1 Rapajko 21:8 - সান্তালী বাইবেল

⁸ Unre Isebel do Ahabakʼ ńutumte olakʼ ciṭhiko olkate ona cetanre Ahabakʼ chapkoe emada ar Nabat nagrahare girobasokʼ kan murubbiko ar lekman hoṛko ṭhene kolkeda.

1 Rapajko 21:8 Referans Kwoze

Nehemiạ 6:5

Ona tayom mõṛẽ dhaore Sanbalat do inạ khoborantege acʼren guti iń ṭhene kolkedea. Uniyakʼ tire do mitʼṭecʼ ciṭhi tahẽkana.

Esra 4:11

Onko do Artaksasto raj ṭhen okaṭakʼ ciṭhiko olletʼ ona do nonka tahẽkana: “Amren gutiko, metakʼme phurạt gaḍa pạchim aṛeren hoṛko do Artaksasto raj ṭhenle oleda.

2 Bõsbudạ 32:17

Ona chaḍa Senakerib do Israelren Probhu Isor opomane lạgitʼte ciṭhire uni upạrte niạ kathae olkeda, “Eṭakʼ eṭakʼ disạmren jạtkoren debotako cetʼleka ińakʼ ti khon akoren hoṛko bako bańcao daṛeakatʼko, ṭhik onkage Hiskiạren Isor hõ ińakʼ ti khon acʼren hoṛko bae bańcao daṛeakoa.”

2 Rapajko 10:11

Tayomte Jihu do Jisriyelre Ahabakʼ bõsren sarecʼ hoṛko, uniren sanam manotan hoṛko, uniren gateko ar uniren naekekoe gocʼketʼkoa. Ar onkoren do celege jiwetʼ bako tahẽlena.

1 Rapajko 21:1

Inạ tayom Jisriyelren Nabatakʼ darkha bagwan khạtirte mitʼṭecʼ ghoṭna hoyena. Niạ darkha bagwan do Jisriyelren Samariạ rajakʼ Ahabakʼ raj doṅgol aṛerege tahẽkana.

1 Rapajko 20:7

Unre Israelren raj do disạmren sanam murubbiko hohoatʼkoteye metatʼkoa, “Ńelpe, nui hoṛ do bạṛicʼ lạgitʼe kurumuṭukana, ente uni do ińren erako gidrạko ar sona-rupạkoń emae lạgitʼe dạbiyetʼ kana ar iń hõ ona emae reakʼ iń hẽkʼ akawadea.”

Numeri 11:16

Probhu Isor do Moseye metadea, “Israelko talare okoe do mukhiyạ arko lekman hoṛkan onko modren nonkan eaegel murubbiko iń ṭhenem ạgukoa. Onko do ńapamokʼ tạmbu ṭhen hecʼkate am sãote teṅgokʼ lạgitʼem metakoa.

Mathae 27:66

Adoko calaoente dhiri cetanreko mohor chap oṭowada ar kajakte horhoe lạgitʼ pahradarkoko dohoketʼkoa.

Rut reakʼ kạhini 4:2

Ona tayom Boas do atoren gel goṭen murubbiko hohoatʼkoteye metatʼkoa, “Dela, nonḍe duṛupʼlenpe.” Unre onko do onḍeko duṛupʼena.

1 Rapajko 21:9

Uni do ona ciṭhireye olkeda, “Ape do upạs lạgitʼ lại sodorpe ar hoṛko talare Nabat do laha reakʼ mitʼṭecʼ mońj utạrakʼ ṭhạ̃ire duṛupʼakʼpe emaea.

Rut reakʼ kạhini 4:11

Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.