1 Rapajko 20:21 - সান্তালী বাইবেল

²¹ Israelren raj doe laha idiyente sarecʼ sadomko ar rãt gạḍikoe maraoketʼtakoa ar Aramrenkoakʼ ạḍiye loksanketʼ takoa.

1 Rapajko 20:21 Referans Kwoze

2 Rapajko 3:24

Menkhan Moabrenko do tinre Israelkoakʼ ḍera ṭhenko senena unre Israelko doko oḍok hecʼena ar onko cetanre jhãpko emkeda ar Moabrenko doko dạṛkeda. Ar Israelko do Moabrenko gocʼ gocʼte onkoakʼ disạmteko boloyena.

2 Rapajko 3:18

Probhu Isor ṭhen noa do alga kạmikana. Ona chaḍa uni do Moab disạm hõ apeakʼ tireye jimạ akada.

1 Samuel 17:52

Unre Israel ar Jihudạren hoṛ do ridgạu menteko hohokeda ar Philisṭiko Gat ar Ekron hạbicʼko laga idiketʼkoa. Onate Philisṭikoren ghạl akan hoṛ do Sarayim khon Gat ar Ekron hạbicʼko gocʼena.

Bikʼcạrko 3:28

ente uni doe hukumatʼko tahẽkana, “Ińpe pańjayińa; ente Probhu Isor do aperen bạiri Moabrenko apeakʼ tireye jimạ akatʼkoa.” Onate onko do uniko pańja idikedea ar oka jaega secʼte jordan gaḍa taṛam paromokʼ onako jaegakoko dokholkeda. Ar okoe hõ onako jaega secʼte bako parom ocowatʼkoa.

1 Rapajko 20:20

Ar mitʼke mitʼ tạkicʼ daram hoṛko gocʼketʼkoa. Ona ńelte Aramrenko doko dạṛkeda ar Israelko do onkoko khudạu idiketʼkoa. Menkhan Aramren raj Benhadad do acʼren adom aswariko soṅgekate sadomre decʼkateye dạṛkeda.

1 Rapajko 20:22

Tayomte uni nạbi do Israelren raj ṭhen hecʼkateye menkeda, “Amakʼ daṛe do ḍhertam ar cetʼ cekae hoyokʼtama ona hudisokʼme, ente Aramren raj do kalom arhõe akromonmea.”

Josuạ 10:20

Nonkate Josuạ ar Israelko do Amoriạkoko ńẽtʼ cabaketʼkoa. Onate joto lekako gocʼena; menkhan tinạkʼ sarecʼko tahẽkan onko do akoakʼ pạcrite esetʼ nagrahareko aderketʼkoa.

Bikʼcạrko 11:33

Uni do Aroer khon Minni ṭhen Abel-Keramim hạbicʼ bargel nagraha ar atoren hoṛkoe ńẽtʼketʼkoa. Ar nonkate Israelko do Amonrenko akoakʼ gobolreko dohoketʼkoa.

1 Samuel 19:8

Tayomte arhõ lạṛhại tinre ehopʼena unre Dạud do oḍok senkate Philisṭiko sãoteye lạṛhạiyena. Uni do onkoren ạḍi utạr hoṛe gocʼketʼkoa, ar onko do uni samaṅ khonko dạṛkeda.