1 Rapajko 2:7 - সান্তালী বাইবেল

⁷ Menkhan Geliad Barsilairen hoponko cetanre do pạtiạr baṛe tahenme. Ar am sãote amakʼ ṭebilre okoeko jom-ńũiyetʼkan onko talare onko hõ jaegam emakoa. Amren boeha Absalom ṭhen khoniń ńir paskaolen jokhecʼ onko do ạḍiko goṛowạdiń tahẽkana.

1 Rapajko 2:7 Referans Kwoze

2 Samuel 9:7

Dạud do uniye metadea, “Alom botorokʼa. Iń do amren ạpum Jonathan khạtirte khạṭige dayań udukʼama. Amren goṛomme haṛam Sạulakʼ sanamakʼ jaega jumiń ruạṛama, ar am do jao ghuṛi ińakʼ ṭebilrem jom ńũiya.”

2 Samuel 9:10

Am, amren hoponko ar amren gutiko do uniyakʼ jumi caskate phosolpe samṭaoa jemon amren kisạ̃ṛren goṛomtetʼ koṛa do jomakʼ hoyokʼtae; menkhan amren kisạ̃ṛren goṛomtetʼ koṛa Mephiboset do jao okte ińakʼ ṭebilreye jom ńũiya.” Sibaren do gelmõṛẽ goṭen hopon ar bargel gutiko tahẽkantaea.

Luk 12:37

Bhạgangeako onko guti do, one okoe do jagwar tahene hecʼ ńamko. Sạrigeń metapekana, uni kisạ̃ṛ do ḍanḍare kicricʼe paṭhekʼte onkoe duṛupʼ ocokoa ar hecʼkate acʼgeye jom ocokoa.

Kạhtukko 27:10

Apnarren se babaren gate do alom bạgi giḍiyea; Muhinre boehawakʼ oṛakʼte alom calakʼa; sạṅgińre tahen boeha khon do aḍepaseren boehageko bhagea.

2 Samuel 19:28

Goṛomiń haṛamren bõsko do ińren mạlik maharaj ṭhen gujukʼ lek kangeako, menkhan enhõ am do amren hoṛko tulucʼ amakʼ ṭebilre jom-ńũi lạgitʼ iń amren guti hõ ṭhạ̃iyem tearadiń tahẽkana. Enḍekhan maharaj ṭhen nehõrokʼ lạgitʼ do ar cetʼ menakʼtińạ?”

Genesis 40:14

Menkhan amakʼ bhageakʼ dinkore iń do alom hiṛińińa. Am do Pharao ṭhen ińakʼ katham lạiya, jemon amakʼ goṛote noa hajot oṛakʼ khoniń oḍok daṛeakʼ.

Esra 2:61

Noko mod khon Hobai, Hakos ar Barsilai bõsko do bõs tạlikare akoakʼ bõsko khojleda menkhan bako ńamletʼtakote naekeko mod khon onko doko chaṭao ocoyena. Barsilai do ona ńutumtegeye hoho ocokʼkan tahẽkana, ente Gileadiạ Barsilairen mitʼṭen hoponerae baplaledea.

Jirimiạ 52:33

Jehoyakin do jel khana reakʼ kicricʼe bocʼkeda ar jion reakʼ sarecʼ dinko do raj sãote jom ńũkateye paromkeda.

2 Rapajko 25:29

Jehoyakin do jel khana reakʼ kicricʼe bocʼkeda ar jion reakʼ sarecʼ dinko do raj sãote jom ńũkateye paromkeda.

2 Rapajko 25:30

Ar tinạkʼ din jiwetʼe tahẽkan unạkʼ din raj do din hilokʼ mitʼṭecʼ bhata lekae emaekan tahẽkana.