1 Rapajko 2:2 - সান্তালী বাইবেল

² “Dhạrtiren sanamko okaṭakʼ horte calakʼ hoyokʼtako iń hõ ńitokʼ do ona hortegeń mohnḍa akana. Onate am do keṭejokʼme, ar mitʼṭen keṭecʼ herel hopon leka udugokʼme.

1 Rapajko 2:2 Referans Kwoze

Josuạ 23:14

“Dhạrtiren sanamko okaṭakʼ horte senokʼ hoyokʼtako ona horte iń hõ ńitokʼ doń senokʼ kana. Ar noa katha do bhagegepe baḍaea, aperen Probhu Isor bhạlạiype reakʼ okae gokʼ akawatʼpe ona reakʼ mitʼṭecʼ hõ baṅ ạuṛiyakʼ akana. Mitʼke mitʼ gokʼakʼ do purạu akana, ar baṅ puruạuakʼ do mitʼṭecʼ hõ bạnukʼanaṅ.

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

1 Korinthiko 16:13

Ape do jagwar akae tahenpe, biswạsre keṭecʼte teṅgo akan tahenpe, jhũkokʼpe ar daṛeanko hoyokʼpe.

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

Dosar Biboron 31:23

Probhu Isor do Nunren hopon Josuạ noae hukumadea, “Daṛeanicʼ hoyokʼme ar monre dil dohoyme. Ente oka disạm emokʼ lạgitʼ iń gokʼletʼ ariń kiriạlen onḍe do amgem idikoa. Ar ińge am sãoteń tahena.”

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.

1Timothi 4:12

Amakʼ koṛa umer do okoe hõ aloko neṅghaotam ma. Menkhan pạtiạuko lạgitʼ nạmuna baṛe hoyokʼme, amakʼ kathare, amakʼ cạl-colonre, amakʼ dulạṛre, amakʼ biswạsre ar sonotre.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Sereńko 89:48

Okoe kanae uni daṛean hoṛ do, okoe do jiwetʼge menae ar bae gujukʼ? Nonkan okoe menakʼkoa, okoe do patal puri khon apnarteye rukhiyạ daṛekokʼ? (Sela)

Jobakʼ 30:23

Baḍaegeạń am do gujukʼ secʼem idiyedeń kana, sanam jiwetʼ hoṛko lạgitʼ dohoakatʼ ṭhạ̃item idiyedeń kana.

Jobakʼ 16:22

Ente iń do ar thoṛa bochor khange ona horteń senokʼa, ar ona khon do bạń ruạṛa.

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

1 Rapajko 3:7

“E ińren Probhu Isor, ińren ạpuń Dạudakʼ jaegare ńitokʼ do amren guti rajem hoyoco akadea. Menkhan ińakʼ umer do komgea, onate bạń baḍaea cetʼ lekate ińakʼ dạyikiń palona.

2 Samuel 10:12

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ dela, dil salakʼ bon lạṛhạilenge. Ar Probhu Isor do acʼakʼ mẽtʼre oka bhageakʼkan onageye onkaema.”

2 Samuel 12:23

Menkhan uni tinreye gocʼena unre cetʼ lạgitʼ iń upạsa? Uni do cetʼ iń ruạṛ ạgu daṛeaea? Ińge uni ṭhen calakʼ hoyokʼtińạ. Uni do ar tishõ iń ṭhen do bae ruạṛ hijukʼa.”

1 Bõsbudạ 22:13

Probhu Isor do Mose hotete Israelko lạgitʼ okaṭakʼ ạn-ạri ar hukumkoe emakan onako jodi sontortem pańjae enḍekhan am dom khạṭigem jo-bahakʼa. Am do daṛeanicʼ hoyokʼme ar monre dil dohoyme. Alom botorokʼa se alom torasokʼa.

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”