1 Rapajko 2:10 - সান্তালী বাইবেল

¹⁰ Inạ tayom Dạud do acʼren hapṛamko ṭhene calaoena ar uni do Dạudakʼ nagrahareko topakedea.

1 Rapajko 2:10 Referans Kwoze

Aposkạmi 2:29

“E boehako, noa katha do khạṭigeń men daṛeakʼa je, raj bõsren baba Dạud doe gocʼena ar topa hõe topa ocoakana ar uniyakʼ topa do teheń hõ nonḍe menakʼa.

Aposkạmi 13:36

“Dạud do ona piṛhiren hoṛko modre Isorakʼ monejoṅakʼe purạuketʼ tayome gocʼena. Ar uniren hapṛamko sãoteko topakede khan uniyakʼ hoṛmo do nosṭoyena.

1 Bõsbudạ 29:28

Uni do ḍher bochor jiwetʼ tahẽkanre dhon ar mane arjawan tahẽkana ar ạḍi haṛam umerreye gocʼena. Uniren hopon Solomon do acʼ apat bodolteye rajena.

1 Rapajko 11:43

Ona tayom uni do acʼren hapṛamko ṭhene calaoena. Ar acʼren apat Dạudakʼ nagrahareko topakadea. Ona tayom acʼren hopon Rehobiam do uni bodolteye rajena.

1 Rapajko 1:21

Ar baṅkhan ińren mạlik maharaj do tinre acʼren hapṛamko ṭhene senokʼa unre iń ar ińren hopon Solomon do dusi hoṛ menteko hudislińạ.”

1 Rapajko 3:1

Solomon do Misorren raj Pharaoren hoponerae baplakedete uni tulucʼ gatekʼ reakʼe ehopʼkeda. Solomonakʼ raj gaṛ, Probhu Isorakʼ oṛakʼ ar Jerusalem beṛhaete pạcri ạuriye sạt hạbicʼ acʼren bạhu do Dạudakʼ nagrahareye dohokedea.

2 Samuel 5:7

Menkhan Dạud do Sion reakʼ gaṛe hatkeda; onate ona do Dạud nagrahako ńutumkeda.

1 Bõsbudạ 11:7

Inạ tayom Dạud do ona gaṛre girobasokʼe ehopʼena; onate ona nagraha do Dạud nagrahako metatʼa.

1 Rapajko 11:21

Misorre tahenrege Hadad doe ańjomkeda, Dạud do acʼren hapṛamko sãoteye topa ocoakana ar senaputi Joab hõe gocʼena. Unre Hadad do Pharaoe metadea, “Ńitokʼ do sen ocoạńme jemon ińakʼ disạmteń ruạṛ sen daṛeakʼ.”

2 Bõsbudạ 9:31

Ona tayom uni do acʼren hapṛamko ṭhene calaoena; uni do acʼren apat Dạudakʼ nagrahareko topakadea. Ar ona tayom do uniren hopon Rehobiam do uniyakʼ jaegare raje hoyena.

2 Samuel 5:9

Inạ tayom Dạud do ona gaṛre girobasokʼe ehopʼena ar ona reakʼ ńutum do Dạud nagrahae dohokeda. Millo khon ehopʼkate ona gaṛ reakʼ beṛhaete uni do nagrahae benaokeda.

2 Samuel 7:12

Amakʼ bahaokʼ dinko mucạtʼlen khan am do amren hapṛamko ṭhenem calakʼre am bodolte am bõsren mitʼ hoṛ, amren hopongeń duṛubea ar uniyakʼ rajosṭiyiń ṭarhaotaea.

1 Rapajko 8:1

Inạ tayom Solomon raj do Dạud nagraha, metakʼme Sion khon Probhu Isorakʼ bondobos sinduk ạgui lạgitʼ Israelren murubbiko, gusṭiren mathako ar Israelren mukhiyạko Jerusalemre acʼ ṭhene jarwaketʼkoa.

1 Rapajko 14:31

Tayomte Rehobiam do acʼren hapṛamko ṭhene senena ar Dạud nagrahareko topakadea. Uniren eṅgatakʼ ńutum do Nama; uni do mitʼṭen Amoni jạtren maejiue tahẽkana. Rehobiam tayom do acʼren hopon Abiam uniyakʼ jaegare raje hoyena.

1 Rapajko 15:8

Tayomte Abiạ do acʼren hapṛamko ṭhene senena, ar Dạudakʼ nagrahareko topakadea. Ar uniyakʼ jaegare do uniren hopon Asaye rajena.

1 Rapajko 15:24

Tayomte Asa do acʼren hapṛamko ṭhene calaoena ar acʼren hapṛam Dạudakʼ nagrahare acʼren hapṛamko sãoteko topakadea. Ar uni hopon Jehosaphet do uniyakʼ jaegareye rajena.

1 Rapajko 22:51

Jihudạren raj Jehosaphatakʼ rajokʼ gel eaeyakʼ bochorre Ahabren hopon Ahasiạ do Samariạren raje hoyena. Uni do Israelko cetanre bar bochor raje tahẽkana.

2 Rapajko 8:24

Tayomte Jehoram do acʼren hapṛamko ṭhene senena ar Dạudakʼ nagrahare uniren hapṛamko sãoteko topakadea. Ar uniren hopon Ahasiạ do uniyakʼ jaegareye rajena.

2 Rapajko 9:28

Ar uniren gutiko do rãt gạḍite Jerusalemteko idikedea ar Dạud nagrahare uniren hapṛamko sãote uni lạgitʼe ṭhik dohoakatʼ tahẽkan topareko baekadea.

2 Rapajko 14:20

Uniyakʼ mạ̃ṛĩ do sadomre ladekate Jerusalemteko ạgukeda ar Dạudakʼ nagrahare uniren hapṛamko sãoteko topakadea.

2 Rapajko 15:38

Tayomte Jotham do acʼren hapṛamko ṭhene calaoena ar uniren hapṛam Dạudakʼ nagrahareko topakadea. Inạ tayom uniren hopon Ahas do uniyakʼ jaegare raje hoyena.

2 Rapajko 16:20

Tayomte Ahas do acʼren hapṛamko ṭhene calaoena ar Dạud nagrahare acʼren hapṛamko sãoteko topakadea. Ar uniyakʼ jaegare uniren hopon Hiskiạko rajkedea.

2 Bõsbudạ 24:16

Israelko modre Isor ar uniyakʼ oṛakʼ lạgitʼ bhageakʼe kạmiletʼte uni do Dạudakʼ nagrahare rapajko sãoteko topakedea.