1 Rapajko 21:3 - সান্তালী বাইবেল

³ Menkhan Nabate roṛ ruạṛkeda, “Ạpuń ar goṛomiń ṭhen khoniń ńamakatʼ sompotti amiń emam ona Probhu Isor do aloe hoyocoyma.”

1 Rapajko 21:3 Referans Kwoze

Numeri 36:7

Israelkoakʼ sompotti do mitʼ gusṭi khon eṭakʼ gusṭite baṅ calakʼa. Mimitʼ Israelko do hapṛamko ṭhen khonko ńamakatʼ gusṭi reakʼ sompotti sapʼ dohoy hoyokʼtakoa.

Levitikus 25:23

“Jaejug lạgitʼ okoeyakʼ jumi hõ baṅ ạkhrińokʼa, ente joto jumi do ińakʼ kana ar iń samaṅre ape do porjạtrenko lekape girobasokʼa.

Jeheskel 46:18

Disạm cakʼlaoyicʼ do onko hoṛkoe laga ńir lekorehõ onkoakʼ jãhãn sompotti do bae dokhol daṛeatakoa. Uni do eken acʼakʼ sompotti khonge acʼren hoponkoe em daṛeakoa jemon ińren hoṛko mod khon celege uniyakʼ sompottiren mạlikana aloko adtako.’ ”

Romiko lạgitʼ Pạul Apostolakʼ ciṭhi 6:15

Menkhan ạn-tạrire tahẽ baṅkate daya tạriren bon hoyakante cetʼ enḍekhan bon kạigea? Khạṭige baṅa.

Galathiko lạgitʼ Pạul Apostolakʼ ciṭhi 6:14

Probhu Jisu Mạsiyakʼ kurus chaḍa ar cetʼte hõ jemon aloń sarhaokʼma. Noa kurus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

1 Korinthiko 6:15

Ape do cetʼ bape baḍaea, apeakʼ hoṛmo do Mạsiyakʼ hoṛmo hạṭińko kana mente? Enḍekhan Mạsiyakʼ hoṛmo hạṭińko hataokate cetʼ iń do kusmbiyakʼ hoṛmo hạṭińkoń hoeocoya? Tis hõ baṅa.

Romiko lạgitʼ Pạul Apostolakʼ ciṭhi 7:13

Enḍekhan okaṭakʼ bhạlạiyakʼ kan ona hotete cetʼ iń doń gocʼena? Tisge baṅa, bickom bhạlạiyakʼ hotetege kại do ińakʼ gujukʼe hoyocokeda, jemon kại do kại kana mente oromokʼ. Ar kại je tinạkʼ bạṛicʼakʼ kan ona do hukum hotetege bujhạukʼ kana.

Romiko lạgitʼ Pạul Apostolakʼ ciṭhi 7:7

Enḍekhan cetʼbon mena, ạn do bạṛicʼgea? Khạṭige baṅa; bickom noa katha do ṭhikgea je, ạnko baṅ tahẽlen khan kại do cetʼkana mente ohoń baḍae daṛelea. “Alom lalocakʼa,” Ạn-ạrire noa katha baṅ lạilen khan laloc do cetʼkana mente ona hõ ohogeń baḍae daṛelea.

Romiko lạgitʼ Pạul Apostolakʼ ciṭhi 6:2

Khạṭige baṅa. Ente kại secʼte ma bon gocʼge; enḍekhan cekate abo do arhõ kại horte bon calakʼa?

Romiko lạgitʼ Pạul Apostolakʼ ciṭhi 3:31

Noa biswạs iạte cetʼ ạn-ạriko bon mạutạ ocoyeda? Tis hõ baṅa, bickom ạn reakʼ katha sạrikana mente bon sạbud ocoyetʼ kana.

Romiko lạgitʼ Pạul Apostolakʼ ciṭhi 3:6

Isore behokle khan enḍekhan cekate uni do manwakoakʼe bicạrtakoa?

Romiko lạgitʼ Pạul Apostolakʼ ciṭhi 3:4

Khạṭige baṅa. Sanam manwako eṛegere hõ Isor do jao okteye sạrigea. Sonot sostorre ol menakʼa, jemon amakʼ kathakore dhoromem ṭarhaokʼ arem bicạrokʼre dom jitạukʼ.

Jobakʼ 27:5

Ape je, ṭhikpe roṛetʼkan ona do tishõ bạń aṅgoca; ińakʼ gujukʼ din hạbicʼ iń mena, iń do sạriyakʼ kathageń roṛetʼkana.

1 Bõsbudạ 11:19

Uni doe menkeda, “E Isor, noa dakʼ iń ńũiya ona do baṅa. Ente okoe do jiwi cuputʼkate ạguko senlen onko hoṛkoakʼ mãyãm do cetʼ iń ńũiya?” Onko do akoakʼ jiwi cuputʼkate ona dakʼko ạguletʼte Dạud do ona ńuńu bae rebenlena. Ar onko pene birbanṭa hoṛkoakʼ kạmige nonka tahẽkana.

1 Samuel 24:6

Uni do acʼren hoṛkoe metatʼkoa, “Ińren kisạ̃ṛ upạrte, Probhu Isorren ojokʼ bahalicʼ upạrte tiyiń rakab tiń Probhu Isor do ona tishõ bae aṛakʼ akawạdińa, ente uni do Probhu Isorren ojokʼicʼ kanae.”

1 Samuel 12:23

Iń do ape lạgitʼ koejoṅ tishõ aloń thirokʼte Probhu Isor upạrte aloń kại. Iń do dhorom ar sạriyakʼ reakʼ horte calakʼ reakʼiń cetʼapea.

Josuạ 24:16

Hoṛkoko roṛ ruạṛkeda, “Probhu Isor bạgikate eṭakʼ Isorle sewawako ona do ale khon sahaṛ akan tahenma.

Josuạ 22:29

“Aleren Isor Probhu Isorakʼ ḍera tạmbu samaṅre okaṭakʼ pinḍ menakʼ ona chaḍa jeredokʼ samaṅokʼakʼ, jomakʼ samaṅokʼakʼ ar janwarko samaṅko lạgitʼ eṭakʼ jãhãn pinḍ benaokate Probhu Isor upạrtele hul ar uniyakʼ hor khonle ghańjeṛokʼ ona do ale khon sạṅgińre tahenma.”

Genesis 44:17

Menkhan Josephe menkeda, “Iń khon sahaṛ akan tahen ma onka kạmi do. Okoe ṭhen ona bạṭi ńamlen eken unige ińren golame hoyokʼa. Menkhan ape do nirạite aperen baba ṭhen ruạṛ calakʼpe.”

Genesis 44:7

Menkhan onko do uniko metadea, “Hujur, noa katha do cedakʼem meneda? Amren golamko do nonkan kạmi tishõ ohole kạmilea.

Numeri 36:9

Oka sompottige mitʼ gusṭi khon eṭakʼ gusṭite do baṅ calakʼa. Israelren mitʼke mitʼ gusṭi do ńamakʼ sompotti sapʼ dohoy hoyokʼtakoa.”