1 Rapajko 2:3 - সান্তালী বাইবেল

³ Amren Probhu Isorakʼ sanaleka uniyakʼ horte calakʼme ar Moseyakʼ ạn-ạrire ol akan Probhu Isorakʼ joto niạmko, hukumko, sopolhako ar gohawakʼkom dohoya. Nonkate jãhãnakʼgem kạmi ar jãhãtegem calakʼ onḍegem jo bahakʼa.

1 Rapajko 2:3 Referans Kwoze

Dosar Biboron 29:9

Ona iạte ape do noa bondobos reakʼ sanam hukumko joton salakʼ dohoype jemon sanamakʼ kạmire bhạlại hoyokʼtape.

Sereńko 119:2

Bhạgangeako onko do, okoe uniyakʼ kathako ańjometʼkan ar goṭa ontorte uniyakʼ sana lekako calakʼkan.

1 Bõsbudạ 29:19

Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”

Sereńko 119:111

Amakʼ gohawakʼko jaejug hạbicʼ iń ạidạri akawana; onate ińakʼ ontor do rạskạkʼ kana.

Malaki 4:4

“Ape do ińren guti Moseyakʼ ạn-ạri reakʼ katha, metakʼme Horeb burure sanam Israelko lạgitʼ okaṭakʼ ạn-ạriń emade tahẽkan ona disạipe.

Sereńko 119:138

Amakʼ dhoromte ar maraṅ pạtiạrte am do amakʼ ạn ạrikom emakana.

1 Samuel 18:14

Probhu Isor do uni sãoteye tahẽkante jotowakʼrege bud salakʼ kạmikateye jo bahakʼkan tahẽkana.

Josuạ 22:5

Menkhan okako hukum ar ạn-ạriko Probhu Isorren guti Moseye em akawatʼpe ona manao reakʼ moneyakʼpe. Ar aperen Probhu Isor dulạṛepe, uniyakʼ horre taṛampe, uniyakʼ sanam hukumko manaope, unire sapʼ kajak akae tahenpe ar apeakʼ goṭa mon ar daṛete uni sewawaepe.”

Sereńko 19:7

Probhu Isorakʼ ạn do sạbitgetaea, ona do manwae jiwetʼ ocoyea. Probhu Isorakʼ katha do ṭehãḍokʼakʼ kangea, ona do soṛa monanko akele emakoa.

2 Rapajko 18:7

Probhu Isor do uni são sãoteye tahenkan tahẽkana. Ar jãhãnakʼgeye kạmiyetʼ tahẽkan onaregeye jo bahakʼkan tahẽkana. Asurren raj upạrte hulkate uni do golam ar bae khaṭaolena.

2 Samuel 8:14

Edom disạm reakʼ sanam jaegakore uni do acʼren lạṛhại phạdkoe dohoketʼkoa ar onate Edomrenko hõ uni gobolreko tahẽyena. Ar Dạud do jãhãtegeye calakʼkan tahẽkan Probhu Isor do onḍegeye jitạu ocoyedekan tahẽkana.

2 Samuel 8:6

Dạud do Aramrenkoakʼ rajosṭi reakʼ Damesekre acʼren lạṛhại phạdkoe dohoketʼkoa. Onate Aramrenko do uni gobolre tahẽkate khajna emokʼko ehopʼena. Nonkate Dạud do jãhã ṭhạ̃igeye calakʼkan tahẽkan Probhu Isor do onḍegeye jitạu ocoyede tahẽkana.

1 Samuel 18:30

Inạ tayom Philisṭikoren subedarko do lạṛhại lạgitʼ oḍok hijukʼko ehopʼena. Ar tinạkʼ dhaoko oḍok hecʼen unạkʼ dhaoge Sạulren kạmiyạko khon Dạud do bud salakʼe kạmiketʼteye jo bahayena. Ar nonkate uniyakʼ ńutum do manot idiyena.

1 Samuel 18:5

Ar Sạul do Dạud jãhãtegeye kolkaekan tahẽkan onḍegeye calakʼkan tahẽkana ar bud salakʼe kạmi purạuetʼ tahẽkana. Ona iạte Dạud do lạṛhạiko cetanreye dohokedea. Onate sanam hoṛ do unireko kusiyena ar onko sãote Sạulren kạmiyạko hõ.

Dosar Biboron 5:1

Mose do sanam Israelko hohoatʼkoteye metatʼkoa, “E Israelko, teheń ape ṭhen okako niạm ar hukumiń sodoretʼkan ona baṛe ańjompe. Ar onako cetʼ dohokakʼpe ar joton salakʼ manao idiype.

Dosar Biboron 4:8

Nonkan ar okoe jạtren menakʼkoa one onkoakʼ niạm ar ạn-ạriko ape ṭhen teheń iń emakʼ niạm leka hokte perecʼge?

Dosar Biboron 4:5

“Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Levitikus 8:35

Ar jemon alope gujukʼ onate teheń khon eae din hạbicʼ siń ńindạ ńapamokʼ tạmbu bhitrirepe tahena ar Probhu Isorakʼ khojakʼ lekape kạmiya. Ente iń do noa hukumgeń ńam akada.”

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.

Dosar Biboron 29:8

Ar unkinakʼ disạm hatkate sompotti lekate Rubenrenko, Gadrenko ar Manase khũṭren adha hoṛko do ona bon em akatʼkoa.

Josuạ 23:6

“Onate ape do apeakʼ sanam daṛete Moseyakʼ ạn-ạriko reakʼ puthire oka ol menakʼ ona jotowakʼpe manaoa; ar ona khon oka secʼge alope ghańjeṛokʼa.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.