1 Rapajko 19:13 - সান্তালী বাইবেল

¹³ Ar Eliạ do ona ańjomkate acʼakʼ oyonakʼte mẽtʼãhãe betʼketʼtaea ar bahrete senkate dander reakʼ moca ṭhene teṅgoyena. Ona tayom uni do niạ kathae ańjomkeda, “E Eliạ, nonḍe do cetʼem ceka kana?”

1 Rapajko 19:13 Referans Kwoze

1 Rapajko 19:9

Ar onḍe mitʼṭecʼ danderreye giticʼ aṅgayena. Onḍe Probhu Isor do Eliạ ṭhen seṭerenteye kulikedea, “E Eliạ, nonḍe do cetʼem ceka kana?”

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Jesaea 6:2

Uni cetanre do Seraphimko teṅgo akan tahẽkana; onko mimitʼko do turui goṭecʼkate phạ̃krạ̃kʼ tahẽkantakoa- onko do barea phạ̃kṛạ̃kʼte mẽtʼãha ar barea phạ̃kṛạ̃kʼte do jaṅga dapal akan tahẽkantakoa ar barea phạ̃kṛạ̃kʼte doko uḍạukʼkan tahẽkana.

1 Rapajko 18:42

Onate Ahab do jom ńũi lạgitʼe senena, menkhan Eliạ do Karmel buruteye rakapʼena. Uni doe ikhṛumente banar gunṭhikinre mẽtʼãhãe dohoketʼtaea.

Exodus 33:23

Ona tayom ińakʼ tiyiń ocokʼle khan am do ińakʼ tayom secʼem ńela, menkhan ińakʼ mẽtʼãhã do baṅ ńelokʼa. ”

Genesis 16:8

Serma goḍete menkeda, “Sạriren kạ̃ṛmĩ Hagar, oka khonem hecʼakana ar okatem calakʼkana?” Hagare roṛ ruạṛkeda, “Iń do ińren kisạ̃ṛren bạhu ṭhen khoniń dạṛjoṅkana.”

Ibriko 11:37

Dhiriteko tiń ocoyena, ạriteko getʼ paṛakʼ ocoyena ar tarwaṛeteko gocʼ ocoyena. Onko doko santao ocolena ar bạṛicʼko beohar ocolena, ar akoṭreko paṛaoen khan bhiḍi ar meromakʼ harta horokʼkateko ạcur baṛaekan tahẽkana.

2 Rapajko 2:8

Eliạ do acʼakʼ hoṛmo reakʼ oyonakʼe lạṭumkeda ar onate jordan gaḍa dakʼe dalkeda. Onate dakʼ do bar hạṭińena ar unkin do rukhạṛge kin paromena.

Jona 4:5

Unre Jona do nagraha bahrete senkate purub secʼre mitʼṭecʼ ṭhạ̃ire cạli benaokate ona reakʼ umulreye duṛupʼena. Ar nagraha reakʼ cetʼ dosa hoyokʼa mente ona ńel lạgitʼ koyokʼ horreye tahẽyena.