1 Rapajko 21:25 - সান্তালী বাইবেল

²⁵ Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.

1 Rapajko 21:25 Referans Kwoze

1 Rapajko 21:20

Ahab do niạ katha ańjomkate Eliại metadea, “E ińren bạiri, niạ dhao dom ńam akadińạ.” Eliại roṛ ruạṛkeda, “Hẽ, ńam akatʼmegeạń, ente Probhu Isorakʼ mẽtʼre oka bạṛicʼakʼ kan ona onkae lạgitʼge am dom kiriń akana.

Kạhtukko 22:14

Eṭakʼ maejiu reakʼ moca do khạndri khạndṛuṅ kana; ar Probhu Isore raṅgaoae kan hoṛ do onaregeye ńurokʼa.

Sosolhayic̕ 7:26

Ińiń ńelkeda, gujukʼ khon hõ uni maejiu doe haṛhatʼgea, uniyakʼ mon do mitʼṭecʼ jhampa ar jhạli leka ar uniyakʼ tikin do sikṛige. Ar okoe hoṛ Isore kusi ocoye uni do uniyakʼ ti khon apnartetʼe rukhiyạkʼa, menkhan kại hoṛ do jhạlireye paṛaokʼa.

Romiko lạgitʼ Pạul Apostolakʼ ciṭhi 6:19

Manwakoakʼ nijortetʼ iạte iń do manwako bujhạu ocoko lekage kathań roṛeda. Ape hõ cetʼleka lahate artetʼ behokakʼ kạmi lạgitʼ apeakʼ hoṛmo hạṭińko besapha ar bedhoromren golampe hoyocoletʼ, onkage ńitokʼ do sonotre hara rakabokʼte apeakʼ hoṛmo hạṭińko dhorom kạmi lạgitʼ golam baṛe hoeocoytape.

Aposkạmi 14:2

Menkhan okoeko Jihudi bako pạtiạulen onko do boṅgan hoṛ jạtrenkoko uskurketʼkote biswạsi boehako upạrte onkoakʼ monko bạṛicʼketʼtakoa.

1 Rapajko 21:7

Unre uniren bạhu Isebel doe menkeda, “Am do cetʼ Israelkoren raj dom baṅkana? Ma beretʼme, ar jom-ńũiyme, ar rạskạkʼme. Jisriyelren Nabatakʼ darkha bagwan do ińiń emama.”

Aposkạmi 6:12

Nonkate onko do disạm hoṛko, murubbiko ar sostor baḍaekoko ạulạuketʼkoa ar Stephanko sapʼkedete maraṅ bạisi samaṅreko ạgukedea.

Jesaea 52:3

Probhu Isore meneda, “Begor damtem ạkhriń ocolena arhõ begor damtegem chaḍao ocokʼa.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

2 Rapajko 23:25

Uni do acʼakʼ goṭa mon, ontor ar daṛete Mose emakʼ sanam ạn-ạriko leka Probhu Isorakʼ horteye taṛametʼ tahẽkana. Uni lahate se uni tayomte ar okoe rajge uni leka do bako tahẽkana.

2 Rapajko 17:17

Onko do Apnarren gidrạko seṅgelreko khadleyetʼko tahẽkana. Arko janokʼkan tahẽkana ar cinhạko ńelte tayom daram reakʼ katha lại reakʼko hewakʼkan tahẽkana ar Probhu Isorakʼ mẽtʼre oka bạṛicʼakʼ kan ona kạmi lạgitʼko ạkhrińokʼkan tahẽkante Probhu Isorko khĩs ocoyede tahẽkana.

1 Rapajko 19:2

Ar Isebel do sanam katha ańjomkate hoṛ kolkate Eliạ ṭhene roṛ gotʼkada, “Gapa niạ okte bhitrite amakʼ jiwi onko hoṛkoakʼ leka bạń hoyocoe enḍekhan debotako jemon sạjạiko emạń ar ona do ạḍi bạṛicʼ sạjạige.”

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

Romiko lạgitʼ Pạul Apostolakʼ ciṭhi 7:14

Baḍaegea bon ạn do Jiu reaṅ kana, menkhan iń doń kại gobolren kante kạiren golamiń hoyakana.

Johan sodor 2:20

Enhõ am upạrte ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromtetʼem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼ jomakʼko jom.

1 Rapajko 18:18

Eliại menkeda, “Iń do jạnum doń baṅkana, menkhan am ar ạpum bõsren hoṛge Israelren jạnum kanape. Ape do Probhu Isorakʼ hukum bạgikate Bakʼal debotape sewawae kana.

1 Rapajko 22:52

Ar Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana. Uni do acʼren eṅgat apat ar Nabatren hopon Jerobiam lekae senokʼkan tahẽkana. Jerobiam cetʼleka Israelkoe kại ocoyetʼko tahẽkan Ahasiạ hõ onkageye kạmiyetʼ tahẽkana.

2 Rapajko 9:34

Ona tayom Jihu do bhitrite senkateye jom-ńũkeda. Uni doe menkeda, “Uni sarapicʼ maejiu do topaye reakʼ bebostaepe, ente uni do rajren hoponerae tahẽkana.”

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

1 Rapajko 16:25

Omri do Probhu Isorakʼ mẽtʼre oka bạṛicʼakʼ kan onageye kạmikan tahẽkana ar uni lahate okoe rajko tahẽkan onko sanamko khon hõ uni do ḍhere kạiyetʼ tahẽkana.

1 Rapajko 22:53

Uni do Bakʼal debotae sewawae kan tahẽkana ar acʼren apatʼ cetʼkoe cekaletʼ tahẽkan uni hõ onkage Israelren Probhu Isorre khĩs ocoyede tahẽkana.

2 Rapajko 9:22

Joram do Jihuye kulikedea, “Jihu, amakʼ hijukʼ reakʼ monsubạ do cetʼ bhagegea?” Jihui roṛ ruạṛkeda, “Amren eṅgam Isebelakʼ boṅga sewa ar gunidar kạmiko nunạkʼ bạ̃ṛti hoyokʼkana je, cekate ińakʼ hijukʼ do bhage hoedaṛekokʼa?”

Nehemiạ 13:26

Ona tayom iń do onkoń metatʼkoa, “Israelren raj Solomon do nonkan bapla iạtegeye kạileda. Eṭakʼ jãhãn jạtrenko modre uni lekan raj do ar celege bako tahẽkana ar Isor do uniye dulạṛede tahẽkana ar uni do sanam Israelko cetanreye rajledea, menkhan enhõ uni do porjạtren maejiuko hotete ạḍiye kạileda.