1 Rapajko 2:32 - সান্তালী বাইবেল

³² Ar uni tinạkʼ mãyãme joro ocoakatʼ ona reakʼ do Probhu Isorgeye hala ruạṛaea, ente ińren ạpuń begor baḍae ocoyete uni do bar hoṛe gocʼketʼkinạ. Unkin do lạṛhại phạdkoren senaputi Nerren hopon Abner ar Jihudạ lạṛhại phạdkoren senaputi Jether ren hopon Amasa.

1 Rapajko 2:32 Referans Kwoze

Bikʼcạrko 9:24

Isorgeye nonkakeda jemon Jerubakʼalren eaegel hoponkoakʼ mãyãm cetanre oka behokakʼ hoyakan ona iạte onkoren boeha Abimelek cetanre ar gogocʼ kạmire okoeko gokʼṛokoko tahẽkan onko Sikemren hoṛko cetanre hala ruạṛokʼ.

Sereńko 7:16

Acʼakʼ bedhorom reakʼ bojha do acʼakʼ bohokʼrege ruạṛ hecʼaea; ar okoeye julumede ona do uniyakʼ bohokʼrege ńurokʼa.

Bikʼcạrko 9:57

Sekemren hoṛko okaṭakʼko behokletʼ Isor do ona reakʼ paona sạjại onko hõe ematʼkoa. Ar nonkate Jerubakʼalren hopon Jothamakʼ sarap do uni cetanre paṛaoena.

1 Rapajko 2:5

“Seruyaren hopon Joab do iń lạgitʼ okaṭakʼe ceka akatʼ ar Israelren lạṛhại phạdkoren banar senaputi cetanre, metakʼme Nerren hopon Abner ar Jetherren hopon Amasa tạkin cetanre okae ceka akatʼ ona dom baḍaegea. Uni do unkine khũn akatʼkinạ, ar sulukokʼ oktere hõ uni do lạṛhại reakʼ dinko leka unkinakʼ mãyãme joro ocoakada ar ona mãyãm do uniyakʼ ḍanḍa totolakʼre ar jaṅga reakʼ panahere laṭkao akana.

Ester 1:19

Onate maharaj bogeye bujhạu khan tobe uni do mitʼṭecʼ raj parwanae emokʼma, Bạsti rạni do ar tisge Ahasberos raj samaṅre bae hecʼ daṛeakʼa. Ar niạ hukum do Paras ar Madae reakʼ ạn puthire ol caṛhaokʼma ar ona do baṅ bodolokʼa. Ona chaḍa maharaj do Bạsti rạni khon hõ lekicʼ eṭakʼ ar mitʼṭen do rạni hudại emaema.

1 Rapajko 2:44

Solomon do Simai arhõe metadea, “Ińren ạpuń Dạud cetanre okaṭakʼem behok akatʼ ona do amakʼ ontore baḍaegea. Ńitokʼ do Probhu Isorge amakʼ behokakʼ kạmi lạgitʼ kuṛạiye emama.

2 Samuel 17:25

Absalom do acʼren lạṛhại phạdko cetanre Joab bodolte Amasae bahalkedea. Amasae do Ithra ńutuman mitʼṭen Israelren hopone tahẽkana. Ithra do Nahasren hoponera Abigaele baplaledea. Abigael do Joabren eṅgattetʼ Seruyaren miserate tahẽkana.

2 Samuel 4:11

Enḍekhan mitʼṭen bindusạn hoṛ okoe do uniyakʼ oṛakʼre bolokate aṭetʼreye khũn akade, uni bạṛicʼ hoṛ cetʼ artetʼge bạń sạjạiyea. Ona iạte iń do apeakʼ ti khon uniyakʼ mãyãm reakʼ iń hala hạliya ar dhạrti khon apeń meṭao cabapea.”

2 Samuel 3:37

Enhilokʼ Dạudren hoṛko ar Israelren sanamkoko baḍaekeda, Nerren hopon Abner goje reaṅ do rajakʼ jãhãn hat baṅ tahẽkana.

1 Samuel 15:28

Unre Sạmuel do uniye metadea, “Probhu Isor do teheń am ṭhen khon Israelkoakʼ rajosṭi hõ nonkageye recʼ hataokeda ar am khon hõ bhage amakʼ disạmren mitʼ hoṛe emadea.

Genesis 4:11

Ar ot hõ amren boehawakʼ mãyãm ataṅ lạgitʼ moca bae jhicʼetʼte jumi reakʼ sarap do amrege paṛaoena.

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

Genesis 42:22

Ruben do onkoe metatʼkoa, “Iń doń metatʼpe tahẽkangea, ‘uni cetanre behokakʼ alope kạmiya.’ Menkhan unre bape ańjomletʼtińạ. Ńitokʼ do uniyakʼ mãyãm reakʼ hakʼla hạli reakʼ okte hoyakana.”

2 Samuel 1:16

Dạud do unre uni koṛae metadea, “Amakʼ gujukʼ lạgitʼ dạyi dom amkangea, ente amakʼ moca kathage am upạrte gohae emeda, Probhu Isorren ojokʼ akade hoṛem gocʼ akadea mente.”

2 Samuel 3:39

Raj lekate ińiń ojokʼ bahal oco akanrehõ teheń iń doń nijorena ar Seruyaren hoponko bạń dormoj daṛeako kana. Probhu Isorge behoketʼkoakʼ kuṛại doe emakoma.”

2 Bõsbudạ 21:14

Onate Probhu Isor do ńitokʼ amren hoṛko, amren hoponko ar amren bạhuko cetanre mahamạriye paṛao ocoya ar amakʼ sanam sompottikoe maraotama.

Numeri 32:23

Menkhan bape onkae enḍekhan ape do Probhu Isor upạrtepe kạiya. Ar noa baḍaekakʼpe, ona iạte apeakʼ kại khon rehae do bape ńama.

1 Rapajko 8:32

enḍekhan serma khon uniyakʼ katha ańjomtaeme ar ona leka kạmime. Unre amren gutim bicạrete dos akatʼ reakʼ kuṛại uniyakʼ bohokʼrem ladeaete dusi mentem sạbudea ar eṭakʼicʼ hõ uniyakʼ kạmi leka kuṛạiyem emaea ar bin dusi kanae mentem sạbudea.

Sereńko 7:17

Probhu Isor do dhorom reakʼe bicạra, onate iń do uniń sarhaoea; ar iń do maraṅ Probhu Isorakʼ iń õṛhẽ sereńa.

Jeheskel 17:19

“ ‘Iń Probhu Isor do ińakʼ ńutumte kiriạkateń menetʼkana, uni do iń ńutumte kiriạkate onae neṅghao akada ar iń tabere tahen reakʼ bondobose rạputʼ akatʼte ona reakʼ kuṛạiyiń emaea.