1 Rapajko 18:18 - সান্তালী বাইবেল

¹⁸ Eliại menkeda, “Iń do jạnum doń baṅkana, menkhan am ar ạpum bõsren hoṛge Israelren jạnum kanape. Ape do Probhu Isorakʼ hukum bạgikate Bakʼal debotape sewawae kana.

1 Rapajko 18:18 Referans Kwoze

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

1 Rapajko 9:9

Unre hoṛkoko roṛ ruạṛa, ‘noa reakʼ karon do hoyokʼkana, okoe do Misor disạm khone oḍok ạguletʼko onko hapṛamkoren Probhu Isor do onkoe bạgi giḍi akatʼkoa. Onko do debota secʼko ghańjeṛ akana ar onkoko sewawako kana. Ar onatege Probhu Isor do onko cetanre noa bạṛicʼakʼe paṛao ocoakada.’ ”

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

1 Rapajko 16:31

Nabatren hopon Jerobiam okakoe kạiletʼ onako do thoṛawakʼgeye metakʼkan tahẽkana. Eken ona do baṅa, uni do Sidonkoren raj Et-bakʼalren hoponera Esebele baplakedea ar Bakʼ-al debota sewawaye ehopʼena.

1 Rapajko 21:25

Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.

Aposkạmi 24:20

Se okoeko nonḍe menakʼko onkogeko men ocoge, maraṅ bạisi samaṅre tinreń teṅgo akan tahẽkana unre cetʼ dosko ńamletʼtińạ mente.

Aposkạmi 24:13

Ar okaṭakʼ reakʼko dusi edeńkan ona reakʼ porman hõ onko do bako udukʼ daṛeama.

Mathae 14:4

Ente Johan doe metade tahẽkana, “Herodiạ bạhu mentem dohoye do baṅ ganokʼtama.”

Jeheskel 3:8

Menkhan am do onko leka kạṭhuạ ar keṭecʼ monan hoṛiń hoyocomea.

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

Kạhtukko 13:21

Bạṛicʼakʼ do kạiyanko tayomteye ńir hijukʼa, menkhan bhạlại do Isor botoraekoakʼ kuṛại kana.

Kạhtukko 11:19

Dhoromre ṭarhaoicʼ do jiwetʼe tahena, menkhan okoe do bạṛicʼakʼe khudạuetʼkan uni do gujukʼe ạguiyeda.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

1 Samuel 14:29

“Unre Jonathane menkeda, “Iń baba do hoṛkoe kosṭo ocoyetʼkoa. Ńelpe, niạ rasa thoṛagan mocareń idiketʼ sãote hoṛmore daṛe do ruạṛ hecʼadińạ.

1 Rapajko 21:26

Israelko samaṅ khon Probhu Isor do okoe Amorikoe laga ńirletʼko onko leka boṅga murhutʼkoe pujạwakote bạṛicʼakʼe kạmiyetʼ tahẽkana.

Kạhtukko 28:4

Okoe Probhu Isorakʼ ạnko bạgi giḍiyakʼkan onko do bạṛicʼ hoṛko sarhaokoa, menkhan okoe onako manaoetʼkan onko do bạṛicʼko upạrteko teṅgona.

Jirimiạ 23:13

“Samariạren nạbiko talare iń do niạkoń ńel akada, onko do Bakʼal debota ńutumte nạbi lekate katha roṛkate ińren Israel hoṛko bạṛicʼ horteko idiakatʼkoa.

Jirimiạ 38:4

Unre rajkạmiyạko do akoren rajko metadea, “Nui hoṛ do gocʼ ocokʼ lek kanae. Ente niạ nagrahare okoe lạṛhại phạdko ar hoṛko sarecʼ menakʼko uni do noako katha menteye as chuṭạu ocoyetʼkoa. Uni do noko hoṛkoakʼ bhạlại do bae khojkana.”

1 Rapajko 16:32

Uni do Samariạre Bakʼal debota lạgitʼ oka mundile benaoletʼ onḍe uni lạgitʼ mitʼṭecʼ pinḍe benaokeda.

2 Bõsbudạ 28:19

Ahas raj iạte Probhu Isor do Jihudại copotʼ ocokeda, ente Ahas do Jihudạre bạṛicʼakʼoe ḍher ocokeda ar Probhu Isor sãote hõ bepạtiạranicʼe tahẽkana.

Kạhtukko 5:22

Bedhorom hoṛ do bạṛicʼ kạmi reakʼ jhạlireko paṛaokʼa, uni do apnarakʼ kại babertegeye tol ḍhumbạgokʼa.