1 Rapajko 20:6 - সান্তালী বাইবেল

⁶ Menkhan gapa niạ oktere ińren gutiko am ṭheniń kolkoa. Onko do amakʼ raj oṛakʼ ar amren gutikoakʼ oṛakʼreko sendraea ar okako jinis do amakʼ mẽtʼre damanakʼ kan ona jotoko ạgu daraea.’ ”

1 Rapajko 20:6 Referans Kwoze

Joel 3:5

Ona reakʼ karon do hoyokʼkana, ape do ińakʼ sona ar rupạpe hatao akada ar ińakʼ joto khon damanakʼ jinisko apeakʼ mundilrepe aderakada.

Hosea 13:15

Ephrayim do acʼren boehako talareye jo bahakʼre hõ enhõ Probhu Isor ṭhen khon purub reakʼ mitʼṭecʼ hoe do hahaṅkar khoniń rakapʼ ạguiya; ona reakʼ jharna dakʼ do baṅ tahena ar uniyakʼ kũńko hõ rohoṛ cabakʼtaea. Ar uniyakʼ khajańci reakʼ sanam damanakʼ jinisko do luṭ idikʼa.

Rak̕joṅ 1:10

Uniren bạiriko do uniyakʼ damanakʼ jinisko joṭetʼ akatʼtaea; boṅgan hoṛ jạtrenko hõ acʼakʼ sonot ṭhạ̃ite bolokʼe ńelakatʼkoa. Noko doko onko hoṛ kangea okoe do amakʼ somajte bolokʼem baronletʼko.

Rak̕joṅ 1:7

Jerusalem do acʼakʼ kosṭo ar dãṛãbaṛae dinkore acʼakʼ sedaeakʼ dhon dorib reakʼ kathae disạyetʼ kana. Uniren hoṛko tinre bạirikoakʼ tireko paṛaolena unre uni goṛowae lạgitʼ okoehõ bako tahẽkana. Uniren bạiriko uni secʼko beṅgetʼ akada ar maraokʼ lạgitʼko landa-dhutʼae kan tahẽkana.

Jirimiạ 25:34

E gukʼpiko, ape do ragpe, homor halaṅpe; E gukʼpikoren mukhiyạko, ape do dhuṛire guṛdạukʼpe, ente ape gurpe reakʼ okte do seṭer akana; ape do mońj mitʼṭecʼ hasa reakʼ bhajan lekape rạputʼ gejer ocokʼa.

Jesaea 44:9

Okoe goṛhon muṭhạnko benao onko doko ạuṛiyakʼgea; onkoren damanakʼ jinisko do porhoanakʼ doko baṅkana. Onko muṭhạnko secʼ okoe kathako roṛ onko doko kãṛãgea, cetʼge bako baḍaea; ona iạte onko do lajaoreko paṛaokʼa.

Esra 8:27

Ona chaḍa turui keji tala ojon reakʼ bargel goṭecʼ sona reakʼ bhajanko ar jhak jhak nirạ pitạl reakʼ barea bạṭi hõń ematʼkoa.

2 Samuel 24:14

Unre Dạud do Gade metadea, “Iń do ạḍi muhinreń paṛao akana. Manwa tire jemon aloń paṛaokʼ; ona khon boroṅ, Probhu Isorakʼ tire bon paṛaokʼma, ente uniyakʼ daya do asambheṛgetaea.”

Genesis 27:15

Ar ona tayom do acʼren maraṅicʼ hoponakʼ mońj utạrakʼ kicricʼ huḍińicʼ hopone horokʼadea; ente kicricʼko do oṛakʼrege tahẽkana.

1 Rapajko 20:5

Tayomte onko hoṛ do Ahab ṭhen arhõ ruạṛ hecʼenteko menkeda, “Benhadade meneda, ‘amakʼ sona ar rupạ, bạhuko ar gidrạko emạń lạgitʼ iń do hoṛ iń kolletʼkoa.

1 Rapajko 20:7

Unre Israelren raj do disạmren sanam murubbiko hohoatʼkoteye metatʼkoa, “Ńelpe, nui hoṛ do bạṛicʼ lạgitʼe kurumuṭukana, ente uni do ińren erako gidrạko ar sona-rupạkoń emae lạgitʼe dạbiyetʼ kana ar iń hõ ona emae reakʼ iń hẽkʼ akawadea.”