1 Rapajko 19:5 - সান্তালী বাইবেল

⁵ Inạ tayom uni do ona jhạuạ latarre giticʼenteye jạpitʼkeda. Ona jokhecʼ mitʼṭen serma goḍet do uni joṭetʼkedeteye metadea, “Ma beretʼme, ar jomme.”

1 Rapajko 19:5 Referans Kwoze

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Aposkạmi 12:7

Unre Probhu Isorren mitʼṭen goḍet do ackage hecʼkate onḍeye teṅgoyena. Onate hajot oṛakʼ reakʼ ona kandhare marsal bamberena. Serma goḍet do Patras kokhare ceṭakʼkedeteye ebhenkedea are metadea, “Usạra beretʼ hodokʼme.” Ar inạtege Patrasakʼ banar ti khon sikṛi do ńurgotʼena.

Daniel 9:21

Iń do unreń koejoṅkan tahẽkana ar unre lahateakʼ dorsonre okoeyiń ńellede uni Gabriel goḍet do ạyupʼ reakʼ samaṅokʼ jokhecʼ iń ṭhen usạrateye uḍạu hecʼena.

Daniel 8:19

Uni doe menkeda, “Edre okte reakʼ mucạtʼ dinkore oka hoyokʼ ona do amiń lạiyam kana, ente dorson do hoyokʼkana mucạtʼ dinko reakʼ niṭ akatʼ okte reaṅ.

Sereńko 34:10

Juạn dhạcri kulkoakʼ do jomakʼ reakʼ ṭonṭa hoyokʼkana, onko do reṅgecʼteko kosṭokʼkana; menkhan okoe Probhu Isorakʼ sana lekako calakʼ onko do bhageakʼte bako ṭonṭakʼa.

Sereńko 34:7

Okoe do Probhu Isorko botorae kan Probhu Isorren goḍet do onko beṛhaeteye ḍerakʼkana ar onkoe rukhiyạyetʼkoa.

1 Rapajko 19:4

Menkhan acʼ do hahaṅkar talate mitʼ din reakʼ horteye laha idiyena. Ar onḍe mitʼṭecʼ rothem jhạuạ latarre duṛupʼkate gujukʼ lạgitʼe koekeda. Uni doe menkeda, “E Probhu Isor, ḍherge hoyakana. Nitokʼ do ińakʼ jiwi baṛe hataotińme; ente ińren hapṛamko khon mońj do bạnuńa.”

1 Rapajko 19:6

Uni doe beṅgetʼketʼ khan acʼakʼ bohokʼ secʼre dhipạu akan dhirire rapakʼ akatʼ mitʼṭecʼ piṭhạ ar cukạkʼre dakʼe ńel ńamkeda. Ar ona jom baṛakate uni do arhõe giticʼ ruạṛena.

Sakariạ 4:1

Ona tayom okoeṭakʼ serma goḍet do iń sãoteye galmarao kan tahẽkan uniye ruạṛ hecʼena ar jạpitʼ khon ebhenkediń lekae ebhenkedińa.