1 Rapajko 21:2 - সান্তালী বাইবেল

² Ahab do Nabate metadea, “Amakʼ darkha bagwan imạńme ona do sobji bagwaniń benaoa, ente ona do ińakʼ raj doṅgol aṛerege menakʼa. Ona bodolte iń do arhõ bhage darkha bagwaniń emama arem menkhan ona reakʼ ṭhik dam hõń emama.”

1 Rapajko 21:2 Referans Kwoze

1 Samuel 8:14

Uni do apeakʼ joto khon bhage jumi, darkha rasa ar jạitun bagwanko hataokate acʼren kạmiyạkoe emakoa.

1Timothi 6:9

Menkhan okoe kisạ̃ṛokʼ hoyokʼ sanayetʼko onko do aema lekan biḍạu ar jhạlikoreko paṛaokʼa, ar nonkan bebuj ar laloc mon janamakoa, one onate maraokʼ ar nosṭokʼre hoṛkoe unumetʼko.

Luk 12:15

Ona tayom Jisu do gadel hoṛkoe metatʼkoa, “Men cehaokʼpe! Ar sanam lekan lob-laloc khon sontor akae tahenpe, ente manwakoakʼ jionre ḍher sompotti tahen do sanam khon jạruṛteakʼ do baṅkana.”

Jirimiạ 22:17

Menkhan amakʼ mẽtʼ ar mon do eken behokakʼ hameṭjoṅ, miridoskoakʼ mãyãm ar santao ar julum reakʼge menakʼa.”

Soros sereń 4:15

Am do bagwanko reakʼ jharna kanam, bhumbuk oḍokokʼ kan kũń dakʼ leka, Lebanon khon ạtu oḍokokʼ gaḍa hõ kanam.

Sosolhayic̕ 2:5

Iń do huḍiń ar maraṅ aema bagwankoń tearkeda ar onare joto lekan jowanakʼ darekoń rohoekeda.

2 Rapajko 9:27

Ar okaṭakʼ hoyen ona ńelte Jihudạren Ahasiạ raj do Beth-Hagan reakʼ horteye dạṛkeda. Jihu do uniye khudạu idikedete ãṭ aṛaṅteye menkeda, “Uni hõ gojepe.” Unre hoṛko do Ibleam ṭhen Gur ńutumanakʼ rakabokʼ horre Ahasiạ do acʼakʼ rãt gạḍiregeko ghạlkedea, menkhan uni do Megidatteye dạṛkeda ar onḍegeye gocʼena.

1 Samuel 29:6

Unre Akis do Dạud hohoadeteye metadea, “Jiwetʼ Probhu Isor ńutumteń metamkana, ińiń baḍaea am dom soṛa hoṛkana. Noko lạṛhại phạdko talare oḍok bolokʼ do iń nońjorre boge kangea. Amem hecʼen hilokʼ khon teheń hạbicʼ amre jãhãn behokakʼ do bạń ńelakada, menkhan eṭakʼ rapajko amre kusi do bạnukʼkoa.

1 Samuel 8:6

“Ar ale calaole lạgitʼ mitʼṭen raj ojokʼ bahalem,” Menkhan Samuel do hoṛkoakʼ niạ katha do bhage bae metatʼa. Ona iạte uni do Probhu Isor ṭhen koejoṅe ehopʼena.

Dosar Biboron 11:10

Ar okaṭakʼ disạm dokhol lạgitʼpe calakʼkan ona disạm do Misor leka do baṅkana one oka khonpe oḍok hecʼakan. Ape do onḍe itạpe eretʼ tahẽkana, ar anaj khetre cetʼleka dakʼ paṭao hoyokʼ onkage jaṅgate dakʼ arecʼ reakʼpe kạmikan tahẽkana.

Dosar Biboron 5:21

‘Jãhãe hoṛren bạhu alom lalocaea. Ar eṭakʼ hoṛakʼ oṛakʼ duạr, jaega-jumi, guti-kạ̃ṛmĩ, daṅgratae se gadhatae se am aḍepaseren hoṛakʼ jãhãnakʼge alom lalocakʼa.’

Exodus 20:17

“Eṭakʼ hoṛakʼ oṛakʼ duạr, se bạhutae, se gutitae se kạ̃ṛmĩtae, se ḍaṅgratae se gadhatae ar jãhãnakʼ cetʼge alom lalocakʼa.”

Genesis 16:6

Abram do Sạriye roṛ ruạṛadea, “Ńelme, amren kạ̃ṛmĩ do amakʼ tirege menaea. Am oka bhagem hudisetʼ onage onkaeme.” Unre Sạri do Hagar cetanre santaoe ehopʼkeda onate Hagar do uni ṭhen khon ńir pharakokʼ hoyentaea.

Genesis 3:6

Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

1 Rapajko 21:3

Menkhan Nabate roṛ ruạṛkeda, “Ạpuń ar goṛomiń ṭhen khoniń ńamakatʼ sompotti amiń emam ona Probhu Isor do aloe hoyocoyma.”

1 Rapajko 21:6

Raj do uniye roṛ ruạṛadea, “Jisriyelren Nabatiń metade tahẽkana uniyakʼ darkha bagwan jemon iń ṭhene ạkhriń ar ona bodolte eṭakʼ mitʼṭecʼ darkha bagwan hõ emaeyiń menleda, menkhan uni do acʼakʼ ona darkha bagwan imạń bae rebenlena.”