1 Rapajko 2:12 - সান্তালী বাইবেল

¹² Ar Solomon do apattetʼakʼ siṅghạsonreye duṛupʼena ar uniyakʼ rajosṭi do ạḍi kajakentaea.

1 Rapajko 2:12 Referans Kwoze

2 Bõsbudạ 1:1

Dạudren hopon Solomon do acʼakʼ rajosṭi ạḍi kajakge acʼ tabereye dohokeda, ente uniren Probhu Isor do uni sãoteye tahẽkana ar ạḍiye maraṅkedea.

Sereńko 132:12

Amren hoponko ińiń bandhao akatʼ bondobosko manao lekhan ar ińakʼ katha lekako senlen khan one okaṭakʼ iń cetʼako, enḍekhan onkoren hoponko do piṛhike piṛhi amakʼ siṅghạsonreń duṛupʼkoa.”

1 Rapajko 1:46

Ona chaḍa Solomon raj do siṅghạsonreye duṛupʼ akana, ar rajren kạmiyạko do aboren mạlik Dạud maharajko joharaekana arko meneda, ‘amren Isor do am khon hõ Solomonakʼ ńutume maraṅtaema ar amakʼ rajosṭi khon uniyakʼ rajosṭi do arhõe ṭhonok ocoytaema.’ Unre raj do acʼakʼ aṭetʼ cetanrege ombakʼkate Isor sewawadeteye menkeda, ‘Israelkoren Isorakʼ sarhao hoyokʼtae ma. Ińakʼ siṅghạsonren ạidạriyicʼ teheń uni doe ńel ocokedińa.’ ”

2 Samuel 7:29

Ńitokʼ am do kusite amren gutiyakʼ bõsko bhorakʼme jemon onko do jaejug am samaṅreko tahen. E Probhu Isor, apnartege ona katha dom men akada ar amakʼ bhorte amren nui gutiyakʼ bõskore jaejug ạsirbad tahẽ akae tahena.”

1 Rapajko 2:46

Raj do inạ tayom Jehuyadaren hopon Banaeye hukumadea ar Banae do senkate Simaiye gocʼkedea. Nonkate Solomonakʼ rajosṭi do kajakte ṭarhao tahẽyena.

1 Bõsbudạ 23:1

Dạud do tinreye haṛam cabayena unre uniren hopon Solomon do Israel cetanreye rajkadea.

1 Rapajko 1:13

Am do ńitge Dạud raj ṭhen senkate menme, ‘E ińren mạlik maharaj, amren kạ̃ṛmĩ ṭhen niạ do cetʼ bam gokʼleda, am tayom do amren hopon Solomonge raje hoyokʼa mente ar unige amakʼ siṅghạsonreye duṛupʼa. Enḍekhan cekate Adoniạ do raje hoyakana?’

1 Rapajko 1:30

Israelkoren Isor ńutumte okaṭakʼ iń kiriạ akan ona do teheń khạṭigeń purạua. Amren hopon Solomonge iń tayom raje hoyokʼa ar unige ińakʼ siṅghạsonreye duṛupʼa.”

1 Rapajko 1:35

Inạ tayom ape do uni tayom tayomtepe ruạṛ hijukʼa. Ar uni do ińakʼ siṅghạsonreye duṛupʼa ar ińakʼ jaegareye rajokʼa. Ar iń do Israel ar Jihudạren disạm cakʼlaoyicʼ iń ojokʼ bahalkedea.”