1 Rapajko 19:4 - সান্তালী বাইবেল

⁴ Menkhan acʼ do hahaṅkar talate mitʼ din reakʼ horteye laha idiyena. Ar onḍe mitʼṭecʼ rothem jhạuạ latarre duṛupʼkate gujukʼ lạgitʼe koekeda. Uni doe menkeda, “E Probhu Isor, ḍherge hoyakana. Nitokʼ do ińakʼ jiwi baṛe hataotińme; ente ińren hapṛamko khon mońj do bạnuńa.”

1 Rapajko 19:4 Referans Kwoze

Jona 4:3

Ńitokʼ do E Probhu Isor, ińakʼ jiwi baṛe hataotińme, ente ińakʼ jiwetʼ tahen khon gujukʼge bhagetińạ.”

Numeri 11:15

Iń cetanrem nonkae khan nonḍe ńitge baṛe gojeńme. Ar amakʼ dayań ńamakatʼ khan ińakʼ mẽtʼte nonkan bạṛicʼ dosa do alom ńel ocoyińạ.”

Jona 4:8

Ar siń candoe rakapʼen khan Isor do purub reakʼ lolo hoeye rakapʼ ocokeda; onate setoṅ do Jonawakʼ bohokʼre paṛaoena, uni doe jhãeyena. Unre uni do gujukʼ lạgitʼe koeketʼteye menkeda, “Jiwetʼ tahen khon gujukʼge bhage tahẽkana.”

Romiko lạgitʼ Pạul Apostolakʼ ciṭhi 3:9

Enḍekhan ńitokʼ cetʼbon menkea? Jihudi lekate cetʼ boṅgan hoṛ jạtrenko khon aleakʼ dosa do cetʼ sorosgea? Baṅa. Ente laharege coṅle menakatʼ Jihudiko ar boṅgan hoṛ jạtren sanamkoge kại gobolren kanako.

Johan 4:6

Ona jaegare Jakobakʼ mitʼṭecʼ kũń tahẽkana. Jisu do dãṛã dãṛãteye laṅgayen khan ona kũń aṛereye duṛupʼena. Unre ber do tikin amdaj tahẽkana.

Nạhum 3:8

E Niniwi, am do cetʼ Na-aman khon hõm bhagegea? Uni do nil gaḍa aṛereye tahẽkana ar uni beṛhaete do dakʼ tahẽkana. Gaḍa do uniyakʼ rurukhiyạ bhitge tahẽkana.

Amos 6:2

Ape do Kalnete senkate ńelpe; ar onḍe khon maraṅ Hamatte calakʼpe, ar ona tayom do Philisṭikoakʼ Gat nagrahate calakʼpe. Ona rajosṭiko khon apeakʼ noakin rajosṭi do cetʼ bhagegea? Se onkoakʼ simạ khon apeakʼ simạ do cetʼ maraṅgea?

2 Rapajko 2:11

Unkin do galmarao tulucʼ kin calakʼkan tahẽkanre ackage mitʼṭen seṅgel reakʼ rãt gạḍi ar seṅgelren sadomko hecʼkate unkinko begarketʼ kinạ ar Eliạ do mitʼṭecʼ hoe bharḍo talate sermateye rakapʼ ocoyena.

1 Rapajko 19:3

Noa iạte Eliạ do botor caṛhaoadete jiwi bańcaotae lạgitʼe dạṛkeda. Uni do Jihudạ ṭoṭha reakʼ Ber-sebate seṭerkate acʼren guti do onḍegeye bạgi oṭowadea,

1 Rapajko 13:14

Ar ona tayom do Isorren hoṛ sendraye lạgitʼe oḍok calaoena. Uni do mitʼṭecʼ ela dare buṭạre uni hoṛ duṛupʼ akane ńelkede khane kulikedea, “Amge cetʼ Isorren uni hoṛ do, one Jihudạ disạm khonem hecʼakan?” Uni doe roṛ ruạṛkeda, “Hẽ, iń doń uni kangea.”

Mathae 6:26

“Coṭren cẽṛẽko beṅgetʼakope; itạ hõ bako era ar ir hõ bako ira, ar golare hõ bako doho jarwaea, enrehõ aperen sermaren Baba doe jom ocoyetʼkoa. Ape do cetʼ onko khon bạ̃ṛti bape damangea?

1 Rapajko 19:5

Inạ tayom uni do ona jhạuạ latarre giticʼenteye jạpitʼkeda. Ona jokhecʼ mitʼṭen serma goḍet do uni joṭetʼkedeteye metadea, “Ma beretʼme, ar jomme.”

Jobakʼ 6:9

iń doe talga tạuạgińma ar ti tiạrkateye gocʼ hodeńma!

Jirimiạ 20:9

Ińiń menkhan, “Uniyakʼ katha do bạń lạiya se uniyakʼ ńutumte ar cetʼge bạń roṛa,” enḍekhan uniyakʼ katha do ińakʼ ontorre lokʼkan bursi seṅgel leka jaṅ bhitri hạbicʼ bond akange tahẽnkana. Iń do bhitrire doho dohoteń laṅga cabakʼkana; sạrige ona do ar bạń doho daṛeakʼkana.

Jobakʼ 6:8

“Ah! ińakʼ nehõr jemon rukhiyạkʼ tiń, Isor do ińakʼ as jemone purạukạtiń,