1 Rapajko 2:5 - সান্তালী বাইবেল

⁵ “Seruyaren hopon Joab do iń lạgitʼ okaṭakʼe ceka akatʼ ar Israelren lạṛhại phạdkoren banar senaputi cetanre, metakʼme Nerren hopon Abner ar Jetherren hopon Amasa tạkin cetanre okae ceka akatʼ ona dom baḍaegea. Uni do unkine khũn akatʼkinạ, ar sulukokʼ oktere hõ uni do lạṛhại reakʼ dinko leka unkinakʼ mãyãme joro ocoakada ar ona mãyãm do uniyakʼ ḍanḍa totolakʼre ar jaṅga reakʼ panahere laṭkao akana.

1 Rapajko 2:5 Referans Kwoze

2 Samuel 3:27

Abner do Hebronteye ruạṛ hecʼena khan Joab do uni sãote oko okote galmaraoae reaṅ cholte nagraha reakʼ phaṭok talareye idikedea. Ar ona tayom do lacʼre sobokʼ kedeteye gocʼkedea. Nonkate uni do acʼren boeha Asahelakʼ mãyãm reakʼe halakeda.

2 Samuel 20:10

Menkhan Amasa do Joabakʼ ti reakʼ tarwaṛe do bae kheyalleda. Ar Joab do tarwaṛete uniyakʼ lacʼe boskaoketʼtaea. Onate uniyakʼ lacʼ do bogocʼ oḍokente otre ńurena. Ar Amasa ńẽde reakʼ jạṛuṛ do baṅ hoylena. Uni doe gocʼena. Inạ tayom Joab ar uniren boeha Abisae do Bikri hopon Seba kin khudạu idikedea.

2 Samuel 18:12

Uni hoṛ doe roṛ ruạṛkeda, “Mitʼ hajar Sekel rupạ soṅkate ińakʼ tirem emlenre hõ rajren hopon cetanre ti do ohogeń tul daṛelea. Alele ańjomakada raj do Abisae, Itai ar am noae hukum akawatʼpea, ‘Ape do uni koṛa Absalompe rukhiyạyea.’

2 Samuel 18:5

Ar raj do Joab, Abisae ar Itai tekoe hukumatʼkoa, “Iń khạtirte uni koṛa Absalom tulucʼ do jutte beoharpe. Absalom reaṅ raj do subedarko sãote tinreye galmarao kan tahẽkana unre lạṛhại phạdrenko hõ ona kathako ańjomletʼa.

2 Samuel 18:14

Joabe menkeda, “Am tulucʼ somoe do ohoń nosṭo daṛelea.” Ar niạ menkate uni do borlome sapʼtoraketʼte Absalom do kokhareye sobokʼadea. Absalom do unhõ ela darere jiwetʼge aka akane tahẽkana.

2 Samuel 3:39

Raj lekate ińiń ojokʼ bahal oco akanrehõ teheń iń doń nijorena ar Seruyaren hoponko bạń dormoj daṛeako kana. Probhu Isorge behoketʼkoakʼ kuṛại doe emakoma.”

Jirimiạ 6:15

Onko do akoakʼ ona baṛicʼ kạmi iạte cetʼko lajaokʼ kana? Baṅa, onko do cetʼ lajaoge bạnukʼtakoa; onko do lajaokʼge bako baḍaea. Ona iạte onko do gurokʼko sãoteko gurokʼa. Ar tinreń sạjạikoa unre onko doko tawakʼ ńurokʼa. Iń Probhu Isorge noa katha doń meneda.”

Jirimiạ 2:34

Amakʼ tire do miridos reṅgecʼ orecʼkoakʼ jiwi reakʼ mãyãmge ńamokʼkana, onko do sind bhugạkʼ ṭhen bam ńamletʼkoa. Ar niạko tayom hõm meneda, ‘iń doń miridosgea; Probhu Isor do ińre jãhãn edre bạnukʼtaea.’ Menkhan iń do bicạrkateń sạjạimea, ente am dom meneda, ‘iń do bạń kại akada.’

1 Rapajko 2:32

Ar uni tinạkʼ mãyãme joro ocoakatʼ ona reakʼ do Probhu Isorgeye hala ruạṛaea, ente ińren ạpuń begor baḍae ocoyete uni do bar hoṛe gocʼketʼkinạ. Unkin do lạṛhại phạdkoren senaputi Nerren hopon Abner ar Jihudạ lạṛhại phạdkoren senaputi Jether ren hopon Amasa.

1 Rapajko 1:7

Adoniạ do Seruạren hopon Joab ar naeke Abiạthar sãoteye solhakeda, ar unkin do unikin goṛowadea.

2 Samuel 17:25

Absalom do acʼren lạṛhại phạdko cetanre Joab bodolte Amasae bahalkedea. Amasae do Ithra ńutuman mitʼṭen Israelren hopone tahẽkana. Ithra do Nahasren hoponera Abigaele baplaledea. Abigael do Joabren eṅgattetʼ Seruyaren miserate tahẽkana.

2 Samuel 2:18

Joab, Abisae ar Asahel ńutuman Seruaren pea hopon onḍeko tahẽkana. Asahel do birren jel leka murukteye dạṛ daṛeakʼkan tahẽkana.

Mathae 3:4

Johan do ũṭ upʼ reakʼ aṅgrop ar ḍanḍare harta reakʼ paṭheakʼ tahẽkantaea. Uni do pohoko ar bir dumur rasae jometʼkan tahẽkana.

2 Samuel 2:13

Unre Serua hopon Joab ar Dạudren hoṛko oḍok hecʼena. Ar Gibeon reakʼ pukhri ṭhenko samna sạmniyena. Mitʼ dol do pukhri niạsa aṛere ar eṭakʼ dol do pukhri hanasa aṛereko duṛupʼena.

Dosar Biboron 27:24

‘Sarapangeae uni hoṛ do, okoe do danaṅre hoṛe khunetʼko.’ Unre sanam hoṛko mena, ‘Amen.’