1 Rapajko 21:16 - সান্তালী বাইবেল

¹⁶ Nabatakʼ gujukʼ reakʼ katha ańjomkate Ahab do darkha bagwan dokhol lạgitʼe senena.

1 Rapajko 21:16 Referans Kwoze

2 Patras 2:15

Onko do Beor hopon Biliamakʼ hor secʼko mohnḍa akana. Biliam do bạṛicʼ kạmi reakʼ kuṛại ńam lạgitʼe menleda,

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Sereńko 50:18

Kombṛom ńellere uni dom sãhãkʼae kana, ar loṭghuṭiko tulucʼ dom gatekʼkana.

1 Rapajko 21:1

Inạ tayom Jisriyelren Nabatakʼ darkha bagwan khạtirte mitʼṭecʼ ghoṭna hoyena. Niạ darkha bagwan do Jisriyelren Samariạ rajakʼ Ahabakʼ raj doṅgol aṛerege tahẽkana.

1 Rapajko 21:15

Ar Nabat do dhiriteye tiń gocʼ ocoakana menteye ańjomketʼ khan Isebel do Ahabe metadea, “Do calakʼme, ar Jisriyelren Nabatakʼ darkha bagwan okaṭakʼ do am ṭhen ạkhriń bae menletʼ ona hatme. Ente uni do ar jiwetʼ do bạnuiya, uni doe gocʼena.”

1 Rapajko 21:17

Unre Tisbiren Eliạ ṭhen Probhu Isorakʼ niạ katha sodorena,

2 Rapajko 5:24

Ado ḍuṅgri buru ṭhen hecʼkate Gehosi do gutikin ṭhen khon onako hataokate oṛakʼreye dohokada. Ar ona tayom doe bidạkatʼkinte unkin dokin ruạṛ calaoena.

2 Rapajko 9:21

Unre Joram doe hukumkeda, “Ińakʼ rãt gạḍire sadom joṛaokope.” Ar sadomko joṛaoketʼko khan Israelren raj Joram ar Jihudạren raj Ahasiạ do apan ạpin rãt gạḍire decʼkate Jihu sãote ńapamokʼ lạgitʼ kin oḍok calaoena. Ar Jisriyelren Nabatakʼ jumi ṭhen Jihu sãotekin ńapamena.