1 Rapajko 20:23 - সান্তালী বাইবেল

²³ Aram rajren gutiko hõ niạ sopolha rajko emadea, “Onkoren debotako do bururen debota kanako, onate onko do abo khon hõko daṛegea. Menkhan onko sãote bilạn ṭạnḍire bon lạṛhại enḍekhan khạṭige onko do bon bhagao daṛeakoa.

1 Rapajko 20:23 Referans Kwoze

1 Rapajko 14:23

Ona chaḍa onko do ako lạgitʼ mitʼke mitʼ usul burure ar mitʼke mitʼ dare buṭạkore than boṭkocʼko benaokeda ar sonot dhiri ar Asera muṭhạnko benao joṅana.

Jesaea 42:8

“Iń kangeạń Probhu Isor do, ińakʼ ńutum do niạ kangea. Ińakʼ man ar sabasi do eṭakʼ boṅga murhutʼko bạń em ocoakokana.

2 Rapajko 19:12

Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼkan Edonren debotako do cetʼ onkoko rukhiyạ daṛeatʼko tahẽkana?

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

1 Samuel 4:8

Hae, hae, uni daṛean Isorakʼ ti khon do okoeye rukhiyạ bona? Hahaṅkarre ạḍi lekan moṛokte nui Isorge hahaṅkarre Misri hoṛkoe gocʼletʼkoa.

1 Rapajko 20:24

Am do mitʼṭecʼ kạmime. Rapajko ocokʼkate onkoakʼ jaegare subedarko bahalkom.

1 Rapajko 20:31

Benhadadren kạmiyạko do uniko metadea, “Ńelme, alele ańjomakada Israelren rapajko do dayawanko kanako. Dela, abo do gõṛẽ kicricʼ horokʼkate ar bohokʼre baber reakʼ binḍi tolkate Israelren raj ṭhen bon calakʼa. Hoedaṛeakʼa uni do jomakʼte jiwiye rukhiyạitama.”

Jesaea 36:20

Niạko disạmren sanam debotako hõ cetʼ ińakʼ ti khon apnarakʼ disạmko rukhiyạ daṛeakawada? Enḍekhan Probhu Isor do cetʼ ińakʼ ti khon Jerusaleme rukhiyại daṛeakʼa?’ ”

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.