1 Rapajko 22:11 - সান্তালী বাইবেল

¹¹ Unre Kenanren hopon Sedekiạ do mẽṛhẽtʼ reakʼ dereń benaokate noae roṛkeda, “Probhu Isore meneda, Aramrenko ạuriko marao utạrokʼ hạbicʼ am do noatem rokʼ pạsirkoa.”

1 Rapajko 22:11 Referans Kwoze

Dosar Biboron 33:17

Uniren pạhil janam adar doe ṭhonokana, uniyakʼ bohokʼre kạpil gại reakʼ dereńge menakʼa. Onate uni do prithimiren sanam jạtrenkoe hoṭakʼ pạsirkoa, ar ses simạnare menakʼko jạtrenko hõ. Ephrayimren do lakh lakh ar Manaseren do hajar hajar hoṛko hoyokʼa.”

2Timothi 3:8

Cetʼleka Jannes ar Jambres do Mose upạrtekin teṅgolen onkage noko hoṛko hõ ona sạriyakʼ upạrteko teṅgon kana. Nokoakʼ mon do bạricʼgetakoa ar Mạsiyakʼ dhorom biswạs reakʼ jãhãn cinhạge onkore do baṅ ńamokʼ kana.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Jirimiạ 29:21

Kolayaren hopon Ahab ar Maseyaren hopon Sedekiạ, unkin do iń ńutumte ape ṭhen eṛekin nạbiyetʼkan, unkin reaṅ iń Israelren Isor phạdkoren Probhugeń meneda, unkin do Babelren raj Nebukadnesarakʼ tireń soprotkińạ, ar uni do apeakʼ mẽtʼ samaṅregeye gocʼkinạ.

Jirimiạ 27:2

Probhu Isor do uniye metadea, “Am do harta reakʼ phitạ ar kaṭ reakʼ mitʼṭecʼ arãṛ benaokate amakʼ tarenre gogme.

Jirimiạ 23:31

Hẽ, iń do onko nạbi upạrtege minạńa okoe do akoakʼ alaṅko laṛaoetʼkan arko lại jạhiretʼkan, ‘Probhu Isore meneda.’

Jirimiạ 23:25

“Okoeko nạbi iń ńutumte eṛe kathako roṛetʼkan onkoakʼ katha doń ańjom akatʼgea. Onko doko meneda, ‘iń do mitʼṭecʼ kukmũń ńelakada, mitʼṭecʼ kukmũgeń ńelakada.’

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

Aposkạmi 21:11

Uni do ale ṭhen hecʼkate Pạulakʼ ḍanḍa paṭheakʼe raṛaketʼtaea ar onate acʼakʼ ti jaṅga tolketʼtaeteye menkeda, “Sonot Jiue meneda, “Jerusalemren Jihudiko do noa paṭheakʼren mạlik hõ nonkageko tolea ar boṅgan hoṛ jạtrenkoakʼ tireko jimạyea.”

1 Rapajko 22:12

Eṭakʼ nạbiko hõ inạ kathageko menkeda. Onko doko menkeda, “Ramot-Gileadte rakapʼ calakʼme ar jitạukʼme, ente Probhu Isor do maharajakʼ tire onae jimạ akada.”

1 Rapajko 22:24

Unre Kenanren hopon Sedekiạ do sen sorente johare Mikại thapakedeteye metadea, “Probhu Isorren jiu am tulucʼ katha roṛ lạgitʼ iń ṭhen khon oḍok kate oka horteye senlena?”

Daniel 8:4

Iń doń ńelkeda Bheḍa do pạchim, utạr ar dạkhin secʼe uṭicʼetʼ kana. Uni samaṅre cele janwarge bako ṭikạu daṛeada ar uni khon bańcaoko leka do celege bako tahẽkana. Uni do acʼakʼ kusi lekae cekayetʼ tahẽkana are daṛe idiyena.

Jirimiạ 23:16

Phạdkoren Probhu Isore meneda, “Nạbiko okaṭakʼ kathako menetʼkan ona do alope ańjoma; onko do apeakʼ monre eṛe asko janam ocoyeda. Ar Probhu Isorakʼ moca khon ańjomakʼ katha do bako roṛeda bickom akoakʼ benaoakʼ dorson reakʼ kathageko roṛetʼkana.