1 Rapajko 16:8 - সান্তালী বাইবেল

⁸ Jihudạren raj Asakʼ rajokʼ bargel turui bochor oktere Basaren hopon Ela do Israelren raje hoyena. Uni do Tirsare bar bochore rajlena.

1 Rapajko 16:8 Referans Kwoze

1 Rapajko 15:16

Asa ar Israelren Basa raj do jiwetʼ bhor ạkin talarekin lạṛhại kan tahẽkana.

1 Rapajko 16:7

Hananren hopon Jehu nạbi hotete Basa ar uniyakʼ bõsko upạrte Probhu Isorakʼ katha do sodorlena, ente Jerobiamakʼ bõsrenko leka uni do Probhu Isorakʼ mẽtʼre oka bạṛicʼakʼ kan ona kạmikote Probhu Isore bekusi ocokedea ar Jerobiamakʼ bõskoe marao giḍikada.

1 Rapajko 16:9

Simri ńutuman uniren mitʼṭen senaputi do uni upạrteye soṛojontroyetʼ tahẽkana. Elawakʼ tinạkʼ rãt gạḍiko tahẽkan onako reakʼ adha do Simri cetanre bhar tahẽkana. Ela do un jokhecʼ Arsawakʼ oṛakʼre bulokʼ lạgitʼ bubulakʼe ńuńukan tahẽkana. Arsa cetanre do Tirsa reakʼ raj dolanko ńel todarot reakʼ bhar tahẽkana.

Kạhtukko 28:2

Disạmren hoṛkoakʼ ghạṭ iạte onaren aema cạlạuakoko hoyokʼa, menkhan ạkilan ar budan cạlạuako hotetege disạm reakʼ kajaktetʼ do tahena.

1 Rapajko 15:33

Jihudạren raj Asakʼ rajokʼ tesarakʼ bochorre goṭa Israel disạm cetanre Ạhiạren hopon Basa do Tirsare rajokʼe ehopʼena. Uni do bargel pon bochore rajena.

1 Rapajko 16:6

Tayomte Basa do acʼren hapṛamko ṭhene calaoena ar Tirsareko topakadea. Ar uniyakʼ jaegare uniren hopon Ela do raje hoyena.

1 Rapajko 16:15

Jihudạren raj Asakʼ rajokʼ bargel eaeyakʼ bohcorre Simri do Tirsare eae din raje calaokeda. Ona jokhecʼ Israelren lạṛhại phạdko do Philisṭikoakʼ Gibethonko gherao akatʼ tahẽkana.

1 Rapajko 16:21

Inạ tayom Israelko do bar hạṭińteko hạṭińena. Onko modren adha do Ginetren hopon Tibni rajeko khojkeda ar eṭakʼ adhako do Omri rajeko khojkeda.

1 Rapajko 16:23

Jihudạren raj Asakʼ rajokʼ pegel mitʼ bochorre Omri do Israelkoren raje hoyena. Uni do gelbar bochor raje tahẽkana, ona modre turui bochor do Tirsareye rajena.

2 Rapajko 15:14

Ona tayom Gadiren hopon Menahem do Tirsa khon Samariạte senkate Jabesren hopon Salume akromonkedete uniye gocʼkedea ar uniyakʼ jaegare raje hoyena.

2 Rapajko 15:23

Jihudạren raj Asariạwakʼ rajokʼ mõṛẽgelakʼ bochorre Menahemren hopon Pekahiạ do Samariạre Israelren raj lekate bar bochor raje calaokeda.

2 Rapajko 21:19

Amon do bargel bar bochor umerre raje hoylena. Ar Jerusalemre bar bochor raje calaoketʼa. Uniren eṅgatakʼ ńutum do Mesulemet tahẽkana; uni do Jotba atoren Harusren hoponerae tahẽkana.