1 Rapajko 20:13 - সান্তালী বাইবেল

¹³ Inạ okte Israelren Ahab raj ṭhen mitʼṭen nạbi hoṛ do hecʼkate niạ kathae lạikeda, “Probhu Isore meneda, ‘am do cetʼ onko maraṅ lạṛhại phạdkom ńeletʼko kangea? Iń do teheńge amakʼ tire onkoń jimạkoa ar onatem baḍae daṛeakʼa, iń kangeạń Probhu Isor do.’ ”

1 Rapajko 20:13 Referans Kwoze

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

Jeheskel 20:22

Menkhan ińakʼ ti doń ocokʼketʼtińạ ar ińakʼ ńutum rukhiyại lạgitʼ ona do bạń onkaleda jemon sanam jạtrenko samaṅre onkoń oḍok ạguletʼko tahẽkan onko ṭhen ińakʼ ńutum do besonotakʼ alo hoyokʼ.

Joel 3:17

Probhu Isore meneda, “Unrepe baḍaea daṛeakʼa, ińkangeạń aperen Probhu Isor do; ińge Sionre, ińakʼ sonot burureń girobasokʼ kana. Jerusalem do sonotokʼa; ar bidisiạko hõ onḍe do tishõ bako calakʼa.

Jeheskel 20:14

Menkhan ińakʼ ńutum rukhiyại tiń lạgitʼ iń do ona bạń onkaleda, jemon okoe jạtrenko samaṅre onkoń oḍok giḍiletʼko onko ṭhen ińakʼ ńutum besonotakʼ alo hoyokʼtiń.

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

2 Rapajko 7:1

Elisaeye menkeda, “Probhu Isor okae menetʼ ona baṛe ańjompe. Uniye meneda, gapa Samariạ reakʼ phaṭokre gelbar gram rupạte turui keji holoṅ ar gelbar gram rupạte gelbar keji jao ạkhrińokʼa.”

Exodus 16:12

“Israelko iń upạrte okako kathako roṛakatʼ ona doń ańjom akada. Onko do noa katha lạiyakome, ạyupʼ jokhecʼ onko do jelko joma ar setakʼ do lacʼ bikʼ piṭhạko joma. Ar nonkateko baḍae daṛeakʼa, onkoren Probhu Isor doń ińkangea mente.”

Exodus 14:18

Ona ńelte misriko doko bujhạu daṛeakʼa, iń kangeạń Probhu Isor do.”

Jeheskel 6:7

ar ape talarege aperen hoṛ doko gocʼ ocokʼa. Ar noako hoylen khanpe baḍae daṛeakʼa, iń kangeạń Probhu Isor do.

Sereńko 83:18

Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.

2 Rapajko 13:23

Menkhan Probhu Isor do Abraham, Isahak ar Jakob lạgitʼ okaṭakʼ bondobose doholetʼ ona iạte uni do Israelko cetanre daya are mãyãkʼkan tahẽkante onkoe luturatʼkoa. Onate teheń hạbicʼ hõ marao giḍiko se apnar samaṅ khon sạṅgiń giḍikako do bae khojleda.

2 Samuel 10:13

Niạ menkate Joab do acʼren lạṛhại phạdkowante Aramrenko tulucʼ lạṛhại lạgitʼe laha idiyen khan onko do uni samaṅ khonko dạṛkeda.

1 Rapajko 20:14

Ahabe kuliyana, “Menkhan okoe hotete uni doe onkaea?” Nạbi doe roṛ ruạṛkeda, “Probhu Isore meneda, eṭakʼ eṭakʼ ṭoṭharen disạm cakʼlaoko tabere okoe lạṛhại juạnko menakʼko onkoge onako onkaea.” Ahabe kuliyana, “Lạṛhại do okoeye ehopʼ lahaya?” Nạbiye roṛ ruạṛkeda, “Amgem ehopʼ lahaya.”

1 Rapajko 20:22

Tayomte uni nạbi do Israelren raj ṭhen hecʼkateye menkeda, “Amakʼ daṛe do ḍhertam ar cetʼ cekae hoyokʼtama ona hudisokʼme, ente Aramren raj do kalom arhõe akromonmea.”

Josuạ 10:8

Probhu Isor do Josuại metadea, “Alom botorakoa; onko do amakʼ tireń soprotkoa. Onko do okoege am samaṅre bako teṅgo ṭarhao daṛeakʼa.”

1 Rapajko 18:39

Noa ńelte sanam hoṛ do otre taberente ãṭ aṛaṅte hohoateko menkeda, “Probhu kangeae Isor do, Probhu kangeae Isor do.”

2 Rapajko 3:18

Probhu Isor ṭhen noa do alga kạmikana. Ona chaḍa uni do Moab disạm hõ apeakʼ tireye jimạ akada.

2 Bõsbudạ 20:15

Jahasiyele menkeda, “E Jehosaphat raj ar okoe do Jihudạ ar Jerusalemrepe girobasokʼ kan, ape sanamkoge ańjompe. Probhu Isor do ape ṭhen niạ kathae roṛeda, ‘onko maraṅ lạṛhại phạdko ńelte alope botorokʼa se alope as chuṭạukʼa. Niạ lạṛhại do apeakʼ do baṅ kana, Isorakʼ kana.

2 Bõsbudạ 20:17

Niạ lạṛhạire ape do bape lạṛhạiya. E Jihudạ ar Jerusalemren hoṛko, ape do sạr sạrte teṅgokʼpe ar Probhu Isor oka lekae bańcaope ona baṛe ńelpe. Ar alope botorokʼa ar alope as chuṭạukʼa. Gapage onko upạrte oḍok senokʼpe ar Probhu Isor do ape soṅgereye tahena.’ ”