1 Rapajko 18:3 - সান্তালী বাইবেল

³ Ahab do Obediạye hoho ạgukedea. Nui Obediạ cetanrege raj dolan ńel todarot reakʼ bhar do tahẽkana. Probhu Isor cetanre Obediạ do ạḍi pạtiạu tahẽkantaea.

1 Rapajko 18:3 Referans Kwoze

Nehemiạ 7:2

Ińren boeha Hanani ar gaṛren mukhiyạ Hananiạ tekin do Jerusalem reakʼ bhariń ematʼkinạ, ente Hananiạ do dhorom hoṛe tahẽkana ar ḍherko khon pạtiạr ar Isor botorae hoṛe tahẽkana.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

1 Rapajko 16:9

Simri ńutuman uniren mitʼṭen senaputi do uni upạrteye soṛojontroyetʼ tahẽkana. Elawakʼ tinạkʼ rãt gạḍiko tahẽkan onako reakʼ adha do Simri cetanre bhar tahẽkana. Ela do un jokhecʼ Arsawakʼ oṛakʼre bulokʼ lạgitʼ bubulakʼe ńuńukan tahẽkana. Arsa cetanre do Tirsa reakʼ raj dolanko ńel todarot reakʼ bhar tahẽkana.

Aposkạmi 10:35

Ar mimitʼ jạtrenko mod khon okoe do uniko botoraekan ar uniyakʼ mẽtʼãhã samaṅre dhoromko kạmikan uni do onkoe ataṅkoa.

Aposkạmi 10:2

Uni do Jihudi hoṛe baṅkanre hõ Isor bhokti hoṛe tahẽkana ar acʼ gharońjren sanamkoge Isorko sewawae kan tahẽkana. Uni do reṅgecʼ orecʼko ṭaka-poesakoe dan akokan tahẽkana ar Isor ṭhen jaogeye koejoṅkan tahẽkana.

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Kạhtukko 14:26

Dhorom hoṛ do keṭecʼ bhorsa menakʼtaea ar uniren gidrạko lạgitʼ do aotan gaṛ menakʼa.

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

2 Rapajko 4:1

Ar cela-nạbiko modren mitʼṭen maejiu do ãṭ aṛaṅte Elisaeye metadea, “Amren guti ińren jãwãeye gocʼakan ona dom baḍaegea, uni do Probhu Isor botorae hoṛe tahẽkana. Menkhan ńitokʼ iń jãwãeren mitʼṭen paonadar do ińren hoponkin acʼren golame hoyocokine mente unkin idikin lạgitʼe hecʼakana.”

1 Rapajko 18:12

Ińiń bạgiyam khange Probhu Isorren Jiu do eṭakʼ jãhã secʼe idimea ar iń do bạń baḍae daṛeakʼa. Ar senkate Ahab iń lạiyae ar bae ńamme enḍekhan uni doe gocʼ giḍikạńạ. Menkhan huḍiń khonge amren guti do Probhu Isoriń botorae kana.

Genesis 42:18

Tesar hilokʼ Joseph do onkoe metatʼkoa, “Iń okań metatʼpe ona onkaepe, ente iń do Isoriń botoraea.

Genesis 41:40

Onate amge raj oṛakʼ reakʼ sanamakʼ bhar do hataome. Ar ińren sanam porja do amakʼ hukum lekageko senokʼa. Iń do eken raj lekate am cetanreń tahena.”

Genesis 39:9

Noa oṛakʼre iń cetante ar celege bạnukʼkoa. Ar am do uniren bạhu kanam, onate eken am chaḍa ar sanamkoge iń tabereye dohoakatʼkoa. Ar iń do cekate nonkan bạṛicʼ kạmiń kạmite Isor upạrteń kại daṛekea?”

Genesis 24:10

Niạ tayom uni guti do acʼren kisạ̃ṛren ũṭko khon gel goṭen ũṭe hataoketʼkoa. Ar kisạ̃ṛakʼ joto lekan jinis khon thoṛa thoṛa hataokate Aram-Naharaim disạmteye mohnḍayena.

Genesis 24:2

Ar oṛakʼren sanam khon mare okoeṭakʼ guti cetanre uniyakʼ sanamakʼ bhar tahẽkan uni do mitʼ dine metadea, “Ińakʼ bulu latarre amakʼ ti dohoyme.

Genesis 22:12

Goḍete menkeda, “Hoponme teṅgene lạgitʼ ti do alom tul tama se unire cetʼge alom cekaea. Isor botorae hoṛkanem ona do ńitokʼ bujhạuena, ente iń ńutumte amren sadher hopon teṅgene lạgitʼ do bam pạclena.”

1 Rapajko 18:2

Onate Eliạ do Ahab sãote ńapamokʼ lạgitʼe senena. Unre Samariạre do maraṅ akal hoyokʼkan tahẽkana.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Sereńko 112:1

Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Mathae 25:17

Ar okoe bar hajar ṭakae ńamletʼ uni hõ onkakate arhõ bar hajar ṭakae labkeda.