1 Rapajko 2:23 - সান্তালী বাইবেল

²³ Inạ tayom Solomon raj do Probhu Isor ńutumte kiriạkateye menkeda, “Noa aroj lạgitʼ jodi Adoniạwakʼ jiwi baṅ hataokʼtae enḍekhan Probhu Isor do ińe sạjạyińma, ạḍi bạṛicʼ sạjạige.

1 Rapajko 2:23 Referans Kwoze

Rut reakʼ kạhini 1:17

Ar aben okare ben gujukʼ ạliń hõ onḍege liń gujukʼa ar onḍege jemon ạlińakʼ topa hõ hoyokʼ. Gujukʼ chaḍa eṭakʼ jãhãnakʼ iạte laṅ begarokʼ enḍekhan Probhu Isor do jemon bạṛicʼ sạjạiye imạń.”

Sereńko 140:9

Okoe ińko esetʼ ạcur akadiń ar onkoakʼ moca okako behok akatʼ ona do onkoakʼ bohokʼrege paṛaokʼma.

Sereńko 64:8

Onko do akoakʼ alaṅtege muskilko ạgujoṅ kana; onko beṅgetʼakote sanamkoge bohokʼko rukuitakoa.

Luk 19:22

“Unre raje menkeda, ‘Eya bạṛicʼ golam! Amakʼ moca reakʼ kathatege am doń bicạrmea. Am mam baḍaekan tahẽkange, iń doń kuṭhin hoṛ kana; okaṭakʼ bạń dohoakatʼ onań hataoeda ar okaṭakʼ bạń erletʼ onań ireda.

Sosolhayic̕ 10:12

Ạkilan hoṛakʼ moca kathare do daya menakʼa, menkhan bebujicʼ do acʼakʼ moca kathateye marao ocokʼa.

2 Rapajko 6:31

Uniye menkeda, “Teheń Saphatren hopon Elisaeyakʼ bohokʼ tarenre tahentae enḍekhan Isor do ińe sạjạiyińma, ona do ạḍi bạṛicʼ sạjạige!”

1 Rapajko 20:10

Benhadad do unre Ahab ṭhen niạ sombate kolkeda, “Ińren sanam hoṛko mimitʼ muṭkate emako leka dhuṛi hõ jodi Samariạre tahentam enḍekhan debotako do ińko sạjạyińma ar ona do ạḍi bạṛicʼ sạjạige.”

2 Samuel 19:13

Ape do Amasa iń reakʼ niạ kathape metaea, ‘am do cetʼ ińakʼ jel ar jaṅ dom baṅ kana? Isorre kiriạkateń metam kana, ńit khon am do Joab bodolte ińren lạṛhại phạdkoren subedarem hoyokʼa.’ ”

2 Samuel 3:35

Bela tahenrege jemon Dạud jãhãnakʼe jom ona lạgitʼ hoṛko do uniko jormoṭkedea; menkhan Dạud do kiriạkateye menkeda, “Siń candoe hạsurokʼ lahare piṭhạ se eṭakʼ jãhãnakʼ iń jom enḍekhan Isor do sạjạiye imạńma ar ona do bạṛicʼ sạjạige.”

2 Samuel 3:9

Probhu Isor do Dạud ṭhen kiriạkate okaṭakʼe gokʼletʼ onka iń bạń kạmi, metatʼme Sạulakʼ bõs khon rajosṭi hataokate Dan khon Berseba hạbicʼ Israel ar Jihudạ cetanre Dạudakʼ siṅghạson bạń teṅgoe enḍekhan Isor do Abner sạjạiye emaema ar ona do ạḍi bạṛicʼ sạjạige.”

1 Samuel 14:44

Sạule menkeda, “Hẽ Jonathan, am do gujukʼtege hoyokʼtama. Isor do am sạjạiye emamma, ar khạṭige sạjạiye emama.”

Kạhtukko 20:2

Rajakʼ raṅgao do dhạcri kulakʼ gondrao leka; uni okoeye raṅgao ocoye uni do acʼakʼ jiwi muskilreye paṛao ocoytaea.

1 Rapajko 19:2

Ar Isebel do sanam katha ańjomkate hoṛ kolkate Eliạ ṭhene roṛ gotʼkada, “Gapa niạ okte bhitrite amakʼ jiwi onko hoṛkoakʼ leka bạń hoyocoe enḍekhan debotako jemon sạjạiko emạń ar ona do ạḍi bạṛicʼ sạjạige.”