1 Rapajko 20:16 - সান্তালী বাইবেল

^16-17 Onko do tikin okteko oḍok hecʼena. Ar eṭakʼ eṭakʼ ṭoṭharen disạm cakʼlaokoren onko lạṛhại juạnkoge pạhilteko oḍok calaoena. Benhadad ar uni sãoten pegel bar rapajko do ńu bulkatere hõ bubulakʼko ńuńukan tahẽkana. Ona jokhecʼ Benhadad do khoj khobor hatao lạgitʼ okoe hoṛkoe kolletʼko onko do uniko metadea, “Samariạ khon hoṛko oḍok hijukʼ kana.”

1 Rapajko 20:16 Referans Kwoze

Hosea 4:11

“Loṭghuṭi ar nãwã ar mare darkha rasage ińren hoṛkoakʼ bud doe nosṭo akatʼtakoa.

Jesaea 54:15

Jãhãege amre jhãpe em enḍekhan bujhạume uni do bạń kol akadea. Ar okoe ame akromonme uni do am hotete gujukʼ hoyokʼtaea.

1 Rapajko 16:9

Simri ńutuman uniren mitʼṭen senaputi do uni upạrteye soṛojontroyetʼ tahẽkana. Elawakʼ tinạkʼ rãt gạḍiko tahẽkan onako reakʼ adha do Simri cetanre bhar tahẽkana. Ela do un jokhecʼ Arsawakʼ oṛakʼre bulokʼ lạgitʼ bubulakʼe ńuńukan tahẽkana. Arsa cetanre do Tirsa reakʼ raj dolanko ńel todarot reakʼ bhar tahẽkana.

1 Rapajko 16:7

Hananren hopon Jehu nạbi hotete Basa ar uniyakʼ bõsko upạrte Probhu Isorakʼ katha do sodorlena, ente Jerobiamakʼ bõsrenko leka uni do Probhu Isorakʼ mẽtʼre oka bạṛicʼakʼ kan ona kạmikote Probhu Isore bekusi ocokedea ar Jerobiamakʼ bõskoe marao giḍikada.

1 Rapajko 20:15

Ahab do niạ katha ańjomkate eṭakʼ eṭakʼ disạm cakʼlaoko taberen lạṛhại juạnkoe jarwaketʼkoa. Onate onko do barsae pegel bar hoṛko hoyena. Ar ona tayom uni do Israelren sanam lạṛhại phạdko mitʼ ṭhene jarwaketʼko khan onko do eae hajar lạṛhại phạdko hoyena.

1 Rapajko 22:31

Ar Aramren raj do acʼakʼ rãt gạḍiren pegel bar subedarko noae hukumatʼko tahẽkana, “Israelren raj chaḍa huḍiń ar maraṅ okoe sãotehõ alope lạṛhạiya.”

Kạhtukko 20:1

Okoe hoṛ darkha rasa ńũkateye bulokʼ uni doe landa dhudhutʼa, ar okoe bubulakʼe ńũi uni doe jhogṛakʼa; noako ńũkate okoeye bulokʼ uni do ạkilan hoṛ doe baṅkana.

Amos 6:7

Onate okoe do bondikate eṭakʼ disạmteko idi ocokʼ onko modre apege pạhil thokren hoṛpe hoyokʼa; unre bhoj jom ar kunḍlạṅ hataṛokʼ do cabakʼtapea.

Jesaea 5:22

Hae, onko hoṛ do, okoe doe darkha rasa hoṅgorkoren guru ar bubulakʼ mesalakʼ kạmireko gạkhuṛge,