1 Rapajko 2:31 - সান্তালী বাইবেল

³¹ Unre raj do Banaeye hukumadea, “Uni okaṭakʼe menetʼkan onage onkaeme. Uni gocʼkate topakae me. Joab okoe bin dusạn hoṛkoakʼ mãyãme joro ocoakatʼ onako reakʼ dos do iń ar ińren ạpuńakʼ bõs khon nonkage ocokʼ giḍikakʼme.

1 Rapajko 2:31 Referans Kwoze

Numeri 35:33

Apeakʼ disạm do alope besapha ocoya, ente mãyãmpe joro oco lekhan disạm do besaphakʼa. Ar oka disạmre mãyãm jorokʼ onḍe do mãyãm joro ocoyicʼakʼ mãyãm chaḍa ar okalekate hõ ona reakʼ chut do baṅ dapalokʼa.

Exodus 21:14

Jãhãege laha khon hudis goṭakate mitʼhoṛe goje ar pinḍ ṭhen senkate asraye hatao, enḍekhan uni hoṛ do onḍe khon sapʼ ạgukate goje hoyokʼa.

Aposkạmi 28:4

Ado Pạulakʼ tire uni bińe ḍhilwạṅ akanko ńelkede khan ona dipren hoṛ doko menkeda, “Nui hoṛ doe khũniạhi kana ente jalapuri khone bańcaoenre hõ hokren bicạricʼ do jiwetʼ bae tahẽ ocowae kana.”

Kạhtukko 28:17

Okoe hoṛ khũnkate bạṛicʼ cintạreye paṛao akan uni do ạuriye gujukʼ hạbicʼe ńir baṛaea; ar okoehõ aloko goṛowaema.

2 Rapajko 9:26

‘Iń Probhu Isorgeń meneda, iń do hola Nabat ar uniren hoponkoakʼ mãyãmiń ńel akada, ar niạ jumi cetanre khạṭige uni reakʼ am ṭheniń hala ruạṛa.’ Enḍekhan Probhu Isorakʼ katha leka ńitokʼ kuṭuṅ rakapʼkate ona jumire giḍikaeme.”

2 Samuel 3:28

Joab ar uniren boeha Abisae do Abnerkin gocʼkedea, ente uni do unkinren boeha Asahel Gibiạn reakʼ lạṛhạireye gocʼledea. Tayomte Dạud do ona khobor ńamkateye menkeda, “Nerren hopon Abnerakʼ mãyãm reakʼ babotre iń ar ińakʼ rajosṭi do Probhu Isor samaṅre jaejug lạgitʼ bindusạngea. Joab ar uniren apatakʼ bõsren sanamkoge jemon ona mãyãm reakʼ dạyiko hoyokʼ. Joabakʼ bõsrenko sanam ghạṛicʼ jemon jãhãe baṅ jãhãe hereltetʼ khon boḍedakʼ oḍokokʼtako se murhucʼjom rog ńamko, jãhãege ṭheṅgate tiyokʼkateko taṛamma, arko khũn ocokʼma ar jomakʼ okulạnreko paṛaokʼma.”

1 Rapajko 2:30

Onate Banae do Probhu Isorakʼ tạmbure bolokate Joabe metadea, “Raj do oḍok hijukʼ lạgitʼe hukum akada.” Menkhan Joabe menkeda, “Baṅ, iń do nonḍegeń gujukʼa.” Banae do ona khobor raje baḍae ocokedeteye menkeda, “Joab do noa roṛ ruạṛadińa.”