1 Rapajko 19:8 - সান্তালী বাইবেল

⁸ Onate uni do beretʼkateye jomkeda. Ar ona jomkateye daṛeyente uni do pongel siń pongel ńindạ taṛamate Isorakʼ Horeb buruteye seṭerena.

1 Rapajko 19:8 Referans Kwoze

Exodus 34:28

Sinại burure Mose do Probhu Isor ṭhen pongel siń ar pongel ńindại tahẽkana. Ar inạ oktere uni do piṭhạ se dakʼ cetʼge bae jom-ńũleda. Probhu Isor do dhiri cạktikin cetanre acʼakʼ bondobos reakʼ kathako arhõe olkeda, ar onage gel hukum do hoyena.

Mathae 4:2

Onḍe uni do pongel siń ar pongel ńindại upạsketʼ khan reṅgecʼkedea.

Dosar Biboron 9:18

“Probhu Isorakʼ mẽtʼãhã samaṅre nonkanakʼ kạikate ape do uniyakʼ edrepe rakapʼ ocoketʼtaete iń do lahate leka arhõ pongel siń ar pongel ńindạ Probhu Isor samaṅre ikhṛum hapegeń tahẽyena; dakʼ se piṭhạ cetʼge bạń jom ńũleda.

Exodus 24:18

Ar Mose do rakapʼ rakapʼte ona rimil bhitriteye boloyena. Uni do pongel siń ar pongel ńindạ ona bururegeye tahẽyena.

Exodus 3:1

Mitʼ din Mose do acʼren hońhartetʼ Jethro, metakʼme Ruelren bhiḍi-meromkoe gupiyetʼko tahẽkana. Jethro do Midiankoren mitʼṭen naekeye tahẽkana. Mose do hahaṅkar hanasate bhiḍi-meromko gupi gupite Isorakʼ Horeb buruteye seṭerketʼkoa.

2 Korinthiko 12:9

Menkhan uni doe metadińa, “Ińakʼ dayage am lạgitʼ ḍhera, ente nijorrege ińakʼ daṛe do sodorokʼa.” Onate ińakʼ nijorakʼko reaṅakʼre ạḍi kusikateń sarhaokʼa, jemon Mạsiyakʼ daṛe ińre tahen.

Luk 4:2

Unre Soetan do Jisu laloce udukʼaete kạire ńurhạye reakʼe kurumuṭukeda. Ar niạ pongel din Jisu do cetʼge bae jomleda; ar onako din purạuen khan uni do reṅgecʼkedea.

Mark 1:13

Ar pongel din hạbicʼ Soetan do Jisu laloce udukʼadea ar kạire ńurhạye lạgitʼe kurumuṭukeda. Onḍe do aema bir janwarko tahẽkana, ar serma goḍetko hõ uniko sapʼsorae kan tahẽkana.

Daniel 1:15

Gel din mucạtʼre ńelena rajakʼko jometʼkan tahẽkan joto juạnko khon onko do arhõ mońj ar hoṛmowanko hoyakana.

Exodus 19:18

Ona tayom Sinại buru do dhũạte esetʼena, ente Probhu Isor do burure seṅgel tala khone pheḍ hecʼena. Bhaṭa khon cetʼleka dhũạ rakabokʼ ṭhik onkage rakabokʼ ehopʼena goṭa buru do dal dalaoena.

Exodus 4:27

Inạ tayom Probhu Isor do Arone metadea, “Hahaṅkarre senkate am do Mose tulucʼ ńapamokʼme.” Unre uni doe calaoena ar Isorakʼ burure Moseye ńamkedea are cokʼadea.

1 Rapajko 19:7

Probhu Isorren goḍet do dosar dhao arhõ hecʼkate joṭetʼ kedeteye metadea, “Ma beretʼme, ar jomme, ente unạkʼ jeleń hor calakʼ reakʼ daṛe do bạnukʼtama.”

1 Rapajko 17:6

Ar bhonḍa kạhũ do setakʼ ar ạyupʼ jokhecʼ piṭhạ ar jele idiaekan tahẽkana ar uni do ona soḍokʼ reakʼ dakʼe ńũiyetʼ tahẽkana.