan am do unim aṛakʼkedea. Onate uniyakʼ jiwi bodolte amakʼ jiwi ar uniren hoṛko bodolte amren hoṛkoakʼ jiwi hataokʼa.’ ”

Dosar Biboron 2:30

Menkhan Hesbonren Sihon raj do bae rạjilena. Aboren Probhu Isor do uniyakʼ mone keṭecʼ ocoketʼtaea jemon aboakʼ tireye paṛaokʼ, ar ńitokʼ do onage hoyakana.

Numeri 24:13

Balak do sona ar rupạte perecʼ raj oṛakʼe imạńre hõ enhõ ińakʼ sana leka bhage ar bạṛicʼ do bạń men daṛeakʼa se Probhu Isorakʼ hukum birud hõ bạń sendaṛeakʼa, menkhan Probhu Isor okae mitạń eken onageń roṛ daṛeakʼa?

1 Rapajko 21:19

Unim metawea, Probhu Isore meneda, ‘am do cetʼ mitʼṭen hoṛ gocʼkate uniyakʼ sompotti bam dokhol lạgidokʼ kana?’ Ona tayom unim metaea, Probhu Isore meneda, ‘Setako okare Nabatakʼ mãyãmko caṭokʼ jom akatʼ onḍege onko do amakʼ mãyãm, hẽ amakʼ mãyãm hõko caṭokʼ jomtama.’ ”

Exodus 10:20

Menkhan Probhu Isor do Pharaoakʼ mone keṭecʼ ocoketʼtaea; uni do Israelko bae sen ocowatʼkoa.

Exodus 4:21

Probhu Isor do Moseye metadea, “Okako hahaṛa kạmi lạgitʼ daṛeń ematʼme ona do Misor disạmte ruạṛ senkate Pharao samaṅrem onkaea. Menkhan uniyakʼ mon nonkań keṭecʼ ocoytaea onate uni do hoṛko bae sen ocoakoa.

1 Rapajko 22:24

Unre Kenanren hopon Sedekiạ do sen sorente johare Mikại thapakedeteye metadea, “Probhu Isorren jiu am tulucʼ katha roṛ lạgitʼ iń ṭhen khon oḍok kate oka horteye senlena?”

Bikʼcạrko 9:23

Inạ tayom Isor do Abimelek ar Sikemren hoṛko talare mitʼṭen bạṛicʼ jiue kolkedea. Onate Sikemren hoṛko do Abimelek sãote bepạtiạrko kạmikeda.

Jirimiạ 18:11

“Ona iạte am do Jihudạ ar Jerusalemren hoṛkom metakoa, Probhu Isore meneda, ‘ńelpe, ape lạgitʼ muhin reakʼ iń hudis akada ar ape upạrte mitʼṭecʼ iń goṭa akada. Onate ape do apeakʼ bạṛicʼ hor khon ruạṛokʼte bhageakʼ colonpe ar bhageakʼko kạmipe.’