1 Rapajko 21:13 - সান্তালী বাইবেল

¹³ Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.

1 Rapajko 21:13 Referans Kwoze

2 Rapajko 9:26

‘Iń Probhu Isorgeń meneda, iń do hola Nabat ar uniren hoponkoakʼ mãyãmiń ńel akada, ar niạ jumi cetanre khạṭige uni reakʼ am ṭheniń hala ruạṛa.’ Enḍekhan Probhu Isorakʼ katha leka ńitokʼ kuṭuṅ rakapʼkate ona jumire giḍikaeme.”

Aposkạmi 24:5

“Alele ńelakadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Aposkạmi 6:11

Unre onko Jihudiko do hape hapete adom hoṛko noa menkateko uskurketʼkoa, “Stephan do Mose ar Isor upạrte henosta reakʼ katha roroṛle ańjomakadea.”

Johan 19:12

Noa ańjomkate Pilạt do Jisu aṛage lạgitʼe kurumuṭukeda, menkhan Jihudi mukhiyạko do hohowateko menkeda, “Nuiyem aṛakʼ lekhan enḍekhan maharaj Kạisạrren gate dom baṅkana. Jãhãege acʼte raj menteye benaokʼ khan uni do Kạisạrren bạiri kanae.”

Luk 23:2

Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Mathae 9:3

Noa iạte sostor baḍaeko modre adom hoṛ do mone moneteko menkeda, “Nui hoṛ do Isore henostawae kana.”

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Amos 7:10

Tayomte Bethelren naeke Amasiạ do Israelren raj Jerobiam ṭhen noa khobore kolkeda, “Amos do Israelko talare am upạrte mitʼṭecʼe soṛojontroyetʼkana. Disạmren hoṛko do uniyakʼ katha bako sahao daṛeakʼkana.

Jesaea 8:21

Onko do reṅgecʼ ar kosṭote disạm talareko ạcur baṛaea. Reṅgecʼ jalate coṭ secʼ beṅgetʼkate raj ar onkoren Isorko sarapaea.

Sosolhayic̕ 10:20

Raj do mon monte hõ alom sarapaea se apnar giticʼ oṛakʼre kisạ̃ṛ hoṛ hõ alom sarapaea, ente coṭren cẽṛẽ do amakʼ kathako idiya; ar udạu senkate amakʼ kathakoe lại boteja.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Kạhtukko 25:18

Okoe hoṛ acʼ aḍepaseren hoṛko upạrte eṛe gohae em uni do lạṛhại mutạk, tarwaṛe ar laser sar lekanae.

Kạhtukko 19:9

Eṛe gohayicʼ do sạjạiye ńamgea; ar okoe eṛe gohae em uni doe jarkharokʼa.

Kạhtukko 19:5

Eṛe goha emokʼicʼ do sạjại ńamte hõe ńama; ar okoe gohayicʼ do eṛeye roṛ uni do rehay bae ńama.

Kạhtukko 6:19

eṛe roṛ ar eṛe goha emokʼicʼ, ar boehako talare gulmale ehopʼkan hoṛ.

Sereńko 35:11

Santaoko do eṛe goha emokʼ lạgitʼko hijukʼkana, ar oka bạń baḍae ona reaṅko jerayedeń kana.

Sereńko 27:12

Ińren bạirikoakʼ monejoṅakʼre alom alaeyińạ, ente eṛe gohako do iń upạrteko teṅgo akana; onkoakʼ sãhetʼ sãote santao do oḍokokʼ kana.

Jobakʼ 2:9

Unre uniren bạhu doe menkeda, “Am do cetʼ ńitokʼ hõ bin dusigeam mentem dạbiyetʼkana? Isor dusiyete gujukʼme baṛe.”

Jobakʼ 1:11

Menkhan ma ti tiạrkate uniyakʼ jotowakʼre hạneme, enḍekhan khạṭige uni do am samaṅre henosta reakʼ kathae roṛa.”

