1 Rapajko 2:6 - সান্তালী বাইবেল

⁶ Am do ạkil salakʼ kạmime, ar haṛam umerre uni do sulukte patal purite alom sen ocoaea.

1 Rapajko 2:6 Referans Kwoze

1 Rapajko 2:9

Menkhan ńitokʼ do bin dusi mente alom hudisea. Am dom ạkilanicʼ kana; unire cetʼem cekaea ona do amge bhagem bujhạu daṛeakʼa. Uniyakʼ haṛam umerre mãyãmem joro ocoytaea ar patal puritem kolkaea.”

Jesaea 57:21

Ińren Isore meneda, “Bedhoromko lạgitʼ do jãhãn sulukge bạnukʼa.”

Jesaea 48:22

Probhu Isore meneda, “Bedhoromko lạgitʼ suluk do bạnukʼa.”

Sosolhayic̕ 8:11

Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.

Kạhtukko 28:17

Okoe hoṛ khũnkate bạṛicʼ cintạreye paṛao akan uni do ạuriye gujukʼ hạbicʼe ńir baṛaea; ar okoehõ aloko goṛowaema.

Kạhtukko 20:26

Tente cetʼleka phosol enokʼ, onkage ạkilan raj do acʼakʼ daṛete bạṛicʼkoe chirchạturkoa.

Sereńko 37:37

Sạbit hoṛkoakʼ jion secʼ beṅgedme; ar onko dhorom hoṛko ńelkom. Okoe sulukko dulạṛetʼ onkoren bõs doko tahengea.

Jesaea 65:20

Onḍe do nunu gidrạko hõ bako gujukʼa, se haṛam hoṛ hõ bahaokʼ din ạuri cabakʼtako hạbicʼ bako gujukʼa. Ar jãhãe mitʼsae bochor umerreye gocʼlenre hõ uni do juạn mentegeye bikạukʼa; ar okoe mitʼsae bochor bae bańcaokʼ uni do sarapanicʼe hoyokʼa.

Jesaea 57:2

Okoe sojhe horteko calakʼkan onko do sulukko ńama; onko do gujukʼ hotete jirạuko ńama.

2 Rapajko 22:20

Ona iạte iń do usạrage amren hapṛamko ṭheniń idimea ar am do suluktem topa ocokʼa. Ar niạ jaega cetanre okako muhiniń paṛao ocoy ona do amakʼ mẽtʼ bae ńela.’ ” Unre onko do Huldawakʼ katha ańjomkate raj ṭhenko ruạṛ calaoena.

Numeri 35:33

Apeakʼ disạm do alope besapha ocoya, ente mãyãmpe joro oco lekhan disạm do besaphakʼa. Ar oka disạmre mãyãm jorokʼ onḍe do mãyãm joro ocoyicʼakʼ mãyãm chaḍa ar okalekate hõ ona reakʼ chut do baṅ dapalokʼa.

Genesis 42:38

Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

1 Rapajko 2:7

Menkhan Geliad Barsilairen hoponko cetanre do pạtiạr baṛe tahenme. Ar am sãote amakʼ ṭebilre okoeko jom-ńũiyetʼkan onko talare onko hõ jaegam emakoa. Amren boeha Absalom ṭhen khoniń ńir paskaolen jokhecʼ onko do ạḍiko goṛowạdiń tahẽkana.

Genesis 9:5

Ar jãhãege apeko khũnpe enḍekhan iń do khạṭige apeakʼ mãyãm reakʼ iń hala ruạṛakoa, ona do janwarge cetʼ ar manwakoge cetʼ. Manwa jiwi okoeye hatao uniyakʼ hõ hataokʼtaea.

2 Samuel 3:39

Raj lekate ińiń ojokʼ bahal oco akanrehõ teheń iń doń nijorena ar Seruyaren hoponko bạń dormoj daṛeako kana. Probhu Isorge behoketʼkoakʼ kuṛại doe emakoma.”

1 Rapajko 3:12

Onate am okaṭakʼem khojakatʼ onageń emama. Iń do amakʼ ontorre nonkan ạkil ar bud bicạr reakʼ daṛeń emama ńelme noa lahare nonka do celege bako tahẽkana ar tayomte hõ onka do ar bako hoyokʼa.