1 Rapajko 18:7 - সান্তালী বাইবেল

⁷ Obediạ do horteye calakʼkan tahẽkanre Eliạ sãoteye ńapamena. Obediạ do uniye ńel oromkede khan otre ombakʼkate joharadeteye menkeda, “E ińren mạlik Eliạ, sạrigem am kangea?”

1 Rapajko 18:7 Referans Kwoze

Mathae 11:8

Se, cetʼ ńeńelpe oḍok calaolena? Mońj kicricʼe horokʼ akatʼ mitʼṭen hoṛ ńeńel? Sạrige okoe mońj kicricʼko horokʼetʼkan onko do rajakʼ oṛakʼreko tahenkana.

Mathae 3:4

Johan do ũṭ upʼ reakʼ aṅgrop ar ḍanḍare harta reakʼ paṭheakʼ tahẽkantaea. Uni do pohoko ar bir dumur rasae jometʼkan tahẽkana.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

1 Rapajko 11:29

Mitʼdin Jerobiam do Jerusalem bahreteye oḍok senena. Ar Siloren Ạhiạ nạbi sãote horreye ńapamena. Unre Ạhiạwakʼ hoṛmore mitʼṭecʼ nãwã cador tahẽkana. Ar horre unkin chaḍa ar celege bako tahẽkana.

2 Samuel 19:18

Rajakʼ gharońjren sanamko ạguko lạgitʼ ar rajakʼ sanaleka kạmi lạgitʼ onko do taṛamte paromokʼ jaega ṭhen gaḍako paromena. Ar raj do tinre jordan gaḍae paromokʼa ṭhik unrege Gera hopon Simai do hecʼkate raj samaṅre ombakʼenteye menkeda,

1 Samuel 20:41

Uni koṛae calaoen khan Dạud do ona ḍạṅ akatʼ dhiri reakʼ dạkhin secʼ khone rakapʼ hecʼena. Uni do Jonathan samaṅre otreye ombakʼente pe dhaoe ḍobokʼadea. Ona tayom unkin dokin cokʼana ar rarakʼkin ehopʼena, tobe Dạud do ḍhergeye rakʼkeda.

Numeri 12:11

Ona ńelte uni do Moseye metadea, “E ạlińren kisạ̃ṛ, bebuj iạte okaliń kại akatʼ ona do alom sabtạlińa.

Genesis 50:18

Inạ tayom uniren dadattetʼtako do uni samaṅre hecʼkate unire giḍiyenteko menkeda, “Ale do amren golam kanale.”

Genesis 44:33

Onate hujur, dayakate uni bodolte ińge golam lekate dohoyińme, ar nui koṛa do boehako sãote ruạṛ calao ocoaeme.

Genesis 44:20

Unre hujurle metade tahẽkana, ‘aleren baba doe jiwetʼgea ar haṛam umerre uniren do mitʼṭen hopon menaetaea. Uniren boeha doe gocʼena, ar mitʼ gogoren hopon lekate ńitokʼ do uni eskarge menaea. Onate uniren baba do ạḍiye dulạṛedea.’

Genesis 44:16

Jihudại menkeda, “Hujur cetʼle mena? Ar cetʼ baṅle roṛ ruạṛam? Ar cekate baṅ bin dusi mentele sạbudokʼ? Amren golamkoakʼ dos ma Isorge coṅe udukʼ akatʼ. Okoe ṭhen ona bạṭi ńamakan uni ar ale sanamkoge Hujurren golamle hoyena.”

Genesis 18:12

Onate Sara do mone monte landaketʼteye menkeda, “Ińren jãwãe doe haṛam akana ar iń hoń joko cabayena; giticʼmidokʼ reakʼ rạskạ do cetʼ arhõ ruạṛ hecʼạńạ?”

Genesis 18:2

Ar unreye beṅgetʼ rakapʼketʼ khan, acʼ khon thoṛa sạṅgiń ńokʼre pe hoṛ teṅgo akane ńel ńamketʼkoa. Uni do onko ṭhene ńir senente otre ombakʼkateye joharatʼkoa ar ona tayom doe metatʼkoa, “Ńelpe, jãhãn osubida bạnukʼtape khan dayakate aperen guti khon do alope sahaṛokʼa.

1 Rapajko 18:6

Unkin do ńel ạcur lạgitʼ disạmkin hạṭińkeda. Ahab do mitʼ secʼe senena ar Obediạ do eṭakʼ secʼ.

1 Rapajko 18:8

Uni doe roṛ ruạṛkeda, “Hẽ iń kangeạń. Am do senkate amren kisạ̃ṛ baḍae ocoyem, Eliạ do nonḍe menaea.”