Jobakʼ 1:5

Onkoakʼ bhoj reakʼ dinko sạtlen khan Job do onko hoho ạgukateye sonotetʼko tahẽkana. Uni do setakʼre onko lạgitʼ mimitʼ goṭenkate jeredokʼ samaṅokʼakʼ porobe hoeocoyetʼ tahẽkana. Uni doe hudisetʼ tahẽkana, “Ińren hopon ar hoponerako do pasecʼko kại akada ar mone monete Isorko henosta akadea.” Job do nonka jaogeye kạmikan tahẽkana.

Dosar Biboron 22:24

enḍekhan unkin banarge onḍenakʼ phaṭok duạr ṭhen idikate dhirite tiń gocʼkin hoyokʼa. Kuṛi do noa iạtege goje hoyokʼa uni do ato se nagrahare tahẽkate hõ goṛo ńam lạgitʼ bae kikiạuleda, ar herel do eṭakʼ hoṛren bạhui nosṭokede iạte. Ape talare nonkan bạricʼ hoṛ dope marao utạrkoa.

Dosar Biboron 22:21

tobe kuṛi do acʼ apattetʼakʼ oṛakʼ reakʼ duạr ṭhen idiye hoyokʼa. Ar onḍe herel hoṛko do dhirite uniko tiń gojea. Kuṛi do apattetʼakʼ oṛakʼre tahen jokhecʼe laṭghaṭletʼ iạte Israelko talare mitʼṭecʼ hirkhạwakʼe kạmiakada. Ar ape tala khon nonkan bạṛicʼan hoṛ dope marao utạrkoa.

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

Dosar Biboron 13:10

Misor disạm reakʼ golam oṛakʼ khon okoeye oḍok ạguakatʼme amren Probhu Isor secʼ khon ruạṛmeye kurumuṭuyetʼ khan uni do dhiritem tiń gojea.

Dosar Biboron 5:20

‘Okoe upạrte hõ eṛe goha alom ema.

Exodus 20:16

“Okoe upạrte hõ eṛe goha alom ema.

Ibriko 11:37

Dhiriteko tiń ocoyena, ạriteko getʼ paṛakʼ ocoyena ar tarwaṛeteko gocʼ ocoyena. Onko doko santao ocolena ar bạṛicʼko beohar ocolena, ar akoṭreko paṛaoen khan bhiḍi ar meromakʼ harta horokʼkateko ạcur baṛaekan tahẽkana.

1 Rapajko 21:14

Ona tayom onko mukhiyạko do Isebel ṭhen khoborko kolkeda, Nabat do dhiriteye tiń gocʼ ocoakana.

2 Rapajko 6:32

Elisae do unre acʼakʼ oṛakʼreye duṛupʼ akan tahẽkana ar uni sãote murubbikoko tahẽkana. Raj do mitʼṭen hoṛ Elisae ṭhene kolkadea, menkhan uni hoṛ onḍe ạuriye seṭerokʼrege Elisae do murubbikoe metatʼkoa, “Ape do cetʼ uni khuniạhi do bape ńele kana okoe do ińakʼ bohokʼ makʼ ńur tiń lạgitʼ mitʼ hoṛe kolekana? Ńelpe, uni hoṛe hecʼlen khan duạrpe sińa ar alogepe jhicʼaea. Ar uni tayomte do uniren mạlikakʼ sabadge cetʼ baṅ ańjomokʼ kana?”

2 Bõsbudạ 24:21

Menkhan hoṛko do Sakariạ upạrteko soṛojontrokeda ar rajakʼ hukumte Probhu Isorakʼ baker racare dhiriteko tiń gocʼkedea.

Jobakʼ 31:39

ar ona reakʼ phosol bin damteń jomakatʼ khan se onḍenko mạlik tulucʼ kurmutạhań beohar akatʼ khan,

Kạhtukko 19:28

Bạṛicʼ gohayicʼ do hok reakʼ bicạr iạteye landa dhutʼeda; ar bạṛicʼko do behokre unum akanko tahena.