1 Rapajko 17:12 - সান্তালী বাইবেল

¹² Uni maejiue roṛ ruạṛkeda, “Amren jiwetʼ Probhu Isor ńutumte kiriạkateń meneda, iń ṭhen do mitʼṭecʼ piṭhạ hõ bạnukʼa. Hanḍhare eken mitʼ muṭ holoṅ ar cukạkʼre thoṛa sunum menakʼa. Iń do oṛakʼte idi lạgitʼ thoṛagan sahaniń halaṅeda; onate iń ar ińren hoponiń lạgitʼ thoṛa jomakʼ iń benaoa. Ar ona tayom do jom kateliń gujukʼa.”

1 Rapajko 17:12 Referans Kwoze

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

Genesis 21:16

Ar ona tayom do mitʼṭecʼ sar tuń sạṅgińre senkateye duṛupʼena. ‘gidrạwakʼ gujukʼ jemon aloń ńel’ mone monte noa menkate onḍeye duṛupʼena ar ãṭ aṛaṅte rarakʼe ehopʼena.

Rak̕joṅ 4:9

Akalte gujukʼ khon tarwaṛete gujukʼge bhagea; ińren hoṛko do khet reakʼ phosol ṭonṭate reṅgecʼ jalateko ạsitʼ cabakʼkana.

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Jirimiạ 5:2

Ar onkoko men, ‘jiwetʼ Probhu Isor ńutumteń kiriạkʼ kana,’ enhõ onko do eṛe eṛeko kiriạkʼ kana.”

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

2 Samuel 15:21

Menkhan Itaiye do raje roṛ ruạṛadea, “Jiwetʼ Probhu Isor ńutumte kiriạkateń meneda ar ińren mạlik ńutumte kiriạkateń meneda, baṅ doń gujukʼ baṅ doń jiwedokʼ, ińren mạlik maharaj jãhãregeye tahen iń amren guti hõ onḍegeń tahena.”

1 Samuel 26:10

Jiwetʼ Isor ńutumteń meneda, Probhu Isorge uni do sạjạiye emaea. Uni do acʼtegeye gujukʼa, ar baṅ khan lạṛhạire senkateye marao utạrokʼa.

1 Samuel 25:26

“E ińren mạlik, jiwetʼ Probhu Isor ńutumte ar am ńutumteń kiriyạkʼ kana, amren bạiriko ar okoe do amakʼ loksan lạgitʼko kurumuṭui onkoakʼ dosa do Nabal leka hoyokʼtakoa, ente Probhu Isor do apnar tite hala hạli reakʼe akoṭ akatʼmea.

1 Samuel 20:21

Ona tayom mitʼṭen koṛa niạ menkate liń kolea, ‘Do, sarko sendra ạguiyme.’ Ar unre liń menle khan, ‘sarko iń secʼre menakʼa, ạguiyme.’ Enḍekhan aben doben hijukʼa, ente jiwetʼ Isor ńutumte liń metaben kana aben doben khạtirjomagea, ar botor do bạnukʼanaṅ.

1 Samuel 20:3

Menkhan Dạud do arhõ kiriạkateye menkeda, “Abenren baba do bhagetegeye baḍaea aben do ạliń ben dulạṛetʼ lińạ. Onate pasecʼ uni do mone moneteye hudiseda, Jonathan noa babotre baṅ baḍae ocoyege bhagea, ente uni do duke ńama. Menkhan jiwetʼ Isor ńutumte ar abenakʼ jiwetʼ leka ạliń ar gujukʼ talare do eken mitʼ taṛamge pharak menakʼa.”

1 Samuel 14:45

Menkhan hoṛko do Sạulko metadea, “Okoe iạte Israelko niạ maraṅ bańcaoko ńamakatʼ uni Jonathan do cetʼ gujukʼ hoyokʼtea? Tisge baṅa; jiwetʼ Isor ńutumtele kiriạkʼ kana, uniyakʼ mitʼṭecʼ upʼ hõ otre do baṅ ńurokʼtaea, ente uni teheń okae ceka akatʼ ona do Isor sãote tahẽkategeye onka akada.” Nonkate hoṛko do Jonathanko rukhiyạkedea, ar uni do bae gocʼ ocolena.

1 Samuel 14:39

Israelkoren babańcaoicʼ jiwetʼ Probhu Isor ńutumteń kiriạkʼ kana, ińren hopon Jonathan hõ onae onka akatʼ khan khạṭige uni hõ gujukʼ hoyokʼtaea.” Menkhan hoṛko do jotoge hape akanko tahẽyena.

Mathae 26:7

Ar mitʼṭecʼ ponḍ dhiri reakʼ cukạkʼre ạḍi damanakʼ mahkaokʼ sunume ạgu darakeda. Ar Jisu tinre jojome duṛupʼ akan tahẽkan unre uni do ona mahkaokʼ sunum bohokʼreye duladea.

Genesis 21:15

Kum reakʼ dakʼ cabayen khan uni do mitʼṭecʼ jhạuạ latarre acʼren gidrại giticʼkedea.

1 Rapajko 17:11

Maejiu do tinreye calakʼkan tahẽkana unre arhõ hohoadeteye metadea, “Dayakate iń lạgitʼ mitʼ kecakʼ piṭhạ hõ ạgu daraeme.”

1 Rapajko 17:13

Eliạ do uniye metadea, “Alom botorokʼa. Am okam menketʼ oṛakʼte senkate onage onkaeme. Menkhan amakʼ oka menakʼtam ona khon pạhilte iń lạgitʼ mitʼṭecʼ ḍetʼḍetʼ piṭhạ benaokate nonḍe ạguạńme. Ar ona tayom do am ar amren hopon lạgitʼ benaome.