1 Rapajko 17:15 - সান্তালী বাইবেল

¹⁵ Unre senkate uni do Eliạ lạgitʼ okae men ocolen onae tearkeda. Onate Eliạ ar uni maejiu ar uniren hopon do ḍher din hạbicʼko jomkeda.

1 Rapajko 17:15 Referans Kwoze

Ibriko 11:17

Abraham do biḍạu ocokʼ jokhecʼ Isorre pạtiạu iạtege Isahak doe samaṅledea. Okoe ṭhen Isore gokʼ akatʼ tahẽkan unige acʼren sadher hopon dãṛẽye lạgitʼe samaṅedekan tahẽkana.

Mark 12:43

Unre Jisu do acʼren celako hohowatʼkoteye metatʼkoa, “Sạrigeń metapekana, nui reṅgecʼ rạnḍi maejiu do sundukre sanam hoṛko khon ḍhere dan akada.

Mathae 15:28

Unre Jisui menkeda, “E go, sạrige amakʼ pạtiạu do ḍhergea. Amem khojkan leka baṛe hoyokʼma.” Ar unrege uniren hoponera doe bogeyena.

Genesis 6:22

Noha do Isorakʼ hukum leka jotowakʼgeye kạmikeda.

Johan 11:40

Jisu do Marthae metadea, “Am do cetʼ bạń metatʼmea pạtiạulen khanem Isorakʼ ṭhonokem ńela?”

2 Bõsbudạ 20:20

Dosar hilokʼ ạḍi setakʼre onko do Tekoa hahaṅkar secʼko oḍok calaoena. Ar oḍok calakʼ lahare Jehosaphat do teṅgoyenteye metatʼkoa, “E Jihudạ ar Jerusalemren hoṛko, ińakʼ katha ańjompe. Ape do aperen Probhu Isor cetanre bhorsa dohoype, enḍekhanpe ṭarhao tahẽ daṛeakʼa. Uniren nạbiko cetanre pạtiạu dohoype, ar onatepe jo bahakʼa.”

Genesis 22:3

Onate Abraham do ạḍi setakʼre beretʼkate gadhae palanadea. Ar ona tayom acʼren hopon Isahak ar jeredokʼ samaṅokʼakʼ lạgitʼ sahane hataokeda ar acʼren barea gutiye soṅgeketʼkinte Probhu Isor okaṭakʼ ṭhạ̃i reakʼ kathae metade tahẽkan ona secʼe mohnḍayena.

Genesis 12:4

Probhu Isorakʼ katha lekage Abram doe oḍokena ar Lot hõ uni soṅgeteye calaoena. Haran nagraha bạgiyakʼ jokhecʼ Abramakʼ umer do eaegel mõṛẽ bochor tahẽkana.

1 Rapajko 17:14

Israelren Probhu Isor do niạ kathae meneda, dakʼ ạuriye emokʼ hạbicʼ holoṅ reakʼ hanḍha ar sunum reakʼ cukạkʼ hõ baṅ khạlikʼa.”

1 Rapajko 17:16

Eliạ hotete Probhu Isor oka kathae men ocolen onkage holoṅ reakʼ hanḍha ar sunum reakʼ cukakʼ do baṅ khạlilena.

2 Rapajko 4:5

Maejiu do unre uni ṭhen khon senkate hoponkin seletʼ oṛakʼte bolokate duạre sińkeda. Ar hoponkin do bhajan ạgukin ehopʼena ar uni do sunum dudule ehopʼena.