1 Rapajko 17:1 - সান্তালী বাইবেল

¹ Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

1 Rapajko 17:1 Referans Kwoze

Jakob 5:17

Eliạ do abo lekage mitʼṭen manwae tahẽkana. Ar nehõr salakʼe koekeda jemon dakʼ hõ aloe dag, ar pe bochor tala disạmre bae dakʼleda.

Luk 1:17

Uni do Eliạ nạbi reakʼ Jiu ar daṛete Probhu Isor laha lahateye hijukʼa. Ar apatkoakʼ mon hoponko secʼe ruạṛtakoa ar bebatao hoṛkoakʼ mon reakʼ buje pheraotakote Isor sewa hoṛkoakʼ buj lekae hoy ocoytakoa. Nonkate uni do Probhu Isor lạgitʼ mitʼṭecʼ sapṛao akan jạtrenkoe tearkoa.”

1 Rapajko 22:14

Menkhan Mikại menkeda, “Jiwetʼ Probhu Isorre kiriạkateń meneda, Probhu Isor okaṭakʼ memene mitạń eken onageń roṛa.”

2 Rapajko 3:14

Elisaye menkeda, “Okoeyiń sewawae kan uni sanam daṛean jiwetʼ Probhu Isor ńutumte kiriạkateń meneda, Jihudạren raj Jehosaphat nonḍe bae tahẽlen khan iń do am secʼ beṅgetʼ hõ bạń beṅgetʼkea, ar mone ho bạń moneyam kea.

Johan sodor 11:6

Nukin hoṛ tinạkʼ din kin nạbiya unạkʼ din jemon aloe dag onate serma siń lạgitʼ ektiạri tahen tạkina. Ar dakʼ mãyãm ocoy ar tinạkʼ dhao sanakin unạkʼ dhao jãhãn dukte dhạrti hạ̃n reakʼ ektiạri hõ tahen tạkina.

Romiko lạgitʼ Pạul Apostolakʼ ciṭhi 11:2

Isor do acʼren okoeko hoṛ laha khongeye bachao akatʼko tahẽkan onko do bae dea giḍiletʼkoa. Se bape baḍaea, sonot sostorre Eliạ nạbi reakʼ cetʼe meneda mente? Uni do Isor ṭhen Israel upạrteye roṛleda,

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Luk 9:30

ar uni tulucʼ bar hoṛ galmaraokan kin ńelena. Unkin do Mose ar Eliạge.

Mathae 7:29

ente uni do sostor baḍaeko leka do baṅ, bickom ektiạri menakʼtae hoṛ lekae cetʼako kan tahẽkana.

1 Rapajko 18:1

Inạ ḍher din tayom, bae dakʼetʼ tahẽkan tesarakʼ bochorre Probhu Isor do Eliại metadea, “Do Ahab sãote ńapamokʼme. Ar iń do disạmre dakʼ iń kola.”

Dosar Biboron 10:8

Unre Probhu Isor do acʼakʼ bondobos sinduk gokʼ idiy lạgitʼ ar sekʼwa kạmi ńutumte uni samaṅre teṅgokʼ lạgitʼ ar acʼakʼ ńutumte bhorako lạgitʼ Liwikoe bachaoletʼkoa. Ar onko do teheń hạbicʼko kạmikana.

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

1 Rapajko 18:15

Eliại menkeda, “Iń okoeyiń sewawae kan, metakʼme sanam daṛeanicʼ jiwetʼ Probhu Isorre kiriạkateń meneda, iń do khạṭige teheń do Ahab samaṅreń hạjirokʼa.”

1 Rapajko 18:10

Amren jiwetʼ Probhu Isor ńutumte kiriạkateń metamkana, nonkan jạtrenko se rajosṭiko bạnukʼa one okare ińren mạlik do am sendrame lạgitʼ hoṛ bae kol akatʼko. Onko jạtrenko se rajosṭire tinreko lạikeda onḍe do bạnuma unre uni do onkoe kiriạ ocoyetʼko tahẽkana, ar sạrige onko do bako sendra ńam daṛeakatʼmea.

Bikʼcạrko 12:4

Jiptha do unre Gileadren sanam hoṛe hoho jarwaketʼkote Ephrayimrenko upạrteye lạṛhạiyena, ente Ephrayim gusṭiren hoṛko menleda, “E Gileadrenko, ape do Ephrayim ar Manase gusṭi bạgiyakʼ hoṛko kanape.” Ona lạṛhạire Gileadrenko do onkoko bhagaoketʼkoa.

Johan 1:25

“Am do Mạsi hõ baṅ, Eliạ hõ baṅ, ar uni nạbi hõm baṅkan khan enḍekhan cedakʼem bạptisetʼkoa?”

Johan 1:21

Unre onko do Johanko kulikedea, “Okoe enḍekhan? Eliạ kanam?” Uni doe menkeda, “Baṅ, iń do Eliạ hõń baṅkana.” Onkoko metadea, “Enḍekhan am do cetʼ uni nạbi kanam?” Uniye roṛ ruạrkeda, “Baṅ.”

Luk 9:54

Ona ńelte acʼren cela Jakob ar Johan dokin menkeda, “E Probhu Jisu, Eliạ leka serma khon seṅgel ńurakote marao giḍikako lạgitʼ hukum liń emamem khojkana?”

Luk 9:33

Ado unkin hoṛ tinre Jisu ṭhen khonkin calakʼkan tahẽkana unre Patras do Jisui metadea, “E Guru, bhagege hoyakana nonḍe menakʼle iạte. Ale do nonḍe pea kumbạ oṛakʼle benaoa, mitʼṭecʼ do am lạgitʼ, mitʼṭecʼ do Mose lạgitʼ ar mitʼṭecʼ do Eliạ lạgitʼ.” Menkhan uni do bae bujhạuleda acʼ do cetʼe meneda mente.

