1 Rapajko 19:21 - সান্তালী বাইবেল

²¹ Onate Elisa do uni bạgikateye ruạṛ calaoena. Uni do acʼren ḍaṅgrae gurketʼ kinạ ar nahel kaṭte jele isinketʼte hoṛkoe ematʼkoa ar onko do onako jomkeda. Ar ona tayom do Eliạ sãote calakʼ lạgitʼe oḍok hecʼena ar uniren sapʼ dapʼicʼe hoyena.

1 Rapajko 19:21 Referans Kwoze

2 Samuel 24:22

Arowna do Dạude metadea, “Ińren mạlik maharaj oka bhagem hudisetʼ onage ińakʼ nonḍe khon samaṅme. Jeredokʼ samaṅokʼakʼ lạgitʼ ḍaṅgra do nonḍege menakʼkoa ar sahan lạgitʼ hõ enokʼ paṭako ar ḍaṅgrakoakʼ arãṛ menakʼa.

Exodus 24:13

Noa katha ańjomkate Mose do acʼren gokʼṛoyicʼ Josuại soṅgekedea are mohnḍayena. Ar ona tayom uni do Isorakʼ buruteye rakapʼena.

Philimon 1:13

Ińakʼ kạmi lạgitʼge iń ṭhen dohokayiń menetʼ tahẽkana, jemon bhage sombat porcar khạtirte ińakʼ noa bondi dosare uni do am huyạte ińe sapʼsor daṛeạńa.

2Timothi 4:11

Eken Luk eskarge iń soṅgere menaea. Am do Mark soṅgekate ạgu darayem, ente ińakʼ kạmi lạgitʼ uniyakʼ do ạḍi jạruṛ menakʼa.

Aposkạmi 13:5

Salamisre seṭerkate unkin do Jihudikoakʼ sunạgogkore Isorakʼ kathakin porcarkeda. Unre goṛoyicʼ lekate Johan hõ unkin sãoteye tahẽkana.

2 Rapajko 3:11

Jehosaphate menkeda, “Nonḍe do cetʼ Probhu Isorren jãhãe nạbi bạnukʼkoa one uni hotete Probhu Isor bon kuli daṛeke?” Israel rajren mitʼṭen gutiye menkeda, “Nonḍe do Saphatren hopon Elisae menaea. Uni do Eliạren sapʼ dapʼicʼe tahẽkana.”

2 Rapajko 2:3

Bethelren cela-nạbiko do Elisae ṭhen senkateko menkeda, “Am do cetʼ bam baḍaea, Probhu Isor do teheń amren mạlik am ṭhen khone idiyea mente?” Elisaye roṛ ruạṛkeda, “Hẽ, baḍaegeạń. Ape do niạ babotre ar jãhãnakʼ cetʼge alope roṛa.”

1 Rapajko 18:43

Ona tayom acʼren gutiye metadea, “Am do senkate doreão secʼ beṅged me.” Uni do senente ńelkateye menkeda, “Onḍe do cetʼge baṅ ńelokʼkana.” Nonkage Eliạ do eae dhao senkate ńeńele metadea.

1 Samuel 6:14

Bet-semesre hecʼkate sagaṛ do Josuạwakʼ khet talare mitʼṭecʼ maraṅ okocʼ dhiri aṛere teṅgoyena. Ar Israelko do ona sagaṛ reakʼ kaṭte unkin gại do Probhu Isor ńutumte jeredokʼ samaṅokʼakʼko samaṅkeda.