1 Rapajko 18:4 - সান্তালী বাইবেল

⁴ Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

1 Rapajko 18:4 Referans Kwoze

1 Rapajko 18:13

Isebel do tinre Probhu Isorren nạbikoe gocʼ giḍiyetʼko tahẽkana unre ińiń ceka akatʼ reakʼ do cetʼ ińren mạlik bae ańjomakada? Probhu Isorren nạbiko modren mitʼsae hoṛ do mõṛẽgel mõṛẽgelkate barea danderreń oko doholetʼkoa ar onkoakʼ jomakʼ ar dakʼ hõń bebosta akokan tahẽkan.

Ibriko 11:38

Onko do hahaṅkarkore, burukore, danderkore ar khorloṅkoreko ńir oko baṛaekan tahẽkana. Noko hoṛko jaega emako reakʼ lek noa dhạrti reakʼ do baṅ tahẽkana.

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Mathae 25:35

Ente reṅgecʼ iń tahẽkanre jomakʼpe emadiń tahẽkana; tetaṅ ledińa arpe ńũ ocoledińa; upriạń tahẽkana arpe ataṅ sãohãledińa;

Mathae 21:35

Ar onko cacasko do uniren gutikoko sapʼketʼkote mitʼ doko dal urkedea, mitʼ doko gocʼkedea ar mitʼ do dhiriteko tińkedea.

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

1 Rapajko 13:16

Isorren hoṛe menkeda, “Am sãote iń do bạń ruạṛ sen daṛeakʼa ar niạ jaegare jomakʼ se ńuiyakʼ hõ bạń jom-ńũ daṛeakʼa.

1 Rapajko 18:5

Obediại hecʼen khan Ahab do uniye metadea, “Am do disạm reakʼ sanam dakʼ jharna ar soḍokʼko ṭhen calakʼme. Hoedaṛeakʼa sadomko ar khaccorkoakʼ jiwi bańcaotako lạgitʼ thoṛa ghãskom ńam botecʼke. Onate aboren janwarko do gocʼ giḍikako baṅ lagao abona.”

2 Rapajko 6:32

Elisae do unre acʼakʼ oṛakʼreye duṛupʼ akan tahẽkana ar uni sãote murubbikoko tahẽkana. Raj do mitʼṭen hoṛ Elisae ṭhene kolkadea, menkhan uni hoṛ onḍe ạuriye seṭerokʼrege Elisae do murubbikoe metatʼkoa, “Ape do cetʼ uni khuniạhi do bape ńele kana okoe do ińakʼ bohokʼ makʼ ńur tiń lạgitʼ mitʼ hoṛe kolekana? Ńelpe, uni hoṛe hecʼlen khan duạrpe sińa ar alogepe jhicʼaea. Ar uni tayomte do uniren mạlikakʼ sabadge cetʼ baṅ ańjomokʼ kana?”

2 Rapajko 9:7

Am do amren mạlik Ahabakʼ bõsem marao utạrtaea. Isebel do ińren gutiko, metakʼme nạbiko ar Probhu Isorren eṭakʼ eṭakʼ gutikoakʼ oka mãyãme joro ocoakatʼ ona reakʼ iń hala ruạṛaea.

Jesaea 16:3

Onko doko mena, “Solha emalepe; ar lạiyalepe cetʼle cekaea. Ape do tikin reakʼ umul do ńindạ reakʼ ńut leka hoeocoype- ar okoeko dạṛetʼkan onko do okore dohokakope, ar rukhiyạ ńam lạgitʼ asray lạgitʼko khojkan hoṛ do alope soprotkoa.

Jirimiạ 26:24

Menkhan Saphanren hopon Ahikam do Jirimiại goṛowadea, onate Jirimiạ goje lạgitʼ hoṛkoakʼ tire bae soprotledea.

Jirimiạ 36:19

Unre rajkạmiyạko do Barukko metadea, “Do, senkate okokokʼ ben, am hõ ar Jirimiạ hõ. Ar okoe hõ jemon aloko baḍae daṛeakʼ okare menakʼbena mente.”

1 Rapajko 17:11

Maejiu do tinreye calakʼkan tahẽkana unre arhõ hohoadeteye metadea, “Dayakate iń lạgitʼ mitʼ kecakʼ piṭhạ hõ ạgu daraeme.”