1 Rapajko 18:13 - সান্তালী বাইবেল

¹³ Isebel do tinre Probhu Isorren nạbikoe gocʼ giḍiyetʼko tahẽkana unre ińiń ceka akatʼ reakʼ do cetʼ ińren mạlik bae ańjomakada? Probhu Isorren nạbiko modren mitʼsae hoṛ do mõṛẽgel mõṛẽgelkate barea danderreń oko doholetʼkoa ar onkoakʼ jomakʼ ar dakʼ hõń bebosta akokan tahẽkan.

1 Rapajko 18:13 Referans Kwoze

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

Mathae 25:35

Ente reṅgecʼ iń tahẽkanre jomakʼpe emadiń tahẽkana; tetaṅ ledińa arpe ńũ ocoledińa; upriạń tahẽkana arpe ataṅ sãohãledińa;

Aposkạmi 20:34

Ape dope baḍaegea, noa banar ti do ińakʼ ar ińren sãotenkoakʼ sanam jạruṛokʼakʼe meṭao akada.

Ibriko 11:38

Onko do hahaṅkarkore, burukore, danderkore ar khorloṅkoreko ńir oko baṛaekan tahẽkana. Noko hoṛko jaega emako reakʼ lek noa dhạrti reakʼ do baṅ tahẽkana.

1 Rapajko 18:14

Am do ńitokʼ ińren kisạ̃ṛ ṭhen senkate memenem mitạń kana, Eliạ nonḍe menaea mente. Uni doe gocʼ giḍikạńạ.”

2 Rapajko 6:32

Elisae do unre acʼakʼ oṛakʼreye duṛupʼ akan tahẽkana ar uni sãote murubbikoko tahẽkana. Raj do mitʼṭen hoṛ Elisae ṭhene kolkadea, menkhan uni hoṛ onḍe ạuriye seṭerokʼrege Elisae do murubbikoe metatʼkoa, “Ape do cetʼ uni khuniạhi do bape ńele kana okoe do ińakʼ bohokʼ makʼ ńur tiń lạgitʼ mitʼ hoṛe kolekana? Ńelpe, uni hoṛe hecʼlen khan duạrpe sińa ar alogepe jhicʼaea. Ar uni tayomte do uniren mạlikakʼ sabadge cetʼ baṅ ańjomokʼ kana?”

Kạhtukko 28:12

Dhorom hoṛko ektiạriko ńamle khan sanam hoṛakʼ bhạlại hoyokʼa, menkhan bạṛicʼ hoṛkoakʼ tire ektiạri calaolen khan hoṛko bako ńamokʼa.