1 Rapajko 2:27 - সান্তালী বাইবেল

²⁷ Nonkate Solomon do Probhu Isorakʼ naeke hudạ khon Abiạthare ocokʼkedea. Probhu Isor do Silore Eliren bõs reaṅ okae menletʼ uniyakʼ ona katha do nonkage purạuena.

1 Rapajko 2:27 Referans Kwoze

Sereńko 78:60

Siloamre acʼakʼ okaṭakʼ kumbạ oṛakʼ tahẽkan onae bạgi oṭowada; noa do ona tạmbu kana one okaṭakʼ do manwa talareye benaoletʼ.

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”

Johan 19:28

Inạ tayom sanamakʼ purạu akana menteye baḍaeketʼ khan sonot sostor reakʼ katha jemon purạukʼ onate Jisui menkeda, “Tetaṅedińa.”

Johan 19:24

Ona ńelte palṭonko do akoreko menjoṅana, “Noa do babon oṛeja bickom gulibãṭkate bon ńela okoeyakʼ hoyokʼa mente.” Noa do hoyena sonot sostor reakʼ katha jemon purạukʼ, Onko do ako talare ińakʼ kicricʼko hạṭińana, ińakʼ aṅgrop doko gulibãṭkeda. Ar palṭonko do sạrigeko onkakeda.

Johan 12:38

Noa do hoyena Jesaea nạbi hotete roṛlenakʼ katha jemon purạukʼ: E Probhu Isor, alele porcar akatʼakʼ do okoe baṅe pạtiạuatʼ? Ar Probhu Isorakʼ daṛeanakʼ ti do okoe ṭhen sodor akana?

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.

1 Samuel 22:20

Ahiṭubren goṛomtetʼ koṛa, metakʼme Ahimelekren hopon do jãhãlekateye ńir paskaoente Dạud ṭhene dạṛkeda. Uniyakʼ ńutum do Abiathar tahẽkana.

1 Rapajko 2:35

Unre raj do Joab bodolte Jehuyadaren hopon Banae do senaputiye bahalkedea ar Abiạtharakʼ jaegare do Sadoke bahalkedea.

1 Rapajko 4:4

Jehuyadaren hopon Banae do maraṅ senaputiye tahẽkana; Sadok ar Abiạthar do naeke kin tahẽkana;