1 Rapajko 18:12 - সান্তালী বাইবেল

¹² Ińiń bạgiyam khange Probhu Isorren Jiu do eṭakʼ jãhã secʼe idimea ar iń do bạń baḍae daṛeakʼa. Ar senkate Ahab iń lạiyae ar bae ńamme enḍekhan uni doe gocʼ giḍikạńạ. Menkhan huḍiń khonge amren guti do Probhu Isoriń botorae kana.

1 Rapajko 18:12 Referans Kwoze

Aposkạmi 8:39

Ado dakʼ khonkin rakapʼen khan Probhu Isorren Jiu do ackage Philipe idikedea. Ar uni cạkrạ hoṛ do ghuriạ Philip bae ńel ńamledea. Unre uni do rạskạte oṛakʼe calaoena.

2 Rapajko 2:16

“Ale do amren mõṛẽgel daṛean gutiko nonḍe menakʼlea; ale do senkate amren mạlik le sendra ạguiyea. Hoedaṛeakʼa Probhu Isorren Jiu do uni rakapʼ idikate jãhãn buru se jãhãn soḍokʼreye doho oṭoakadea.” Elisae doe menkeda, “Baṅ, alope calakʼa.”

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Jeheskel 37:1

Probhu Isorakʼ ti do iń cetanre tahẽkana ar uni do acʼren Jiu hoteteye idikedeńte mitʼṭecʼ buru-nala reakʼ otetreye dohokedińa; ona ṭhạ̃i do jaṅkote perecʼge tahẽkana.

Jeheskel 11:24

Ona tayom Isorren Jiu do ińe tul rakapʼ kedińa ar uni emakʼ dorson talate arhõ Babelre bondi akanko ṭhene seṭerkedińa. Ar okaṭakʼ dorson iń ńelletʼ ona tayom ona do cabayena.

2 Rapajko 2:11

Unkin do galmarao tulucʼ kin calakʼkan tahẽkanre ackage mitʼṭen seṅgel reakʼ rãt gạḍi ar seṅgelren sadomko hecʼkate unkinko begarketʼ kinạ ar Eliạ do mitʼṭecʼ hoe bharḍo talate sermateye rakapʼ ocoyena.

Aposkạmi 12:19

Herod do ạḍi mońjteye sendrakedea, menkhan bae ńamledete pahradarkoe kuliketʼkoa ar tayomte pahradarko gocʼko reaṅe hukumkeda. Ona tayom Herod do Jihudạ khon Kạisạriạteye calaoena ar onḍe thoṛa dine tahẽyena.

Luk 1:15

Ente Probhu Isorakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhireye tahen khonge sonot Jiuteye perejokʼa.

Mathae 4:1

Inạ tayom Jisu do Jiu hotete hahaṅkar jaegateye idi ocoyena Soetan ṭhen biḍạu ocokʼ lạgitʼ.

Sosolhayic̕ 7:18

Niạ banar sopolhage sapʼ dohoyme, okaṭakʼ hõ alom aṛakʼ giḍikakʼa; okoe hoṛ Isore botorae uni do jãhãnakʼge ạḍi do bae bạ̃ṛtiya.

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

2 Bõsbudạ 34:3

Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.

1 Samuel 2:26

Ar huḍiń koṛa Samuel do sẽṛã idikʼtegeye tahẽyena ar Probhu Isor hõ manwako ṭhen khon dulạṛ ńame ehopʼena.

1 Samuel 2:18

Menkhan huḍiń gidrạ Samuel do mĩhĩ musnạ sutạm reakʼ ephod horokʼkate Probhu Isore sapʼsorae kan tahẽkana.

2Timothi 3:15

Huḍiń tahen khonge am do sonot sostor khonem cetʼakawana. Ar noa sonot sostorge am do Jisu Mạsire biswạs iạte kại khon bańcao ńam reakʼ bude danama.

Mathae 2:16

Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

1 Rapajko 18:11

Ar ńitokʼ am do ińren mạlik ṭhen senkate memenem mitạń kana, Eliạ do nonḍe menaea mente.

1 Samuel 16:2

Sạmuele menkeda, “Cekate iń doń calakʼa? Sạul niạ kathae ańjom lekhan uni do khạṭigeye gocʼ giḍikạńạ.” Probhu Isore menkeda, “Am do mitʼṭen phẽṭaṛ mĩhũm iditorayea arem mena, Probhu isor ńutumte samaṅokʼ lạgitʼem hecʼakana.

Sereńko 71:5

E Probhu Isor, ińakʼ as do amrege ar juạn okte khon amge ińren bhorsa do.