Mathae 27:49

Eṭakʼko doko menkeda, “Hape se ńellege bon, uni bańcaoe lạgitʼ Eliại hijukʼ kana se baṅa.” (Mitʼ hoṛ do borlome hataokeda ar kokhareye sobokʼkede khan dakʼ ar mãyãm oḍokena.)

Mathae 27:47

Onḍe teṅgo akan tahẽkanko modren adom hoṛ do noa katha ańjomteko menkeda, “Uni do Eliại hohoae kana.”

Mathae 16:14

Onkoko menkeda, “Adomko doko meneda am dom Johan bạbạptisicʼ kana; ar adomko doko meneda Eliạ kanam; arhõ adomko doko meneda Jirimiạ; ar baṅkhan nạbiko modren mitʼ hoṛ.”

Mathae 11:14

Noa kathape pạtiạuakʼ kan khan enḍekhan ańjompe okoeyakʼ hijukʼ reakʼ katha tahẽkan uni Eliạ doe nui Johan kangea.

Jirimiạ 15:19

Unre Probhu Isor doe menkeda, “Monem ạcurletam khan iń do lahate lekań ataṅ ruạṛmea jemon ińem sapʼsorạń; ar ạuṛiyakʼ katha roṛ baṅkate damanakʼ katham roṛ enḍekhan ińakʼ mocategem roṛa. Noko hoṛ do am secʼko ạcurokʼa, menkhan am do onko secʼ alom ạcurokʼa.

Jesaea 49:18

Beṛhaete beṅgetʼ ạcurme; ar ńelme amren hoponko do jarwakate am ṭhenko hijukʼkana. Kiriạkateń metamkana, onko jotoge amakʼ abhran lekako hoyokʼa, bapla bạhu kuṛiyakʼ abhran lekage.

2 Rapajko 5:16

Nạbiye roṛ ruạṛkeda, “Okoeyiń sewawae kan uni jiwetʼ Probhu Isor ńutumteń kiriạkʼ kana, iń do mitʼṭecʼ jinis hõ bạń hataotama.” Namane jormoṭkedere hõ uni do bae rạjilena.

1 Rapajko 17:2

Tayomte Probhu Isor do Eliạ metadea,

1 Rapajko 17:12

Uni maejiue roṛ ruạṛkeda, “Amren jiwetʼ Probhu Isor ńutumte kiriạkateń meneda, iń ṭhen do mitʼṭecʼ piṭhạ hõ bạnukʼa. Hanḍhare eken mitʼ muṭ holoṅ ar cukạkʼre thoṛa sunum menakʼa. Iń do oṛakʼte idi lạgitʼ thoṛagan sahaniń halaṅeda; onate iń ar ińren hoponiń lạgitʼ thoṛa jomakʼ iń benaoa. Ar ona tayom do jom kateliń gujukʼa.”

2 Rapajko 1:3

Menkhan Probhu Isorren goḍet do Tisberen Eliại metadea, “Am do senkate Samariạren raje kol akatʼko hoṛko sãote ńapamkatem metakoa, ‘Israelre Isor do cetʼ bạnuiya, onate Ekronren debota Bakʼal-sebub ṭhen kulijoṅpe calakʼ kana?

2 Bõsbudạ 6:26

“Am upạrte amren hoṛkoakʼ kại gunạkʼte tinre rimil esedokʼte bae daga unre onko do niạ jaegare ruạṛkate amko sarhaome ar am ṭhenko koejoṅ ar kosṭo iạte kại khonko ruạṛokʼ,

Jobakʼ 12:15

Uni do dakʼe akoṭ ocole khan akal hoyokʼa; ar onae jhicʼle khan disạm do ḍahao maraokʼa.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Jirimiạ 28:8

Am ar iń lahate sedaeren okoe nạbikoko tahẽkan, onko do aema disạm ar maraṅ maraṅ rajosṭi upạrte lạṛhại, akal ar mahamạri reaṅko nạbileda.

Hagae 1:10

Ona iạtege serma do acʼakʼ sisir dakʼ ar jumi do phosol emokʼe bondleda.

1 Rapajko 8:35

“Am birudre amren hoṛkoakʼ kại gunạkʼte tinre rimil esedokʼte bae daga unre onko do niạ jaegare ruạṛkate amko sarhaome ar am ṭhenko koejoṅ ar akoakʼ kại khonko ruạṛokʼ,

2 Rapajko 4:38

Elisae do Gilgolteye ruạṛ calaoena. Unre ona ṭoṭhare akal hoyokʼkan tahẽkana. Mitʼdin cela-nạbiko do uni sãoteko duṛupʼ akan tahẽkana. Unre acʼren mitʼṭen gutiye metadea, “Lạṭu ṭukucʼ condaete noko lạgitʼ suṛạ dakae tabon me.”

2 Bõsbudạ 21:12

Unre Jehoram do Eliạ nạbi ṭhen khon mitʼṭecʼ ciṭhiye ńamkeda. Onare ol tahẽkana, “Amren hapṛam Dạudren Probhu Isore meneda, ‘am do amren ạpum Jehosaphat se Jihudạren Asa rajakʼ horte do bam taṛameda, menkhan Israelren rapajko lekagem taṛameda. Am iạte Ahab bõsren hoṛko leka Jihudạ ar Jerusalemren hoṛko do boṅga sewa secʼko ạcur akana. Ona chaḍa am do amren boehakom gocʼ ocoakatʼkoa, onko do am khon hõ bhagegeko tahẽkana.