1 Rapajko 19:12 - সান্তালী বাইবেল

¹² Dhạrti laṛao tayom do seṅgel ńelena, menkhan ona seṅgel talare hõ Probhu Isor do bae tahẽkana. Ona seṅgel tayom do khae khoe leka sabad ańjomena.

1 Rapajko 19:12 Referans Kwoze

Jobakʼ 4:16

Uni jiu doe teṅgo hapeyena, menkhan cetʼ lekan boron kana ona do bạń bujhạu daṛeada. Ińakʼ mẽtʼãha samaṅre mitʼṭecʼ cetʼ coṅ teṅgoyena, ar ạḍi bại bạite noa aṛaṅiń ańjomkeda,

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Dosar Biboron 4:33

se ape leka eṭakʼ jạtren hoṛko seṅgel tala khon Isorakʼ roṛ ańjomkate jiwetʼ menakʼkoa se baṅa.

Jobakʼ 33:7

Ińakʼ toras do bae toras ocomea, ar ińakʼ ota do bae hamal ocomea.

Exodus 34:6

Uni do Mose samaṅteye sen paromena ar noae lại jạhirkeda, “Probhu, Probhu, uni do daya ar mãyãte perecʼicʼ Isor kanae. Uni do usạrate bae edre hodokʼa. Menkhan daya ar sạriyakʼteye kisạ̃ṛgea.

Exodus 3:2

Onḍe Probhu Isorren mitʼṭen goḍet do jạnum jhạuạre jolokʼkan seṅgelre uni ṭhene ńel ocoyena. Mose doe ńelkeda, ona jạnum jhạuạre seṅgel do jolokʼkangea menkhan baṅ lokʼkana.

Genesis 15:17

Siń cando hạsurkate tinre ńutena unre dhũạte perecʼ mitʼṭecʼ jolokʼkan diuhe ar mitʼṭecʼ mosal do jolokʼ ńelena. Ar sajao akatʼ janwarkoakʼ paṛakʼ talate parom calaoena.

Ibriko 12:29

Ente aboren Isor do ḍahao maraoakʼ seṅgel lekanae.

Aposkạmi 2:2

Unre ackage serma khon tạpis hoe reakʼ hud hud saḍe leka mitʼṭecʼ saḍe hecʼena ar onko okareko tahẽkan ona oṛakʼ do saḍete perecʼena.

2 Rapajko 2:11

Unkin do galmarao tulucʼ kin calakʼkan tahẽkanre ackage mitʼṭen seṅgel reakʼ rãt gạḍi ar seṅgelren sadomko hecʼkate unkinko begarketʼ kinạ ar Eliạ do mitʼṭecʼ hoe bharḍo talate sermateye rakapʼ ocoyena.

2 Rapajko 1:10

Eliạ do roṛ ruạṛketʼte subedare metadea, “Isorren hoṛ kan khaniń enḍekhan serma khon seṅgel ńurokʼte am ar amren mõṛẽgel lạṛhại phạdko jemone ḍahao maraoko.” Unre serma khon seṅgel ńurente uni subedar ar uniren mõṛẽgel lạṛhại phạdkoe ḍahao maraoketʼkoa.

1 Rapajko 18:38

Unre coṭ khon Probhu Isorakʼ seṅgel do pheḍ hecʼente samaṅakʼ jelko, sahanko, dhiriko ar hasakoe jomkeda ar nala reakʼ dakʼ hõe jal ańjetʼkeda.

Dosar Biboron 4:15

“Horeb burure oka hilokʼ Probhu Isor do seṅgel tala khon ape ṭhene roṛletʼ enhilokʼ ape do uniyakʼ mẽtʼãhã bape ńelńamletʼtaea. Ona iạte ape do ape cetanre nońjorpe dohoya,