1 Rapajko 21:10 - সান্তালী বাইবেল

¹⁰ Ar uni samaṅ reakʼ duṛupʼakʼ ṭhạ̃ire do barea bạṛicʼ hoṛpe duṛupʼkinạ. Unkin do niạ mente uni upạrte gohakin emma, uni do Isor ar raj upạrte bemanotakʼ kathae roṛ akada mente. Ar ona tayom onḍe khonpe or oḍokea ar dhiritepe tiń gojeya.”

1 Rapajko 21:10 Referans Kwoze

Exodus 22:28

“Isor do alope nindạuea se aperen disạm cakʼlaoyicʼ hõ alope sarapaea.

Aposkạmi 6:11

Unre onko Jihudiko do hape hapete adom hoṛko noa menkateko uskurketʼkoa, “Stephan do Mose ar Isor upạrte henosta reakʼ katha roroṛle ańjomakadea.”

Dosar Biboron 19:15

“Jãhãe birudre dusi se behok akatʼ reakʼ lạlis rakapʼlen khan, eken mitʼ hoṛakʼ gohate ghạṭ seye kại akada mente do ohoe dusi ocolena; bar se pe hoṛakʼ goha chaḍa jãhãnakʼge sạriyakʼkana mente do ohoge sạbudokʼa.

Dosar Biboron 13:13

onḍenko Israelko modren thoṛa bạṛicʼ hoṛ do onḍenko hoṛko niạ menkate bạṛicʼ horteko or idiakatʼko, ‘dela bon, debotako bon sewawako ma,’ okoe do abo ṭhenko nãwãge.

Aposkạmi 6:13

Onko do adom adom eṛe gohakoko teṅgoketʼkoa. Eṛe gohakoko menkeda, “Nui hoṛ do jaoge mundil upạrte ar Moseyakʼ ạn-ạri upạrte kathae roṛeda.

Johan 10:33

Mukhiyạkoko menkeda, “Bhage kạmi iạte tińme do bale meneda, menkhan Isor upạrte henosta reakʼ katham roṛetʼkan iạtege. Ente am do manwa hoekate hõ Isorem benaokʼkana.”

Bikʼcạrko 19:22

Ado khạtirjomako tahẽkanre nagraharen kharap hoṛko do hecʼkate ona oṛakʼko gheraokeda. Onko do silpiń ḍhae ḍhae dal baṛakate haṛam hoṛko metadea, “Okoe hoṛ amakʼ oṛakʼteye hecʼakan uni do ale ṭhen oḍok ạguiyem. Ale do uni sãotele loṭghuṭiya.”

Levitikus 24:14

“Sarapicʼ uni hoṛ do ḍera bahrete idiyepe. Ar okoe ona sarap emokʼko ańjomakade onko joto hoṛ do uniyakʼ bohokʼ cetanre tiko dohoytakoma, ar ona tayom Israelko do dhirite uniko tiń gojema.

1 Samuel 2:12

Eliren hopon do dusṭạmi hoṛkin tahẽkana. Unkin do Probhu Isorakʼ jãhãnakʼge bạkin moneyakʼkan tahẽkana.

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

1 Rapajko 21:9

Uni do ona ciṭhireye olkeda, “Ape do upạs lạgitʼ lại sodorpe ar hoṛko talare Nabat do laha reakʼ mitʼṭecʼ mońj utạrakʼ ṭhạ̃ire duṛupʼakʼpe emaea.

1 Rapajko 21:11

Onate Nabatakʼ nagraharen murubbiko ar lekman hoṛ do Isebelakʼ olakʼ ciṭhi lekako kạmikeda.

2 Rapajko 6:32

Elisae do unre acʼakʼ oṛakʼreye duṛupʼ akan tahẽkana ar uni sãote murubbikoko tahẽkana. Raj do mitʼṭen hoṛ Elisae ṭhene kolkadea, menkhan uni hoṛ onḍe ạuriye seṭerokʼrege Elisae do murubbikoe metatʼkoa, “Ape do cetʼ uni khuniạhi do bape ńele kana okoe do ińakʼ bohokʼ makʼ ńur tiń lạgitʼ mitʼ hoṛe kolekana? Ńelpe, uni hoṛe hecʼlen khan duạrpe sińa ar alogepe jhicʼaea. Ar uni tayomte do uniren mạlikakʼ sabadge cetʼ baṅ ańjomokʼ kana?”

Jobakʼ 1:5

Onkoakʼ bhoj reakʼ dinko sạtlen khan Job do onko hoho ạgukateye sonotetʼko tahẽkana. Uni do setakʼre onko lạgitʼ mimitʼ goṭenkate jeredokʼ samaṅokʼakʼ porobe hoeocoyetʼ tahẽkana. Uni doe hudisetʼ tahẽkana, “Ińren hopon ar hoponerako do pasecʼko kại akada ar mone monete Isorko henosta akadea.” Job do nonka jaogeye kạmikan tahẽkana.

Kạhtukko 6:19

eṛe roṛ ar eṛe goha emokʼicʼ, ar boehako talare gulmale ehopʼkan hoṛ.

Jesaea 59:14

Ona iạte hokʼ reakʼ bicạr do pạc ruạṛ akana ar dhorom do sạṅgińre teṅgo akana; sạriyakʼtetʼ do horreye tohodokʼ kana, ar sojheteakʼ do baṅ bolo daṛeakʼ kana.