1 Rapajko 17:23 - সান্তালী বাইবেল

²³ Unre Eliạ do gidrại hoborkedete latar kandhateye pheḍkedea. Ona tayom uniren eṅgattetʼ ṭhene jimạkedeteye metadea, “Nũkʼũe ńeleme, amren hopon do jiwetʼge menaea.”

1 Rapajko 17:23 Referans Kwoze

Aposkạmi 9:41

Unre Patras do ti sapʼkate uniye beretʼkedea. Ar Isorren hoṛko ar rạnḍi maejiukoe hohowatʼkote onkoe udukʼatʼkoa je, Dorkas doe jiwetʼena.

Luk 7:15

Ar inạtege gocʼ akanicʼ do beretʼkateye duṛupʼena ar katha roroṛe ehopʼena. Ar Jisu do eṅgattetʼ ṭhene jimạkadea.

Ibriko 11:35

Maejiuko do akoren gocʼ hoṛko arhõ jiwetʼgeko ńam ruạṛketʼkoa. Eṭakʼko do akotege hajot khon baṅ chaḍaokʼteko santao ocolena, jemon onko do gocʼko khon beretʼkate artetʼ mońj jionko ạidạri joṅ.

1 Rapajko 17:22

Probhu Isor do Eliạwakʼ kathae ańjomkeda ar ar uniren hopon do jiwiye ńam ruạṛkeda are jiwetʼ ruạṛena.

1 Rapajko 17:24

Uni maejiu do unre Eliại metadea, “Iń do ńitokʼ iń bujhạu daṛeakʼ kana am dom Isorren hoṛ kana, ar Probhu Isor am hotete okae men ona do sạrigea.”

Johan 4:51

Ado uni raj kạmiyạ hoṛ do tinre oṛakʼe ruạṛ senokʼkan tahẽkana unre horrege uniren gutiko do hecʼkateko metadea, “Amren hoponme doe bogeyena,”