1 Rapajko 22:16 - সান্তালী বাইবেল

¹⁶ Raj do uniye metadea, “Ar tinạkʼ dhao iń kiriạ ocomea baṅma, Probhu Isor ńutumte sạriyakʼ chaḍa ar cetʼ hõ bam lạiyạńạ mente?”

1 Rapajko 22:16 Referans Kwoze

Aposkạmi 19:13

Ar adom Jihudiko hõ jhaṛ ar husitʼte bạṛicʼ jiukoko oḍok giḍiyetʼko tahẽkana. Onko do Probhu Jisu ńutumte bạṛicʼ jiu capaṛ akawatʼ hoṛko bogeko reakʼ kurumuṭuko ehopʼena. Onkoko menetʼ tahẽkana, “Pạul okoe reaṅe porcaretʼkan, uni Jisu ńutumte oḍok calakʼ iń hukumam kana.”

Mathae 26:63

Menkhan Jisu do hapegeye tahẽyena. Maraṅ naeke do arhõe metadea, “Jiwetʼ Isorreń kiriạ ocoyetʼme kana, lạiyaleme, am do Mạsi, Isorren Hopon kanam se baṅ?”

2 Bõsbudạ 18:15

Raj do uniye metadea, “Ar tinạkʼ dhao kiriạ kateń metama, Probhu Isor ńutumte sạriyakʼ chaḍa ar cetʼge alom mena mente?”

1 Samuel 14:24

Enhilokʼ Israelko do ạḍi kosṭote dinko paromkeda, ente Sạul do mitʼṭecʼe kiriạ ocoletʼkoa, ạuri ạyubokʼ hạbicʼ ar bạiriko cetanre ạuriye halae hạbicʼ jãhãege jãhãnakʼko jom enḍekhan onko cetanre sarap baṛe paṛaokʼ ma. Onate enhilokʼ hoṛko do okoehõ cetʼge bako jomleda.

Josuạ 6:26

“Inạ tayom Josuạ do kiriạyenteye menkeda, “Jerikho nagraha okoe hoṛ arhõe benao rakab unire do Probhu Isorakʼ sarap paṛaokʼa: Pạhilicʼ hoponakʼ jiwite uni do ona reakʼ rehetʼe rakaba, ar huḍińicʼ hoponakʼ jiwite ona reakʼ phaṭok duạrkoe gathaoa.”

1 Rapajko 22:15

Mikại hecʼen khan raj do uniye kulikedea, “E Mikạ, ale do cetʼ Ramot-Gilead upạrte lạṛhại lạgitʼle rakapʼ calakʼa se baṅa?” Mikạ doe roṛ ruạṛkeda, “Hẽ, do calakʼme, ar jhãp emkate jitạukʼme, ente Probhu Isor do amakʼ tiregeye jimạ akada.”

1 Rapajko 22:17

Mikại roṛ ruạṛkeda, “Ińiń ńelkeda, Israelko do gupiyicʼ begor bhiḍi leka buru cetanreko chirchạtur akana. Onate Probhu Isore meneda, ‘nokoren do cele mạlikge bạnukʼkotakoa, onate onko do sulukte apan ạpin oṛakʼteko senjoṅma.’ ”

Jirimiạ 37:17

ona tayom Sedekiạ do hoṛ kolkate uniye oḍok ạgukedea; ar raj do acʼakʼ oṛakʼre oko okoteye kulikedea, “Probhu Isorakʼ jãhãn katha menakʼa?” Jirimiại menkeda, “hẽ, menakʼgea. Uni do arhõe menkeda, am do Babelren rajakʼ tirem soprot ocokʼa.”

Jirimiạ 38:14

Ona tayom Sedekiạ raj do hoṛ kolkate Probhu Isorakʼ oṛakʼte bolokʼ tesarakʼ ṭhạ̃ire Jirimiại hoho ạgukedea. Raj do Jirimiại metadea, “Mitʼ kathań kulimea, menkhan iń ṭhen khon cetʼge alom okoya.”

Numeri 22:38

Biliame roṛ ruạṛkeda, “Iń do ńitokʼ am ṭheniń hecʼakana. Menkhan iń apnarakʼ jãhãnakʼ roroṛ reakʼ daṛe do bạnukʼtińạ. Isor okaṭakʼe baḍae ocoyiń eken onageń roṛa.”

Jirimiạ 23:28

Okoe nạbi kukmũe ńeletʼ uni do acʼakʼ kukmũ reakʼ katha do kukmũ lekageye roṛma, menkhan okoe ińakʼ kathae ńamakatʼ uni do pạtiạr salakʼ onae lại jạhirma; ente guhum jaṅ ṭhen bhusạ reakʼ do jãhãn damge bạnukʼa.