1 Rapajko 20:11 - সান্তালী বাইবেল

¹¹ Israelren raje menkeda, “Unipe metawaea, ‘okoe hoṛ tarwaṛeante ńit hõ lạṛhạire bae pheḍakan uni do lạṛhạire jitạukate ruạṛ hecʼakan hoṛ leka aloe phulạukʼ ma.’ ”

1 Rapajko 20:11 Referans Kwoze

Kạhtukko 27:1

Gapa din lạgitʼ do alom sarhaokʼa, ente oka hilokʼ cetʼ hoyokʼa ona do bam baḍaea.

Sosolhayic̕ 9:11

Siń cando latarre iń do arhõń ńelakada, ona do hoyokʼkana: Ńir hapaorakʼre coṭkarkoge jao okteko jitạukʼa, ona do baṅa; daṛeankoge jao okteko jitạukʼa, ona hõ baṅa; ạkilankoge jao okte lacʼ bikʼ jomakʼko ńama ona hõ baṅa; budankoge jao okteko kisạ̃ṛokʼa, ona hõ baṅa; gạkhuṛ hoṛge jao okte ạtko ńama, ona hõ baṅa; ente okte ar bhạg do sanamko lạgitʼge menakʼa.

Mathae 26:75

Unre Patras do Jisui metade tahẽkan kathae disạkeda, “Sim sạnḍi ạuriye ragre pe dhaoem baṅeńa.” Ar bahrete oḍok senkate hũk hũke rakʼkeda.

1 Samuel 14:6

Jonathan do acʼren khanḍa bhanḍa asenicʼ koṛae metadea, “Dela, alaṅ do begor khatna akan hoṛkoakʼ ḍera telaṅ calakʼa. Pasecʼ Probhu Isor do abon lạgitʼ jãhãnakʼe cekaea, ente uni do acʼakʼ sana lekage thoṛa hoṛkote hõ ar ḍher hoṛko bhagao daṛeakoa.”

Jirimiạ 9:23

Probhu Isore meneda, “Ạkilan hoṛ do akoakʼ ạkil iạte aloe sarhaokʼma, ar daṛeanko hõ akoakʼ daṛe iạte aloko sarhaokʼma ar kisạ̃ṛko hõ akoakʼ dhon iạte aloko sarhaokʼma,

Jirimiạ 46:17

Onḍenko hoṛko meneda, ‘Misorren Pharao raj do murukte rukʼkan mitʼṭecʼ ghonṭa kanae; uni do acʼakʼ ạte atʼ akatʼtaea.’ ”

2 Rapajko 3:21

Inạkʼtege Moabrenko doko ańjomleda, onko pea rapajko do ako upạrte lạṛhại lạgitʼko oḍok hecʼakana. Onate onko do lạṛhại reakʼ khanḍa bhanḍako sapʼ daṛeakʼ nonkan sanam herel hoṛko jarwaketʼkote disạm reakʼ simạreko thạrketʼkoa.

Jobakʼ 41:8

Am do tite unim capo botecʼkea tobe lạṛhại disạime; ar alom onkaea.