1 Rapajko 20:10 - সান্তালী বাইবেল

¹⁰ Benhadad do unre Ahab ṭhen niạ sombate kolkeda, “Ińren sanam hoṛko mimitʼ muṭkate emako leka dhuṛi hõ jodi Samariạre tahentam enḍekhan debotako do ińko sạjạyińma ar ona do ạḍi bạṛicʼ sạjạige.”

1 Rapajko 20:10 Referans Kwoze

1 Rapajko 19:2

Ar Isebel do sanam katha ańjomkate hoṛ kolkate Eliạ ṭhene roṛ gotʼkada, “Gapa niạ okte bhitrite amakʼ jiwi onko hoṛkoakʼ leka bạń hoyocoe enḍekhan debotako jemon sạjạiko emạń ar ona do ạḍi bạṛicʼ sạjạige.”

Exodus 11:8

Amren kạmiyạko hecʼkate iń samaṅre ikhṛumkateko mena, ‘amren sanam hoṛkoante oḍok calakʼme!’ Ar ona tayom doń oḍok calakʼa.” Noa katha menkate Mose do Pharao ṭhen khon raṅgaokateye oḍok hecʼena.

Aposkạmi 23:12

Ado dosar hilokʼ setakʼ bela Jihudiko do mitʼṭecʼko soṛojontrokeda ar Pạul ạuriko goje hạbicʼ cetʼge bako jom ńũiya menteko kiriạyena.

Bikʼcạrko 4:10

Ar Barak do Sebulon ar Napthali gusṭiren hoṛkoe hohowatʼkoa. Onate gel hajar hoṛ do uni sãoteko senena ar Debora hõ onko tulucʼe calaoena.

1 Samuel 17:43

Goliạt do Dạude metadea, “Iń do cetʼ seta kạnạń onate ṭheṅgawante iń ṭhenem hijukʼkana?” Uni do acʼren debotako ńutumte Dạude sarapadea.

1 Rapajko 20:9

Onate Ahab do Benhadadren hoṛkoe metatʼkoa, “Ińren mạlik maharajpe metaea, uniyakʼ pạhil dạbiteakʼ lekate jotowakʼgeń kạmiya, menkhan dosarakʼ dạbiteakʼ do bạń purun daṛeataea.” Ar hoṛko do onage Benhadadko lạiyadea.

2 Rapajko 6:31

Uniye menkeda, “Teheń Saphatren hopon Elisaeyakʼ bohokʼ tarenre tahentae enḍekhan Isor do ińe sạjạiyińma, ona do ạḍi bạṛicʼ sạjạige!”

Jirimiạ 9:23

Probhu Isore meneda, “Ạkilan hoṛ do akoakʼ ạkil iạte aloe sarhaokʼma, ar daṛeanko hõ akoakʼ daṛe iạte aloko sarhaokʼma ar kisạ̃ṛko hõ akoakʼ dhon iạte aloko sarhaokʼma,

Jirimiạ 46:17

Onḍenko hoṛko meneda, ‘Misorren Pharao raj do murukte rukʼkan mitʼṭecʼ ghonṭa kanae; uni do acʼakʼ ạte atʼ akatʼtaea.’ ”

1 Rapajko 2:23

Inạ tayom Solomon raj do Probhu Isor ńutumte kiriạkateye menkeda, “Noa aroj lạgitʼ jodi Adoniạwakʼ jiwi baṅ hataokʼtae enḍekhan Probhu Isor do ińe sạjạyińma, ạḍi bạṛicʼ sạjạige.

2 Rapajko 18:24

Ar ona hõ bam daṛeakʼ khan ińren kisạ̃ṛren huḍiń utạricʼ do cekatem tạkicʼ daramea, am do Misor reakʼ rãt gạḍi ar aswariko cetanrem bhorsakʼ kana?