1 Rapajko 20:1 - সান্তালী বাইবেল

¹ Aramren raj Benhadad do acʼren sanam lạṛhại phạdkoe jarwaketʼkoa. Uni do pegel bar rapajko ar ạḍi utạr sadomko ar rãt gạḍiko soṅgekate Samariạ akromon lạgitʼe gherao ạcurkeda.

1 Rapajko 20:1 Referans Kwoze

1 Rapajko 15:18

Probhu Isorakʼ oṛakʼre ar apnarakʼ raj khajańci oṛakʼre okako sona ar rupạko tahẽkan onako sanamakʼe oḍokkeda. Onako do acʼren gutikoakʼ tite Aramren raj Benhadad ṭhene kolkeda. Benhadad do Tabrimonren hopon Hesbonren goṛomtetʼ koṛae tahẽkana. Uni do unre Damesekreye rajokʼkan tahẽkana. Asa do uni ṭhene roṛgotʼkada,

1 Rapajko 22:31

Ar Aramren raj do acʼakʼ rãt gạḍiren pegel bar subedarko noae hukumatʼko tahẽkana, “Israelren raj chaḍa huḍiń ar maraṅ okoe sãotehõ alope lạṛhạiya.”

1 Rapajko 15:20

Asa rajakʼ kathate Benhadad doe rạjiyena ar Israelkoakʼ ato ar nagrahako upạrte acʼren subedarkoe kolketʼkoa. Uni do Ison, Dan, Abel-Betmaka ar goṭa Kinerot ar ona sãoteakʼ Napthali ṭoṭhae hatkeda.

Amos 1:4

Ona iạte iń do Hasael reakʼ raj oṛakʼ cetanre seṅgeliń kola; ona do Benhadadakʼ gaṛkoe joma.

Daniel 2:37

E maharaj, am do rapajkoren raj kanam, sermaren Isor do rajosṭi, ektiạri, daṛe ar ṭhonoke em akatʼmea.

Jeheskel 26:7

“E Tur, iń do am upạrte utạr secʼ khon sadomko, rãt gạḍiko, aswariko ar maraṅ okocʼ mitʼṭecʼ lạṛhại phạdko sãote rapajkoren raj, metakʼme Babelren raj Nebukadnesar iń ạguiyea.

Jirimiạ 49:27

Damesek reakʼ pạcrikore iń do seṅgeliń junḍiyakʼa; ona do Benhadad gaṛkoe lo poṭor cabaea.”

Jesaea 37:24

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro dareko dom makʼ giḍiakada, ar ona reakʼ bir bhitrikorem boloakana,

Jesaea 10:8

Uni doe meneda, “Ińren senaputiko do cetʼ jotoge raj leka doko baṅkana?

Esra 7:12

Sermaren Isorakʼ ạn-ạriren cecetʼicʼ naeke Esra ṭhen iń rajkoren raj Artaksasto do ciṭhiń oleda. Amakʼ bhạlại hoyokʼma baṛe.

1 Rapajko 20:24

Am do mitʼṭecʼ kạmime. Rapajko ocokʼkate onkoakʼ jaegare subedarko bahalkom.

1 Rapajko 20:16

Onko do tikin okteko oḍok hecʼena. Ar eṭakʼ eṭakʼ ṭoṭharen disạm cakʼlaokoren onko lạṛhại juạnkoge pạhilteko oḍok calaoena. Benhadad ar uni sãoten pegel bar rapajko do ńu bulkatere hõ bubulakʼko ńuńukan tahẽkana. Ona jokhecʼ Benhadad do khoj khobor hatao lạgitʼ okoe hoṛkoe kolletʼko onko do uniko metadea, “Samariạ khon hoṛko oḍok hijukʼ kana.”

1 Rapajko 16:24

Uni do eaegel irạl keji rupạte Semer ṭhen khon Samariạ buruye kirińkeda ar buru coṭre mitʼṭecʼ nagrahae benaokeda ar bururen lahaten mạlik Semerakʼ ńutum lekage nagraha reakʼ ńutume dohokeda.

1 Samuel 13:5

Unre Philisṭiko do Israelko sãote lạṛhại lạgitʼ mitʼ ṭhenko jarwayena. Ar onko sãote pegel hajar rãt gạḍiko, turui hajar aswariko ar jalapuri reakʼ gitil leka alekha lạṛhại phạdko tahẽkana.

Bikʼcạrko 4:3

Jabinakʼ do irạl sae mẽṛhẽtʼ reakʼ rãt gạḍiko tahẽkantaea ar uni do bargel bochor hạbicʼ Israelko cetanre ạḍi bạṛicʼ jor julume caloetʼ tahẽkana. Onate Israelko do Probhu ṭhen goṛo ńam lạgitʼko rakʼkeda.

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

Dosar Biboron 28:52

Onko do apeakʼ ato ar nagrahako gherao ạcurtapea, ar sesre oka usul ar keṭecʼ pạcri bhitko cetanrepe bhorsakʼkan ona hõ lạnduṛokʼtapea. Ar aperen Probhu Isor okaṭakʼ disạme emape lạgidokʼkan ona disạm reakʼ mitʼke mitʼ ato ar nagrahako gherao ạcurtapea.

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

Exodus 14:7

Uni do turui sae rãt gạḍikoe bachaoana, ar ona chaḍa misrikoakʼ eṭakʼ rãt gạḍiko hõe soṅge torakeda. Ar mimitʼ goṭecʼ rãt gạḍire mimitʼ goṭen senapotikoe dohoketʼkoa.

1 Rapajko 20:2

Uni do thoṛa hoṛko nagrahateye kolkatʼkote Israelren Ahab raj niạ kathae baḍae ocokedea, “Benhadade meneda,

2 Rapajko 6:8

Ona jokhecʼ Aramren raj do Israelko upạrteye lạṛhạikan tahẽkana. Uni do acʼren subedarko sãote solha mitʼkateye menkeda, “Phalna jaegakore bon ḍerakʼa.”

2 Rapajko 8:5

Ado Gehosi tinre raje lạiyaekan tahẽkana Elisae do gocʼicʼ cetʼlekae jiwetʼ ruạṛledea mente ar ṭhik ona jokhecʼge Elisae okoeṭakʼ maejiuren hopone jiwetʼlede uni maejiu do raj ṭhen senkate acʼakʼ oṛakʼ-duạr ar ot-baṛgeko ńam ruạṛ lạgitʼ nehõrokʼe ehopʼena. Gehosi do unreye menkeda, “E ińren mạlik maharaj, nui kangeae uni maejiu do one okoeren hopon Elisae doe jiwetʼ ruạṛlede.”