1 Rapajko 17:18 - সান্তালী বাইবেল

¹⁸ Maejiu do unre Eliại metadea, “E Isorren hoṛ, iń do cetʼ iń khuti akatʼtama? Am do cetʼ ińakʼ kại reakʼ katham disạ ocoyińte ińren hopon goje lạgitʼem hecʼakana?”

1 Rapajko 17:18 Referans Kwoze

Luk 5:8

Noa ńelte Simon Patras do Jisu samaṅre ombakʼenteye menkeda, “E Probhu, iń doń kại hoṛ kana; iń ṭhen khon calao joṅme baṛe.”

Luk 4:34

“E Nasaretren Jisu, ale tulucʼ amakʼ do cetʼ? Ale maraole lạgitʼem hecʼakana? Baḍaegeạń okoe kanam mente; am do Isorren uni sonoticʼ kanam.”

2 Rapajko 3:13

Elisae do Israelren raje metadea, “Am tulucʼ ińakʼ do cetʼ? Am do amren ạpum ar amren eṅgamren nạbiko ṭhen calakʼme.” Israelren raje roṛ ruạṛkeda, “Baṅa, bạń calakʼa, ente Moabakʼ tire jimạle lạgitʼ Isorge ale pepe rapajkoe jarwa mitʼ akatʼlea.”

Johan 2:4

Jisui menkeda, “Henda go noa babotre iń tulucʼ amakʼ do cetʼ? Ińakʼ okte do ńit hõ ạuriyakʼa.”

2 Samuel 16:10

Raje menkeda, “E Seruyaren hoponko, noa reaṅ ape sãote ińakʼ do cetʼ? Probhu Isorge, ‘Dạud sarapaeme’ noa kathae metaekan khan, tobe uni do okoeye kuli daṛekea, ‘cedakʼ nonka dom kạmikana?’ ”

Luk 8:28

Ado Jisui ńelkede khan kikiạuate otre taberente ãṭ aṛaṅteye menkeda, “Maraṅ Isorren Hopon Jisu, iń tulucʼ amakʼ do cetʼ? Dayakate alom sasetińạ.”

Mark 6:16

Noako katha ańjomkate Herode menkeda, “Uni doe Johan kana, one okoeyakʼ bohokʼ iń makʼ ńur ocoletʼtae. Uni do arhõe jiwetʼ ruạṛ akana.”

Jobakʼ 13:26

Iń upạrte do hewer haṛhatʼ katham oletʼkana ar juạn jokhecʼ reakʼ ghạṭkom lekhawạńkana.

Jobakʼ 13:23

Lạiạńme, ińakʼ behokakʼ ar kại do cetʼ kana? Ińakʼ dos ar kại baṛe udukʼạńme.

2 Bõsbudạ 35:21

Menkhan Neko do hoṛ kolketʼkoteye roṛgotʼkada, “E Jihudạren raj, iń sãote amakʼ do cetʼtam? Am akromonme lạgitʼ do bạń hijukʼ kana, menkhan onko hoṛkogeń akromonetʼkoa okoe tulucʼ do lạṛhạiyiń ehopʼ akantiń. Isor do usạrae lạgitʼgeye mitạńkana, onate Isor do iń sãotege menae ar am do alom teṅgo daramińạ, ar baṅ khanem marao utạrokʼa.”

1 Rapajko 18:9

Obediạ doe menkeda, “Cetʼ iń ceka akatʼte, amren guti do gojeń lạgitʼ Ahabakʼ tirem jimạyediń kana?”

1 Rapajko 13:1

Jerobiam do janwar samaṅko lạgitʼ tinre pinḍ aṛereye teṅgo akan tahẽkana unre Probhu Isorakʼ katha leka Isorren mitʼṭen hoṛ do Jihudạ khon Bethelteye seṭerena.

2 Samuel 19:22

Dạude roṛ ruạṛkeda, “E Seruyaren hoponko, niạ reaṅ am tulucʼ ińakʼ do cetʼ? Teheń cedakʼ ape do iń upạrtepe teṅgokʼ kana? Teheń Israelko modren jãhãe hoṛ goje do cetʼ lek kana? Iń do cetʼ noa katha bạń baḍaea, teheń hõ Israelren raj kạnạń mente?”

1 Samuel 16:4

Sạmuel do Probhu Isorakʼ katha lekageye kạmikeda. Ar tinre Bethlehemteye seṭerena unre atoren murubbiko do botorte thar tharaokʼ tulucʼ uni sãote ńapamokʼko oḍok hecʼena. Onko doko kulikedea, “Am do cetʼ suluk montegem hecʼakana?”

Genesis 50:15

Babae gocʼen khan Josephren boehako do ako akoreko mepenena, “Josephre oka bon cekaletʼ ar ona reakʼe hala ruạṛ abon khan unre cetʼ bon cekaea?”

Mathae 8:29

Unkin do nonkan haḍrapkin tahẽkana, ona horte okoe hõ bako parom daṛeakʼkan tahẽkana. Ado kikiạuatekin menkeda, “E Isorren Hopon, ale tulucʼ amakʼ do cetʼ? Okte ạuri hoyokʼrege sasetle lạgitʼem hecʼakana?”

1 Rapajko 12:22

Menkhan Isorren hoṛ Semaya ṭhen Isorakʼ niạ katha do sodorena,

1 Rapajko 17:17

Thoṛa din tayom uni maejiuren hopon doe ruạyena. Ar ruạ kạhilte uni doe gocʼena.

1 Rapajko 17:19

Eliại roṛ ruạṛkeda, “Dini amren hopon iń ṭhen ạguiyem.” Uni do maejiuakʼ hobor khon uni hopontetʼe hataokedete oka oṛakʼre acʼe tahẽkan onḍeye idikedea ar acʼakʼ aṭetʼreye giticʼkedea.

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

Genesis 44:16

Jihudại menkeda, “Hujur cetʼle mena? Ar cetʼ baṅle roṛ ruạṛam? Ar cekate baṅ bin dusi mentele sạbudokʼ? Amren golamkoakʼ dos ma Isorge coṅe udukʼ akatʼ. Okoe ṭhen ona bạṭi ńamakan uni ar ale sanamkoge Hujurren golamle hoyena.”

Bikʼcạrko 13:6

Unre maejiu do jãwãetetʼ ṭhen senkateye menkeda, “Isorren mitʼṭen hoṛ do iń ṭhene hecʼlena. Isorren goḍet lekage uniyakʼ muṭhạn do tahẽkana ạḍitetʼ botorge. Ar oka khone hecʼena ona do bạń kuli ledea ar uni hõ acʼakʼ ńutum do bae lạiyạdińa.

2 Rapajko 1:9

Inạ tayom raj do mitʼṭen subedar ar uniren mõṛẽgel lạṛhại phạdko Eliạ ṭhene kolkatʼkoa. Unre Eliạ do mitʼṭecʼ burureye duṛupʼ akan tahẽkana. Ar uni subedar do Eliạ ṭhen rakapʼ senkateye menkeda, “E Isorren hoṛ, raj do pheḍ hijukʼe metamkana.”