1 Rapajko 21:5 - সান্তালী বাইবেল

⁵ Niạ ńelte acʼren bạhu Isebel do uniye kulikedea, “Cedakʼem mon duk akana? Cedakʼ bam jom ńũiyeda?”

1 Rapajko 21:5 Referans Kwoze

Ester 4:5

Unre Ester do rajen sapʼdapʼicʼ Hathake hohoadea ar Mordekaiyakʼ cetʼ hoyakana ar cedakʼ hoyena ona baḍae lạgitʼe kolkedea.

Nehemiạ 2:2

Ona iạte raj do ińe metadińạ, “Am ma bacom ruạkʼkan, enḍekhan mẽtʼãhã do cekate mulinge ńelokʼkantama? Noa do amakʼ ontor reakʼ kosṭo chaḍa ar cetʼhõ baṅkana.” Iń do noa katha ańjomkate ạḍiń botorena,

1 Rapajko 21:25

Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.

1 Rapajko 19:2

Ar Isebel do sanam katha ańjomkate hoṛ kolkate Eliạ ṭhene roṛ gotʼkada, “Gapa niạ okte bhitrite amakʼ jiwi onko hoṛkoakʼ leka bạń hoyocoe enḍekhan debotako jemon sạjạiko emạń ar ona do ạḍi bạṛicʼ sạjạige.”

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

1 Rapajko 16:31

Nabatren hopon Jerobiam okakoe kạiletʼ onako do thoṛawakʼgeye metakʼkan tahẽkana. Eken ona do baṅa, uni do Sidonkoren raj Et-bakʼalren hoponera Esebele baplakedea ar Bakʼ-al debota sewawaye ehopʼena.

2 Samuel 13:4

Uni do Amnone metadea, “E raj kũạr, din dinte cekate nonka dom osogokʼ kana? Iń do cetʼ bam lạiyạńạ?” Amnone menkeda, “Iń do Absalomren misera Tamar iń dulạṛ edekana.”

Genesis 3:6

Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

1 Rapajko 21:4

“Ińren ạpuń ar goṛomiń ṭhen khon ńamakʼ sompotti do bạń em daṛeama.” Ahab do Jisriyelren Nabatakʼ niạ katha iạte acʼakʼ mẽtʼãhãe kurkunḍucʼketʼtaea ar oṛakʼteye calaoena. Uni do aṭetʼre eṭakʼ secʼ samaṅkateye giticʼ hapeyena ar cetʼhõ bae jom-ńũleda.

1 Rapajko 21:6

Raj do uniye roṛ ruạṛadea, “Jisriyelren Nabatiń metade tahẽkana uniyakʼ darkha bagwan jemon iń ṭhene ạkhriń ar ona bodolte eṭakʼ mitʼṭecʼ darkha bagwan hõ emaeyiń menleda, menkhan uni do acʼakʼ ona darkha bagwan imạń bae rebenlena.”