1 Rapajko 16:7 - সান্তালী বাইবেল

⁷ Hananren hopon Jehu nạbi hotete Basa ar uniyakʼ bõsko upạrte Probhu Isorakʼ katha do sodorlena, ente Jerobiamakʼ bõsrenko leka uni do Probhu Isorakʼ mẽtʼre oka bạṛicʼakʼ kan ona kạmikote Probhu Isore bekusi ocokedea ar Jerobiamakʼ bõskoe marao giḍikada.

1 Rapajko 16:7 Referans Kwoze

Hosea 1:4

Unre Probhu Isor do Hoseae metadea, “Am do uniyakʼ ńutum Jisreyelem dohoytaea, ente Jisreyel nagrahare Jehu do ḍher hoṛe gocʼletʼkote iń do uniyakʼ bõsrenko cetanre usạrage sạjạiyiń ạguiya ar Israelakʼ rajosṭiń caba utạra.

Jesaea 2:8

Ona chaḍa disạm do boṅga murtikote perecʼgetakoa. Onko do akoakʼ tite benaoakʼ jinisko sewawakʼ kana, ar kạṭupʼte okako benaoetʼkan onageko ḍobokʼakʼ kana.

Sereńko 115:4

Onkoren boṅga murhutʼko do sona ar rupạte manwa tite benaoko kanako.

1 Rapajko 14:14

“Probhu Isor do acʼ apnar ńutumte Israelkoren hoṛko cetanre nonkan mitʼ hoṛe rajea okoe do Jerobiam bõsrenkoe marao utạrko. Ona din do teheńkangea, hẽ, ńitokʼ kangea.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

1 Rapajko 16:8

Jihudạren raj Asakʼ rajokʼ bargel turui bochor oktere Basaren hopon Ela do Israelren raje hoyena. Uni do Tirsare bar bochore rajlena.

2 Rapajko 17:13

Probhu Isor do acʼren sanam nạbiko ar ńeńelko hotete Israelko ar Jihudiko niạ menteye sontorletʼkoa, “Apeakʼ bạṛicʼakʼ hor khon ruạṛokʼpe ar sanam ạn-ạriko okaṭakʼ do aperen hapṛamko manao lạgitʼ iń ematʼko tahẽkan ar ińren gutiko, metakʼme nạbiko hoteteń baḍae ocoakatʼpe ona lekage ińakʼ sanam hukumko ar niạmko manaope.”

2 Bõsbudạ 16:7

Onako dinre ńeńelicʼ Hanani do hecʼkate Jihudạren Asa raje metadea, “Amren Probhu Isor cetanre bhorsa baṅkate am do Aramren raj cetanrem bhorsalente Aram rajren lạṛhại phạdko do amakʼ ti khonko puskucʼena.