1 Rapajko 17:13 - সান্তালী বাইবেল

¹³ Eliạ do uniye metadea, “Alom botorokʼa. Am okam menketʼ oṛakʼte senkate onage onkaeme. Menkhan amakʼ oka menakʼtam ona khon pạhilte iń lạgitʼ mitʼṭecʼ ḍetʼḍetʼ piṭhạ benaokate nonḍe ạguạńme. Ar ona tayom do am ar amren hopon lạgitʼ benaome.

1 Rapajko 17:13 Referans Kwoze

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Mathae 28:5

Serma goḍet do maejiue metatʼkinạ, “Aloben botorokʼa, ente ińiń baḍaea, aben do kurus ocolen Jisu ben ńam baṛayede kana.

Jesaea 41:13

ente iń kangeạń Probhu, amren Isor do: iń do amakʼ jojom tiyiń sapʼ akatʼtama ariń metamkana, alom botorokʼa; iń do amiń goṛowama.

Kạhtukko 3:9

Am do amakʼ dhon duribko reakʼ ar amakʼ phosolko reakʼ pạhilakʼ hĩsko Probhu Isor samaṅaeme ar manot emaeme;

2 Bõsbudạ 20:17

Niạ lạṛhạire ape do bape lạṛhạiya. E Jihudạ ar Jerusalemren hoṛko, ape do sạr sạrte teṅgokʼpe ar Probhu Isor oka lekae bańcaope ona baṛe ńelpe. Ar alope botorokʼa ar alope as chuṭạukʼa. Gapage onko upạrte oḍok senokʼpe ar Probhu Isor do ape soṅgereye tahena.’ ”

2 Rapajko 6:16

Nạbiye roṛ ruạṛkeda, “Alom botorokʼa. Okoe alaṅ sãote menakʼko onko do hanko khon hõko saṅgegea.”

Exodus 14:13

Mose do onkoe metatʼkoa, “Alope botorokʼa. Okare menakʼpe onḍege tahenpe ar Probhuakʼ bańcao reakʼ kạmi ńelpe. Uni do teheńge ape lạgitʼe onkaea. Okoe misrikope ńeletʼko onko do ar tisge bape ńelkoa.

Ibriko 11:17

Abraham do biḍạu ocokʼ jokhecʼ Isorre pạtiạu iạtege Isahak doe samaṅledea. Okoe ṭhen Isore gokʼ akatʼ tahẽkan unige acʼren sadher hopon dãṛẽye lạgitʼe samaṅedekan tahẽkana.

Mathae 10:37

“Jãhãege, acʼren eṅgat-apat iń khon bạ̃ṛtiye dulạṛkin uni do ińre lek doe baṅkana. Ar jãhãe acʼren gidrạko iń khon bạ̃ṛtiye dulạṛko uni hõ ińre lek doe baṅkana.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

1 Rapajko 17:12

Uni maejiue roṛ ruạṛkeda, “Amren jiwetʼ Probhu Isor ńutumte kiriạkateń meneda, iń ṭhen do mitʼṭecʼ piṭhạ hõ bạnukʼa. Hanḍhare eken mitʼ muṭ holoṅ ar cukạkʼre thoṛa sunum menakʼa. Iń do oṛakʼte idi lạgitʼ thoṛagan sahaniń halaṅeda; onate iń ar ińren hoponiń lạgitʼ thoṛa jomakʼ iń benaoa. Ar ona tayom do jom kateliń gujukʼa.”

1 Rapajko 17:14

Israelren Probhu Isor do niạ kathae meneda, dakʼ ạuriye emokʼ hạbicʼ holoṅ reakʼ hanḍha ar sunum reakʼ cukạkʼ hõ baṅ khạlikʼa.”

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”